પાટણના પોલીસ હેડક્વાટર્સમાં BSF, નેવી અને એરફોર્સ દ્વારા ઉપયોગમાં લેવાતા શસ્ત્રોનું પ્રદર્શન ખુલ્લુ મુકાયું
પાટણમાં ઉજવાયો ગુજરાત સ્થાપના દિન
રિજિયોનલ સાયન્સ સેન્ટર'નું લોકાર્પણ
લેન્ડ ઓફ ડાયનાસોર,હાઇડ્રોપોનિક્સ,નોબેલ પ્રાઈઝ કેમેસ્ટ્રી-ઓપ્ટિક્સ,હ્યુમન સાયન્સ ગેલેરીનો સમાવેશ
રાજ્ય સરકાર દ્વારા આજે ગુજરાતના સ્થાનપના દિવસની ઉજવણી પાટણ ખાતે કરાઈ હતી. જ્યાં મુખ્યમંત્રી સાથે જીતુ વાઘાણી પણ ઉપસ્થિત રહ્યા હતા. આ દરમિયાન પાટણના ચોરમારપુરામાં મુખ્યમંત્રીના હસ્તે સાયન્સ સેન્ટર ખુલ્લુ મુકાયુ હતુ. આ સાયન્સ સેન્ટરમાં ડાયનાસોર ગેલેરી મૂખ્ય આકર્ષણનુ કેન્દ્ર બન્યુ હતુ.
સીએમ ભૂપેન્દ્ર પટેલે શસ્ત્રોનું રસપૂર્વક નિરીક્ષણ કર્યું
તો બીજી તરફ ગુજરાત ગૌરવ દિવસની ઉજવણી પાટણ ખાતે થઇ રહી છે ત્યારે મુખ્યમંત્રી ભૂપેન્દ્રભાઇ પટેલે પોલીસ હેડ ક્વાટર્સ ખાતે આયોજીત શસ્ત્ર પ્રદર્શનની મુલાકાત લીધી હતી. નિર્દશનમાં મૂકાયેલ શસ્ત્રોનું મુખ્યમંત્રીએ રસપૂર્વક નિરીક્ષણ કરી સૈન્યના અધિકારીઓ પાસેથી માહિતી મેળવી હતી.પાટણના નાગરિકો સેન્યના શસ્ત્રોથી અવગત થાય તેમજ રાષ્ટ્રભાવના વિકસે તે માટે આ પ્રદર્શન આયોજન કરાયું છે, જેમાં બી.એસએફ અને પોલીસ દ્વારા અત્યાધુનિક શસ્ત્રો પ્રદર્શનમાં મૂકવામાં આવ્યા છે.
પાટણ પોલીસ હેડ ક્વાટર્સ ખાતે આયોજિત શસ્ત્ર પ્રદર્શનની મુલાકાત લીધી. નાગરિકો સેન્યના શસ્ત્રોથી અવગત થાય તેમજ દેશપ્રેમની ભાવના વધુ બુલંદ બને તેવા ઉદ્દેશ્ય સાથે આ શસ્ત્ર પ્રદર્શનનું આયોજન કરવામાં આવ્યું છે. pic.twitter.com/OtAKdzUXX5
દેશમાં તૈયાર થયેલા શસ્ત્રો ગોઠવાયું પ્રદર્શનઃ DySP ડી.જી.ધારેચા
આ દરમિયાન ચેતક કમાન્ડોના DySP ડી.જી.ધારેચાએ VTV ન્યૂઝ સાથે વાત કરી હતી અને જણાવ્યું હતું કે ભારત હવે શસ્ત્ર-સરંજામમાં આત્મનિર્ભર બની રહ્યું છે. દેશમાં તૈયાર થયેલા શસ્ત્રો પ્રદર્શન ગોઠવાયું છે.હાલમાં તૈયાર કરાયેલા નવા વેપનો પણ બતાવવામાં આવી રહ્યા છે.
પાટણ જિલ્લાના ચોરમારપુરા ખાતે 10 એકર વિસ્તારમાં ફેલાયેલ આધુનિક રિજીયોનલ સાયન્સ સેન્ટરનું લોકાર્પણ કર્યું. આવનાર દિવસોમાં આ કેન્દ્ર પાટણની આગવી ઓળખ બની રહેશે. વિજ્ઞાનમાં અભિરૂચિ ધરાવતા યુવાનો આ કેન્દ્રનો મહત્તમ લાભ લે તેવો અનુરોધ કરું છું. pic.twitter.com/jzAfc1zlHg
૧૦૦ કરોડના ખર્ચે 'રિજિયોનલ સાયન્સ સેન્ટર'નું લોકાર્પણ
રાજ્યનું પ્રથમ સાયન્સ એન્ડ ટેકનોલોજી સેન્ટર પાટણમાં રિજયોનલ સાયન્સ એન્ડ ટેકનોલોજી સેન્ટરમાં ડાયનાસોર ગેલેરી આકર્ષણ કેન્દ્ર બની છે..મુવિંગ અને નોઈઝ કરતા ડાયનાસોર બાળકો અને પાટણના પ્રવાસે આવતા લોકોમાં ખૂબ આકર્ષણ જમાવશે..પાટણ ઉપરાંત રાજ્યમાં સાત અન્ય રીજીયોનલ સાયન્સ સેન્ટર બનવા જઇ રહ્યા છે.અંદાજે 85 કરોડના ખર્ચે તૈયાર થયુ રીજીયોનલ સાયન્સ સેન્ટર ઉભુ કરવામાંમં આવ્યુ છે.આગામી પાંચ વર્ષમાં રાજ્યમાં 8 નવા પ્રાદેશિક સાયન્સ સેન્ટર બનશે..જેમાં ભુજ, ભાવનગર, કચ્છનું સાયન્સ સેન્ટરનું 95 ટકા પૂર્ણ થયું છે.
