ઉન્નાવ દુષ્કર્મ પીડિતાના મોત પછી પરિવાર આઘાતમાં છે. ઉત્તર પ્રદેશ સહિત આખા દેશમાં ઉન્નાવ દુષ્કર્મ કાંડને લઈને લોકોનાં મનમાં ગુસ્સો છે. ત્યારે ગુજરાતમાં રાજકોટ, વડોદરા, જૂનાગઢ બાદ રાજ્યમાં વધુ એક બાળકી સાથે દુષ્કર્મની ઘટના સામે આવી છે. ભાવનગરના પાલીતાણામાં બાળકી સાથે એક વર્ષ સુધી કરાયું દુષ્કર્મ...
રાજ્યમાં વધુ એક બાળકી સાથે દુષ્કર્મની ઘટના સામે આવી
એક વર્ષ દરમિયાન અલગ અલગ શખ્સોએ આચર્યુ કૃત્ય
ઘેનની દવા પીવડાવીને બાળકી સાથે આચરતા હતા કૃત્ય
ભાવનગરના પાલીતાણામાં બાળકી સાથે વારંવાર દુષ્કર્મ આચર્યાની ઘટના સામે આવી છે. એક વર્ષ દરમિયાન અલગ અલગ શખ્સોએ કૃત્ય આચર્યું હતું. આ નરાધમો ઘેનની દવા પીવડાવીને બાળકી સાથે દુષ્કર્મ આચરતા હતા.
આ દુષ્કર્મ કાંડમાં મહિલાઓ પણ સામેલ હોવાનો આક્ષેપ કરવામાં આવી રહ્યા છે. પીડિત બાળકીને મેડિકલ ચેકઅપ માટે હોસ્પિટલ ખસેડાઈ છે. SP, DySP સહિતના અધિકારીઓએ તપાસ હાથધરી ધરી છે.
પંચમહાલમાં પાંચ વર્ષની બાળકી સાથે અડપલાંની ફરિયાદ
પંચમહાલમાં શનિવારે 45 વર્ષના આધેડ પડોશીએ પાંચ વર્ષની બાળકી સાથે શારીરિક અડપલાં કર્યાની ફરિયાદ નોંધાઇ હતી. આ મામલે પોલીસે આરોપીને પકડી કાર્યવાહી હાથ ધરી છે. પોસ્કો અને 354 કલમો મુજબ હાલોલ પોલીસે ગુનો નોંધ્યો છે.