ગુજરાતમાં શાળાઓ દ્વારા મનફાવે તેવી ફી વસૂલાતી હોવાને પગલે FRC ( Fee Regulatory Committee ) દ્વારા ફીના ધોરણો નક્કી કરવામાં આવ્યા છે જેમાં દ. ગુજરાતની 32 જેટલી શાળાઓની ફી ઉપર કાતરી ફેરવી દેવામાં આવે છે એટલું જ નહીં પરંતુ વધારાની વસુલેલી ફી શાળાઓએ વાલીઓને પરત કરવી પડશે.
સુરતમાં FRC દ્વારા વધુ સ્કૂલોની ફી કરાઇ જાહેર
વર્ષ 2018-19 અને 2019-20ની ફી કરાઇ જાહેર
દક્ષિણ ગુજરાતની 32 શાળાઓની ફી જાહેર
સ્કૂલોની ફાઇનલ ફીમાં મહત્તમ 45% સુધીનો ઘટાડો
સુરતમાં FRC ( Fee Regulatory Committee ) દ્વારા વધુ સ્કૂલોની ફી જાહેર કરાઇ છે. વર્ષ 2018-19 અને 2019-20ની ફી જાહેર કરી છે. દક્ષિણ ગુજરાતની 32 સ્કૂલોની ફી જાહેર કરાઇ છે. જેમાં સ્કૂલોની ફાઇનલ ફીમાં મહત્તમ 45% સુધીનો ઘટાડો કરાયો છે. એટલે હવે જે સ્કૂલે આ નક્કી કરેલી ફી કરતા વધુ ફી લીધી હશે તો તેઓએ ફી પરત આપવી પડશે.
કઈ પ્રખ્યાત શાળાઓની ફીમાં વાગી કાતર
વિશ્વભારતી સ્કૂલ ધો.12 સાયન્સની પ્રપોઝ્ડ ફી 1 લાખ 7 હજાર 940ની સામે 55,730 ફી નક્કી કરાઇ છે.
યૂરો સ્કૂલની ધો.9 અને 10ની પ્રપોઝ્ડ ફી 65,090 સામે 15,810 ફી. નક્કી કરાઇ છે.
રયાન સ્કૂલની 11-12 સાયન્સની પ્રપોઝ્ડ ફી 63,210 સામે 43,030 ફી નક્કી કરવામાં આવી છે.
તો નાલંદા એકેડમી ધો.7 અને 8ની પ્રપોઝ્ડ ફી 23,500ની સામે 15,400 ફી. નક્કી કરાઇ છે.
વિઝડમ ઇન્ટરનેશનલ સ્કૂલમાં ધો. 1થી 5ની પ્રપોઝ્ડ ફી 27,000 સામે 14,170 નક્કી કરાઇ છે.
સ્ટેપિંગ સ્ટોનની ધો.9 અને 10ની પ્રપોઝ્ડ ફી 37,300 સામે 27,040 નક્કી કરાઇ છે.
શ્રી હરિ એકેડમી ધો.7-8ની પ્રપોઝ્ડ ફી 35,980 સામે 27,430 નક્કી કરાઇ છે.
એસ્પાયર સ્કૂલે ધો. 11-12 સાયન્સની 29,960 ફી જાહેર કરી છે.