ભુજ, ભાવનગર, કચ્છનું સાયન્સ સેન્ટરનું 95 ટકા પૂર્ણ થયું છે
એક વર્ષમાં બાકીના તમામ સેન્ટરો નું થશે ઉદ્ધાટન થશે.
પાટણ જિલ્લાના જુદા-જુદા સમુદાયોની સામાન્ય પરિવારોની માતાબહેનોએ હેતપૂર્વક બનાવેલું ભોજન જનસમૂહની સાથે બેસીને જમવાનો લ્હાવો લીધો.
ગુજરાત ગૌરવ દિવસના અવસરે શરુ થયેલ 'સમરસતા ભોજન'ની આ પરંપરા સમગ્ર ગુજરાતમાં પારસ્પરિક સ્નેહના રસને વધુ પ્રચુર બનાવશે તેવી મારી લાગણી છે. pic.twitter.com/zvERQph2gV
પાટણમાં વિકાસ કાર્યોની ભેટ
મુખ્યમંત્રીએ વિકાસના કામોની જાહેરાત કરતા જણાવ્યું હતુ કે, પાટણ જિલ્લાના નગરોમાં પાણી પૂરવઠા, ડ્રેનેજ લાઇન તથા તળાવોના નવીનિકરણના 8 કામો સહિત જન સુખાકારીના કામો માટે રૂપિયા 140.68 કરોડ ‘અમૃત – 2.0’ યોજનામાંથી ફાળવવામાં આવશે. તે પૈકી એટલા પાટણ શહેરમાં જ પાણી પૂરવઠા અને ડ્રેનેજના કામો માટે રૂપિયા 127 કરોડ વપરાશે. પાટણ જિલ્લામાં સિદ્ધપૂર નગરપાલિકામાં પાણી પૂરવઠાના કામો માટે રૂપિયા 86 લાખ, ચાણસમાં નગરપાલિકામાં પાણી પૂરવઠાના કામો માટે રૂપિયા 6.41 કરોડ, તથા તળાવના નવિનીકરણ માટે રૂપિયા 1 કરોડ, હારિજ નગરપાલિકામાં પાણી પૂરવઠાના કામો માટે રૂપિયા 3.94 કરોડ તેમજ તળવાના નવિનીકરણ માટે રૂપિયા 1 કરોડ મળી કુલ રૂપિયા 140.68 કરોડના વિકાસ કામોની જાહેરાત મુખ્યમંત્રીએ કરી હતી. ઉપરાંત આ કામોમાં ફાયર અને સેફ્ટી, ઇન્ફ્રાસ્ટ્રક્ચર મજબૂત કરી ફાયર ફાયટિંગની સંભવિત ઘટનાઓ સામે પાટણ જિલ્લાને આત્મનિર્ભર બનાવવા રૂપિયા 5 કરોડના ખર્ચે મોડલ ફાયર સ્ટેશનનું નિર્માણ કરાશે. પાટણ જિલ્લાના લોકોને તેમના રોજિંદા કામો સરળતાથી થઇ શકે તે માટે રૂપિયા 38 લાખના ખર્ચે પાટણ નગરપાલિકામાં સિવિક સેન્ટર બનાવવાના કામોનો પણ સમાવેશ થાય છે.
પાટણના પ્રગતિ મેદાનમાં આયોજિત 'હસ્તકલા હાટ'ને ખુલ્લું મૂક્યું. સખીમંડળની બહેનોના વિવિધ સ્ટોલ્સની મુલાકાત લઈ હાથશાળ, હસ્તકલા, ભરતકામ, મોતીકામ અને સુશોભનની ચીજવસ્તુઓ નિહાળી. આ સુંદર કલાને દુનિયાભરમાં ઉજાગર કરવા "વોકલ ફોર લોકલ"નું સૂત્ર આપણે સૌએ અપનાવવાની જરૂર છે. pic.twitter.com/agOnUQDkLx
હસ્તકલા હાટની મુલાકાત
મુખ્યમંત્રીએ આ હસ્તકલા હાટમાં પાટણની વર્ષો જૂની પ્રખ્યાત મોરલી ટી સેન્ટરની ચાની મજા ઢોલિયા પર બેસીને માણી હતી. તેમણે પાટણના પ્રખ્યાત દેવડાનો પણ સ્વાદ માણ્યો હતો અને પાટણની રેવડી ચાખી હતી. એક કોમન મેનની જેમ મુખ્યમંત્રીએ સખી મંડળની બહેનોના આગ્રહથી ફોટોસેશન પણ કર્યું હતું અને બધાનો ઉત્સાહ વધાર્યો હતો.હસ્તકલા હાટમાં મુખ્યમંત્રીએ પાટણના પ્રખ્યાત પટોળા, કચ્છના ભરતકામ, મશરૂ વણાટની સાલ, હેન્ડલુમ પર ખરડ વિવિંગ 'હાથ વણાટ" ના ભરતકામ જેવા સ્ટોલની મુલાકાત લઈ સખી મંડળની કારીગર બહેનો સાથે કોમન મેનની જેમ સંવાદ કર્યો હતો. અને તેમનો ઉત્સાહ વધાર્યો હતો.હસ્તકલા હાટમાં "ગુજરાત તને વંદન" થીમ આધારિત ચાર મિનિટની ટૂંકી ફિલ્મ નિહાળી હતી.