ગુજરાત સ્થાપના દિવસ / કોરોના સંકટ વચ્ચે મુખ્યમંત્રી વિજય રૂપાણીએ કર્યાં આ 3 સંકલ્પ

• ગુજરાત સ્થાપના દિવસે CM રૂપાણીએ કર્યા 3 સંકલ્પ
• માસ્ક વિના બહાર ન નીકળવાનો સંકલ્પ
• સોશિયલ ડિસ્ટન્સ જાળવવાનો સંકલ્પ
• વારંવાર સાબુથી હાથ ધોઇશ-સેનેટાઇઝ કરીશ

આજે ગુજરાત સ્થાપના દિવસ છે.  જો કે એક તરફ ગુજરાતમાં કોરોનાને કહેર જોવા મળી રહ્યો છે. ત્યારે કોરોનાને લઇને રાજ્યભરમાં લોકડાઉન જાહેર કરવામાં આવ્યું છે. ત્યારે મુખ્યમંત્રી વિજય રૂપાણીએ ગુજરાતના સ્થાપના દિવસે ટ્વીટ કરી કોરોના મહામારી સામેની લડાઇને લઇને ત્રણ સંકલ્પ કર્યા છે.
 

ગુજરાત સ્થાપના દિવસ નિમિતે સંકલ્પ લઉં છું કે...

હું માસ્ક પહેર્યા વગર બહાર નીકળીશ નહિ.
હું સોશ્યલ ડીસ્ટન્સનું ધ્યાન રાખીશ, દો ગજ દૂરી સંકલ્પનું પાલન કરીશ.
હું દિવસમાં વારંવાર સાબુથી હાથ ધોઈશ અને સેનેટાઇઝ કરીશ.#VijaySankalp pic.twitter.com/AEG93ugb7g

— Vijay Rupani (@vijayrupanibjp) May 1, 2020

મુખ્યમંત્રી વિજય રૂપાણી દ્વારા માસ્ક વિના બહાર ન નીકળવાનો પહેલો સંકલ્પ કરવામાં આવ્યો છે. આ સાથે સોશિયલ ડિસ્ટન્સ જાળવવાનો પણ સંકલ્પ કર્યો છે. તેમજ લોકો વચ્ચે 2 ગજનું અંતર રાખી સંકલ્પનું પાલન કરવા જણાવામાં આવ્યું છે. તેમજ કોરોનાને લઇને વારંવાર સાબુથી હાથ ધોઇશ-સેનેટાઇઝ કરવાનો સંકલ્પ કર્યો છે.
 

વિશ્વભરમાં વસતા સૌ ગુજરાતીઓને ગુજરાત રાજ્યના સ્થાપના દિવસ નિમિતે અનેકાનેક શુભેચ્છાઓ!

જય જય ગરવી ગુજરાત...

— Vijay Rupani (@vijayrupanibjp) May 1, 2020

પ્રધાન મંત્રી નરેન્દ્ર મોદીએ ગુજરાત સ્થાપના દિવસને લઇને ગુજરાતીઓને ટ્વિટ કરી શુભેચ્છા પાઠવી છે. પીએમ મોદીએ ગુજરાતી પ્રજાના વખાણ કરતાં કહ્યું કે ગુજરાતની પ્રજા પુરુષાર્થ માટે જાણીતી છે. 

પીએમ મોદીએ ટ્વિટ કરી શુભેચ્છા પાઠવતાં જણાવ્યું કે ગુજરાતીઓએ ઘણા ક્ષેત્રોમાં વિશેષ યોગદાન આપ્યું છે. ગુજરાત સિદ્ધિઓના નવા શિખરો સર કરે તેવી મનોકામના કરુ છું. આ સાથે પીએમ મોદીએ ટ્વિટમાં છેલ્લે 'જય જય ગરવી ગુજરાત' લખ્યું છે.