કોરોના મહામારીમાં ઠગબાજો કમાવા માટેના રસ્તાઓ શોધી કાઢતા હોય છે. ગુજરાતી અખબારોમાં 2500 જગ્યાઓ માટે જાહેરખબર છપાઈ હતી. સરકારી હોદ્દાઓ જેવા ભળતા નામે ભરતી બહાર પાડી લૂંટવાનું કૌભાંડ ચાલી રહ્યું હતું. VTV News દ્વારા આ ઠગબાજોની રમતને ખુલ્લી પાડવામાં આવી હતી. જેને લઇને અમદાવાદ સાયબર ક્રાઇમે આરોપીની રાજકોટથી ધરપકડ કરી છે.
વર્તમાન પત્રોમાં સીધી ભરતીની જાહેરાતનો મામલો
અમદાવાદ સાયબર ક્રાઈમે આરોપીની કરી ધરપકડ
જાહેરાત આપનાર વિરુદ્ધ IT એક્ટ હેઠળ નોંધ્યો ગુનો
વર્તમાન પત્રોમાં સીધી ભરતીની જાહેરાત આપવાનમે મામલે અમદાવાદ સાયબર ક્રાઇમે રાજકોટથી સંદીપ પંડયા નામના આરોપીની ધરપકડ કરી છે. જાહેરાત આપનાર વિરુદ્ધ IT એક્ટ હેઠળ ગુનો નોંધવામાં આવ્યો છે.
ઉલ્લેખનીય છે કે VTVએ સીધી ભરતીના નામે લૂંટનો અહેવાલ દર્શાવ્યો હતો. જેમાં શ્રમ-રોજગાર કચેરીના મદદનીશ નિાયામકે ફરિયાદ નોંધાવી હતી. આ જાહેરાત 15 ઓક્ટોબરના રોજ વર્તમાન પત્રોમાં છપાઇ હતી. સરકાર સાથે મળળતા નામનું ઇમેઇલ આઇડી બનાવ્યું હતું. નોંધનીય છે કે ગુજરાત સરકારે આવી સીઘી ભરતીની કોઇ જાહેારાત કરી નહોતી.
શું હતો આખો મામલો...
ગુજરાતના યુવાનો સરકારી નોકરીની જાહેરાતથી ચેતજો. રાજ્યના યુવાનો આવી લોભામણી જાહેરાતોમાં ન ફસાય. યુવાનોને છેતરવા માટે વ્યવસાય વિકાસ અધિકારી, ગ્રાહક સેવા અધિકારી, જિલ્લા અધિકારી, કોમ્પ્યુટર ઓપરેટર(Work From Home), ડેટા એન્ટ્રી ઓપરેટર(Work From Home), રાઇડર(Work From Home) જેવા નામો રાખી ખોટી ભરતી બહાર પાડવામાં આવી હતી. ઠગબાજો દ્વારા ધોરણ-10 અને 12 પાસ યુવકોને છેતરવાનો મોટો કારસો રચાઈ રહ્યો હતો. ગુજરાત એમ્પલોયમેંટ સર્વિસના નામે અખબારોમાં જાહેરખબર આપવામાં આવી હતી. દરેક અરજી દીઠ 300 રૂપિયા ફોર્મ ભરવાના આપવાનું જાહેરખબરમાં કહેવાયું હતુ
ઠગબાજોએ સમાચાર પાત્રમાં શું આપી છેતરામણી જાહેરાત?
એક ગુજરાતી સમાચાર પત્રમાં પ્રકાશિત થયેલ જાહેરાતમાં જણાવવામાં આવ્યું હતું કે, કોવિડ-19ના અનુંસંધાને ઘરે બેસીને કરી શકાય તેવી નોકરીઓ. ગુજરાત રાજ્યના તમામ શહેર, તાલુક તેમજ જીલ્લા મુજબ નીચે પ્રમાણે જગ્યાઓ 11 માસના કરાર આધારિત ભરવા માટે ઓનલાઇન અરજીઓ માંગાવવામાં આવેલ છે. કોવિડ-19ના અનુસંધાને ઓછા સ્ટાફ સાથે કામ કરી રહ્યા છીએ જેથી બધા ઇન્ટરવ્યુ ફોન દ્વારા લેવામાં આવશે, તમામ ફોર્મ અને ફી ઓનલાઇન ભરવાની રહેશે તેમજ બધા પત્રવ્યવહાર ઇ-મેઇલના માધ્યમથી થશે જેની ખાસ નોંધ લેવી.