રાજ્ય સરકારની જાહેરાત મેડિકલ કોલેજના વિદ્યાર્થીઓના સ્ટાઈપેન્ડમાં વધારો

ગાંધીનગરઃ મેડિકલ કોલેજના વિદ્યાર્થીઓના સ્ટાઇપેન્ડમાં વધારો કરવામા આવ્યો છે. આ અંગે નાયબ મુખ્યમંત્રી નીતિન પટેલે જાહેરાત કરી છે.

તેમણે જણાવ્યુ હતું કે નવા સ્ટાઇપેન્ડથી રાજ્ય સરકારને 70 કરોડનો વધારાનો ચાર્જ પડશે. દર 3 વર્ષે સ્ટાઇપેન્ડ વધારવાનું હોય છે તેની મુદ્દત પૂર્ણ થઇ છે. ઇન્ટર્નસ MBBSનું સ્ટાઇપેન્ડ રૂ.10780થી વધારી 13 હજાર કરવામાં આવ્યુ છે. જ્યારે ઇન્ટર્નસ ડેન્ટલનું સ્ટાઇપેન્ડ 9469થી વધારી 12 હજાર કરવામાં આવ્યું છે.

ઇન્ટર્નસ ફિઝીયોથેરાપીનું સ્ટાઇપેન્ડ 5824થી વધારી 8 હજાર કરવામાં આવ્યુ છે. સુપર સ્પેશીયાલીસ્ટનું પ્રથમ વર્ષનું સ્ટાઇપેન્ડ વધારી 72 હજાર કરવામાં આવ્યું  છે. સુપર સ્પેશીયાલીસ્ટનું ત્રીજા વર્ષનું સ્ટાઇપેન્ડ વધારી 80 હજાર કરવામાં આવ્યુ છે. મેડિકલ રેસિડેન્ટ ડિપ્લોમાંનું પહેલા વર્ષનું સ્ટાઇપેન્ડ 45 હજાર કરવામાં આવ્યું છે.

મેડિકલ રેસિડેન્ટ ડિપ્લોમાંનું બીજા વર્ષનું સ્ટાઇપેન્ડ 49 હજાર કરવામાં આવ્યું છે. 5 હજાર વિદ્યાર્થીઓને ઇન્ટર્નશીપ તેમજ રેસિડેન્ટ ડોકટરોને સ્ટાઇપેન્ડ આપવામાં આવતું હોય છે.