વિકાસ / ભાવનગરમાં બનશે દુનિયાનું પ્રથમ CNG પોર્ટ ટર્મિનલ, રાજ્ય સરકારની મંજૂરી

• રાજ્ય સરકારે CNG ટર્મિનલની આપી મંજૂરી
• ભાવનગરમાં દુનિયાનું પ્રથમ CNG ટર્મિનલ
• લંડનની કંપનીને ટર્મિનલને લઇને અપાઇ મંજૂરી

ગુજરાત સરકારે CNG ટર્મિનલની આપી મંજૂરી

ગુજરાત સરકાર દ્વારા ભાવનગરમાં CNG ટર્મિનલ બનાવવાના પ્રસ્તાવને મંજૂરી આપી છે. આ ટર્મિનલ પર 1,900 કરોડ રૂપિયાના રોકાણના પ્રસ્તાવને મંજૂરી આપી છે. 

ભાવનગરમાં દુનિયાનું પહેલુ CNG ટર્મિનલ 

રાજ્ય સરકાર તરફી જારી કરવામાં આવેલી જાણકારીમાં જણાવાયું છે કે મુખ્યમંત્રી વિજય રૂપાણીની અધ્યક્ષતાવાળા ગુજરાત સંરચના વિકાસ બોર્ડે આ ટર્મિનલ પ્રસ્તાવને મંજૂરી આપી દીધી છે. આ દુનિયાનો પહેલો CNG ટર્મિનલ હશે. 

ગુજરાત મેરીટાઇમ બોર્ડ (GMB Ports) દ્વારા આ વર્ષે વાયબ્રન્ટ ગુજરાતમાં ભાવનગરના આ પોર્ટ ટર્મિનલની સ્થાપના માટે ફોરસાઇટ સમૂહ સાથે MoU પર હસ્તાક્ષર કર્યા હતા. 

ટર્મિનલ બનતા માલ પરિવહનની ક્ષમતા વધશે

આ ટર્મિનલ વિશ્વનું પ્રથમ CNG ટર્મિનલ હોવાનો દાવો કરતા જણાવાયું છે કે તેની વાર્ષિક ક્ષમતા 1.5 મિલિયન મેટ્રિક ટનની હશે. તેની સ્થાપના બાદ ભાવનગર પોર્ટ પર માલના પરિવહનની ક્ષમતા ત્રણ ગણી વધી જશે. હાલમાં વાર્ષિક 3 મિલિયન મેટ્રિક ટન કાર્ગોનું સંચાલન પોર્ટ પરથી કરવામાં આવે છે. જે ટર્મિનલના બની ગયા બાદ 9 મિલિયન મેટ્રિક ટન પર પહોંચવાની શક્યતા છે.