વડોદરાની સાવલી બેઠકના પૂર્વ MLA ખુમાનસિંહના પરિવારનો માળો વિખાયો, ખુમાન સિંહના એકને એક પુત્રનું કોરોનાના કારણે નિધન થયું
સાવલીના પૂર્વ MLAના પરિવારમાં શોક
એકના એક દીકરાનું કોરોનાથી નિધન
2 દિવસ પહેલા પૂર્વ MLAના પત્નીનું મૃત્યુ
ગુજરાતમાં કોરોના મહામારી એક પછી એક લોકો માટે કાળમુખો બન્યો છે. વડોદરાની સાવલી બેઠકના પૂર્વ MLA ખુમાનસિંહના પરિવારનો માળો વિખાયો છે. ખુમાન સિંહના એકને એક પુત્રનું કોરોનાના કારણે નિધન થયું છે. તો દિકરાના મૃત્યુના 2 દિવસ અગાઉ તેમની પત્નીનું પણ નિધન હાર્ટ અટેકથી થયું છે. આ સાથે ખુદ ખુમાનસિંહ ચૌહાણ પણ કોરોના પોઝિટીવ છે. ખુમાનસિંહના પુત્ર ચંદ્રજીત ચૌહાણ લીમડા ખાતેની હોસ્પિટલમાં સારવાર લઈ રહ્યા હતા.
વડોદરામાં કોરોનાના ટેસ્ટિંગ વધ્યા
વડોદરામાં કોરોનાનું સક્રમણ વધી રહ્યું છે. વડોદરામાં ટેસ્ટિંગ માટે લાંબી લાઈનો લાગી છે. વહેલી સવારથી જ લોકો ટેસ્ટ કરાવવા માટે નીકળી રહ્યા છે. આ સાથે વડોદરામાં હોસ્પિટલો બાદ સ્મશાનગૃહો બહાર વેઇટિંગ લાગી ગયું છે. કોરોનાથી મૃત્યુ થતા સ્મશાન બહાર જ વેઇટિંગ ચાલી રહ્યું છે. તંત્રને સ્મશાનોમાં ચિતાઓ વધારવાની પડી જરૂર હોવાનું સ્થાનિકો કઈ રહ્યા છે.
વડોદરામાં BAPS મંદિરમાં સારવાર શરૂ
વડોદરા BAPS મંદિરમાં કોવિડ હોસ્પિટલ તૈયાર કરાઈ છે. યજ્ઞ પુરૂષ સભાખંડમાં 500 બેડની સુવિધા ધરાવતી હોસ્પિટલ તૈયાર થઈ રહી છે. જે બાદ SSG-ગોત્રી હોસ્પિટલમાંથી 100 દર્દીઓને શિફ્ટ પણ કરી દેવાયા છે. તબીબી સ્ટાફની નિમણૂંક બાદ સારવાર શરૂ કરી દેવાઈ છે.
મહત્વનું છે કે, વડોદરામાં કોરોનાનું સંક્રમણ સતત વધી રહ્યું છે. આ વધતા સંક્રમણને લઇને તંત્ર દ્વારા યુદ્ધના સ્તરે કામગીરી કરવામાં આવી રહી છે. માત્ર ત્રણ દિવસમાં 3 હજાર બેડની હોસ્પિટલ ઉભી કરવામાં આવી છે. BAPS મંદિરના યજ્ઞપુરુષ સભા ખંડ ખાતે કોવિડ કેરની વ્યવસ્થા ઉભી કરવામાં આવી છે. જેમાં ICU, ઓક્સિજન સહિતની સુવિધા સાથે હોસ્પિટલ તૈયાર થઇ ગઇ છે. હોસ્પિટલમાં દર્દીઓ માટે તમામ પ્રાથમિક સુવિધા છે. જ્યારે BAPS સ્વામીનારાયણ મંદિર અટલાદારા દ્વારા ભોજન અપાશે.