VIDEO / ગુજરાતની પ્રથમ એવી જેલ જે કેદીને જેલ જેવી નહીં લાગે, જોઈને તમે પણ કહેશો વાત તો સાચી

• ગુજરાતની સૌથી પહેલી ઓપન જેલ 
• વડોદરાના દંતેશ્વર વિસ્તારમાં આકાર પામી આધુનિક જેલ 
• ખુલ્લા વાતાવરણમાં રહી શકશે કેદીઓ

ઉલ્લેખનીય છે કે, આ જેલ સંસ્કારીનગરી વડોદરાના દંતેશ્વર વિસ્તારમા 11.28 કરોડના ખર્ચે તૈયાર થઈ છે. 4.12 એકરમાં બનેલી જેલમાં 12 બેરેક બનાવાયા છે. જેમાં પાકા કામના 60 કેદીઓ રાખી શકાશે. જેલમાં એક ગૌ શાળા પણ બનાવાઈ છે. સરકારે 2015 માં ઓપન જેલ બનાવવાની દરખાસ્ત મંજુર કરી હતી ત્યારે 5 વર્ષમાં ઓપન જેલ તૈયાર થઈ છે.

જેલની વિશેષતા શું છે?

જેલની વિશેષતા અંગે વાત કરવામાં આવે તો જેલમાં મેડિટેશન હોલ, લાઈબ્રેરી, ક્લોથીંગ સ્ટોર અને લોન્ડરી સહિતની સુવિધાઓ ઉભી કરાઈ છે. તો જેલ બહાર ગુજરાતનો સૌથી પહેલો કેદી સંચાલિત પેટ્રોલ પમ્પ પણ તૈયાર કરાયો છે જેમાં કેદીઓ જ સેવા આપી રહ્યા છે. જેલમાં જ વિવિધ પાકોનું વાવેતર પણ કરવામાં આવે છે. જે જેલના કેદીઓ માટે ઉપયોગમાં લેવાય છે. 

આપને જણાવી દઇએ કે, ઓપન જેલમાં જે કેદીઓ નો સજા દરમિયાન વ્યવહાર સારો હોય તેમને તેવા કેદીઓને રાખવામાં આવે છે. સરકારે ઓપન જેલમાં સુપ્રિટેન્ડન્ટ સહિતના સ્ટાફની નિમણૂંક પણ કરી દીધી છે.

જેલમાં જ સ્ટાફ અને કેદીઓને અનાજ, શાકભાજી, દૂધ મળે તેવી વ્યવસ્થા કરાઈ છે. એવું કહી શકાય કે, એક માનવિય અભિગમ સાથે અહીં કેદીઓને માનવતાના પાઠ ભણાવવામાં આવે છે..જેથી કરીને કેદી બહાર નિકળતા જ એક સારું જીવન જીવી શકે..