શિક્ષણ સમાચાર / વાલીઓ ફી મુદ્દે સરકારનો પરિપત્ર સમજી લેજો, શાળાઓ ક્યાંક વધારે ફી ન ઉઘરાવી લે

• સ્કૂલ ફીમાં વાસ્તવમાં ફી શેને ગણવી તેની સ્પષ્ટતા પણ પરિપત્રમાં થઈ
• મહામારીમાં અલગ-અલગ નામે લેવાતી ફી નહી માત્ર ટ્યૂશન ફીના જ પૈસા ભરવાના છે
• ટ્યૂશન ફીમાં 25 ટકા ઓછા લઈને ફી લેવા સરકારનો શાળાઓને આદેશ

ગુજરાતના વાલીઓના હિતમાં VTVના અભિયાનને સફળતા મળી હતી. અસ્પષ્ટતાઓ અને મુંઝવણને દૂર કરતો પરિપત્ર સરકારે જાહેર કર્યો હતો. ગુજરાતના વાલીઓનું દર્દ સમજતા VTV ન્યૂઝે અભિયાન ચલાવ્યું હતું. ફી મામલે વાલીઓના તમામ પ્રશ્નોની માધ્યમ બની હતી. 

સ્કૂલ ફીમાં વાસ્તવમાં ફી શેને ગણવી તેની સ્પષ્ટતા પણ પરિપત્રમાં થઈ છે. મહામારીમાં અલગ-અલગ નામે લેવાતી ફી નહી માત્ર ટ્યૂશન ફીના જ પૈસા ભરવાના છે ટ્યૂશન ફીમાં 25 ટકા ઓછા લઈને ફી લેવા સરકારનો શાળાઓને આદેશ છે. 

શું છે પરિપત્રમાં

• શાળામાં ફી મામલે શિક્ષણ વિભાગનો પરિપત્ર 
• કોઈ પણ શાળા વર્ષ 2020-21માં નહી કરી શકે ફી વધારો 
• ટ્યુશન ફી સિવાયની ઈતર પ્રવૃતિની ફી નહીં લઈ શકાય 
• શાળા ફરજિયાત પણે વધારાની ફી નહીં માગી શકે 
• વૈકલ્પિક પ્રવૃત્તિ કરતા વિદ્યાર્થી પાસેથી જ પ્રવૃત્તિની ફી વસૂલાશે
• અગાઉ ઈતર પ્રવૃત્તિની ફી ભરનાર વાલીઓની ફી સરભર કરાશે
• તમામ શાળાઓએ ફરજિયાત 25 ટકાની રાહત આપવી પડશે
• FRCએ નિયત કરેલી ફી માંથી જ રાહત આપવી પડશે 
• વાલી પોતાની અનુકૂળતાએ માસિક કે એક સાથે ફી ભરી શકશે
• તાત્કાલિક ફી ભરવા માટે શાળાઓ નહીં કરી શકે દબાણ 
• મોડી ફી ભરવા પર શાળાઓ નહીં લઈ શકે દંડની રકમ