મોટા સમાચાર / પહેલા વડોદરા પછી નડિયાદ, હવે ગોધરામાં હિટ એન્ડ રન, કારની અડફેટે એક્ટિવા ચાલકનું મોત

ગોધરાના ભુરાવાવ ઓવરબ્રિજ પર કાર ચાલકે મોપેડને અડફેટે લીધુ હતું. જેમાં મોપેડ પર સવાર ત્રણ પૈકી 1 વ્યક્તિનું ધટના સ્થળે મોત નિપજ્યું હતું. આ ઘટનામાં અન્ય 2 ઈજાગ્રસ્તોને ગોધરા સિવિલ હોસ્પિટલમાં દાખલ કરવામાં આવ્યા છે. ત્યારે કાર ચાલક અકસ્માત કરીને ફરાર થયો હતો. જોકે આસપાસના લોકો દ્વારા તંત્રને જાણ કરવામાં આવતા સમગ્ર મામલે શહેર પોલીસે વધુ તપાસ શરૂ કરી છે.

નડિયાદની ઘટના

ખેડાના નડિયાદમાં આવે વિકેવી રોડ પર આ ઘટના સર્જાઇ હતી. જેમાં બ્લેક કાચવાળી ફોર્ચ્યુનર કાર ડ્રાઇવરે ગફલતભરી રીતે હંકારતા માર્ગેથી પસાર થતા બાઇક ચાલકને ટક્કર મારી હતી. ત્યારે ગાડીએ બાઇકને ટક્કર મારતા આ ઘટનામાં બાઇક ચાલકનું ઘટના સ્થળે જ મોત નિપજ્યું હતું. જોકે અકસ્માત બાદ કારમાં સવાર યુવક અને યુવતી ફરાર થઇ ગયા હોવાનું લોકોએ જણાવ્યું હતું.

આ પણ વાંચોઃ બેફામ કારચાલકે બાઈક અને એક્ટિવાને લીધું અડફેટે, મહિલાનું મોત, કાળજુ કંપાવી દેતા CCTV

ગઇ કાલે વડોદરાની ઘટનામાં એકનું મોત

વડોદરા હીટ એન્ડ રનની ઘટનામાં નશામાં ચકચૂર યુવકે એક મહિલાનો જીવ લેતા પરિવારજનોમાં શોકનો માહોલ છવાઈ જવા પામ્યો હતો. ત્યારે હોળી-ધૂળેટીનો તહેવાર હોઈ લોકો તહેવાર મનાવવા પોતાનાં સગાસબંધીને ત્યાં જતા હોય છે. ગાંધીનગરથી એક દંપતિ તહેવાર નિમિત્તે પોતાનાં સગા સબધીને ત્યાં કાર લઈ જઈ રહ્યા હતા. તે દરમ્યાન દહેગામ પાસે આવેલ ઉમિયા મંદિર પાસે કાર અને એસટી બસ વચ્ચે ગમખ્વાર અકસ્માત સર્જાયો હતો. જેમાં કારમાં સવાર દંપતીનું ઘટના સ્થળે જ મોત નિપજ્યું હતું. અકસ્માત એટલો ભયાનક હતો કે કારનો કચ્ચરઘાણ વળી જવા પામ્યો હતો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