રાજ્ય સરકારે ટેકાના ભાવે મગફળી ખરીદીનો નિર્ણય લીધો હતો. જેને લઇને હવે ખેડૂતો માટે મહત્વના સમાચાર છે કે ટેકાના ભાવે મગફળી વેચવા માટે રાજ્યમાં આજથી ઓનલાઇન રજિસ્ટ્રેશનની શરૂઆત થઇ રહી છે. રાજ્ય સરકાર 1018 રૂપિયા પ્રતિ મણના ભાવે મગફળીની ખરીદી કરશે.
એક માસ સુધી માર્કેટિંગ સેન્ટર પર રજિસ્ટ્રેશન થશે
રૂ.5090 પ્રતિ ક્વિન્ટલના ભાવે મગફળીનુ વેચાણ થશે
1 નવેમ્બરથી માર્કેટિંગ યાર્ડ પર ખરીદ પ્રક્રિયા શરૂ થશે
ખેડૂતો આજથી કરી શકશે ઓનલાઇન રજિસ્ટ્રેશન
રાજ્ય સરકાર દ્વારા ટેકાના ભાવે મગફળી ખરીદીની જાહેરાત કરવામાં આવ્યાં બાદ ખેડૂતો આજથી ઓનલાઇન રજિસ્ટ્રેશન કરી શકશે. જેનું મુખ્ય કારણ છે કે જે ટેકાના ભાવે મગફળી વેચવા રજિસ્ટ્રેશન ફરજિયાત કરવું પડશે. એક મહિના સુધી માર્કેટિંગ સેન્ટર પર ઓનલાઇન રજિસ્ટ્રેશન કરવામાં આવશે. રજિસ્ટ્રેશન બાદ જ ટેકાના ભાવે વેચાણ કરી શકાશે.
રાજ્યમાં 32 લાખ મેટ્રિક ટન મગળફળી ઉત્પાદનનો અંદાજ
રાજ્યમાં પડેલા સારા વરસાદના પગલે 32 લાખ મેટ્રિક ટન મગફળીના ઉત્પાદનનો અંદાજ લગાવામાં આવી રહ્યો છે. જો કે સરકાર દ્વારા 5090 રૂપિયા પ્રતિ ક્વિન્ટલના ભાવે મગફળીનું વેચાણ થશે.
રાજ્યમાં 124 સેન્ટર પર ખરીદવામાં આવશે મગફળી
રાજ્યમાં સારા વરસાદને લઇને મગફળીનું ઉત્પાદન સારુ થયું હોવાનું જોવા મળી રહ્યું છે. જેને ખરીદવા માટે રાજ્ય સરકાર દ્વારા સેન્ટર ખોલવામાં આવશે. સમગ્ર રાજ્યમાં 124 સેન્ટર પરથી મગફળી ખરીદવામાં આવશે. આ ખરીદીનું ખેડૂતોને પેમેન્ટ સમયસર મળી જશે તેવી ખાતરી પણ આપવામાં આવી છે. ખેડૂતોને SMSથી પણ જાણકારી આપવામાં આવશે.
ખેડૂતોએ સરકારે જાહેર કરેલા ભાવ પર ઉઠાવ્યો હતો સવાલ
રાજ્યમા મંત્રી જયેશ રાદડિયાએ થોડા દિવસ પહેલા મગફળીના ટેકાના ભાવની જાહેરાત કરી હતી. જો કે ખેડૂતોએ આ ટેકાના ભાવને લઇને સવાલ ઉઠાવતાં કહ્યું હતું કે હાલમાં માર્કેટયાર્ડમાં મગફળીનું 1250થી વધુના ભાવે વેચાણ કરવામાં આવી રહ્યું છે ત્યારે સરકારે જાહેર કરેલા 1018ના ભાવે કોણ વેચશે?