ફરજચૂક / ગુજરાતમાં શિક્ષણની સ્થિતિ બિસ્માર: સ્કૂલો હજુ પણ વસૂલી રહી છે મોંમાંગી ફી

સુરત ફી નિયમન કમિટીની કાર્યવાહી, 5 શાળાઓને ફટકારવામાં આવ્યો દંડ
ફી નિયમનુ ઉલ્લંધન કરનારી શાળા સામે લેવાયા પગલા
તમામ શાળાઓનો 10થી 25 હજાર સુધીનો ફટકારવામા આવ્યો દંડ

નિયમ કરતાં વધુ ફી લેનાર શાળા સામે ફી નિયમન કમિટી ગમે તેટલી લાલ આંખ કરે પણ ખાઈબદેલી શાળાઓ ફીના કોઈ ધારાધોરણ માનવા જ તૈયાર નથી. આ અંગે  અવારનવાર શિક્ષણ વિભાગ દ્વારા જાણે લોકોને જોવા ખાતર જ પગલા લેવાતા હોય તેમ ડોળ કરવામાં આવે છે. 

શાળાઓને દંડ ફટકારવામાં આવ્યો

ફીના નિયમની ઐસી તૈસી કરીને વધુ ફી લેતી શાળાને 10થી 25 હજારનો દંડ ફટકારવામાં આવ્યો છે. સુરતની પલસાણાની સનરાઇઝ સ્કૂલ, ઉનની ઇકરા હાઇસ્કૂલ, કામરેજ નવાગામની સ્કૂલ,G H ઇન્ટરનેશલ શાળા, પુણાની રામદેવ વિધાલય ,અને કન્યા શાળાને  દંડ ફટકારવામાં આવ્યો છે. આ તમામ શાળા સામે પગલા લેતા 10થી 25 હજાર સુધીનો દંડ ફટકારવામાં આવ્યો છે.