વિવાદ / સરકારે ટેકાના ભાવે મગફળી ખરીદવાની જાહેરાત કરતા ક્યાક આનંદ તો ક્યાક વિરોધ

• ટેકાના ભાવથી થોડા ઉંચા ભાવમાં વેચાઇ રહી છે મગફળી
• સરકારે જે ભાવ જાહેર કર્યા તે ખુબ ઓછાઃ ગુજરાત કિસાન કોંગ્રેસ
• નાગરિક પુરવઠા વિભાગના કર્મચારીઓએ વિરોધ કર્યો

રાજ્ય સરકારે ટેકાના ભાવે મગફળી ખરીદીનો નિર્ણય લીધો છે. ત્યારે સરકારના ટેકાના ભાવે મગફળી ખરીદીનો નાગરિક પુરવઠા વિભાગના કર્મચારીઓએ વિરોધ કર્યો હતો. જુદા-જુદા ઝોનના 200થી વધુ કર્મચારીઓએ વિરોધ કર્યો હતો. 

ગાંધીનગરની અન્ન અને નાગરિક પુરવઠા નિગમની કચેરીમાં કર્મચારીઓએ વિરોધ કર્યો હતો. સૌરાષ્ટ્ર, સાબરકાંઠા, બનાસકાંઠા, મહેસાણા ઝોનના કર્મચારીઓએ વિરોધ કર્યો હતો. આ વિરોધ પ્રદર્શનમાં પુરવઠા નિરીક્ષકો અને અધિકારીઓ પણ જોડાયા હતા.

સરકારે જે ભાવ જાહેર કર્યા તે ખુબ ઓછાઃ ગુજરાત કિસાન કોંગ્રેસ

જેને લઈને ગુજરાત કિશાન કોંગ્રેસના પાલભાઈ આંબલીયાએ વિરોધનો સુર આલાપ્યો છે તેમને જણાવ્યું કે સરકારે મગફળીના ટેકાના જે ભાવ જાહેર કર્યા છે તે ખુબ ઓછા કહેવાય કેમ કે ખેડૂતોને દવા બિયારણ મજૂરી સહિતના જે ખર્ચ લાગી રહ્યા છે. તેની સામે સરકારે અનેક બીજી ચીજ વસ્તુઓમાં 30 ટકા જેટલો ભાવ વધારો આપવો જોઈએ.

ટેકાના ભાવથી થોડા ઉંચા ભાવમાં વેચાઇ રહી છે મગફળી

ગુજરાતમાં મગફળી પકવતા ખેડૂતો માટે ખુશીના સમાચાર છે. શરુઆતમાં મગફળીનો મણનો ભાવ 1100થી 1300 રુપિયા આપીને ખરીદી કરવામાં આવી રહી છે. સારા ઉત્પાદનની આશા વચ્ચે ખેડૂતોને શરુઆતમાં સારો ભાવ મળી રહ્યો છે. ટેકાના ભાવથી થોડા ઉંચા ભાવમાં મગફળી વેચાઇ રહી છે. રાજકોટ માર્કેટ યાર્ડમાં આજે સાત હજાર ગુણીની આવક થઈ છે. આ વર્ષે મગફળીનું મબલખ ઉત્પાદન થવાની સંભાવના છે. ઓક્ટોબરમાં રાજ્ય સરકાર દ્વારા મગફળીની ખરીદી શરુ કરાશે.