BIG NEWS / GUVNLની સ્પષ્ટતા : ઉદ્યોગોમાં વીજકાપ નથી કર્યો, અલગ-અલગ દિવસે રજા પાળે તો ગ્રીડ સંતુલન થાય તેવી સલાહ આપી

• ઉદ્યોગોમાં વીજકાપને લઇ GUVNLની સ્પષ્ટતા
• ઔધોગિક એકમોમાં કોઇ પણ વીજકાપ મુકાયો નથી
• ઔધોગિક એકમો અલગ-અલગ દિવસે રજા પાડે તો ગ્રીડ સંતુલન જળવાઇ રહે

ગુજરાતમાં ખાસ કરીને સૌરાષ્ટ્ર અને ઉત્તર ગુજરાતમાં ખેતી માટે મળતી વીજળીમાં કાપ મુકાયો છે. જેના કારણે ખેડૂતોમાં રોષ વ્યાપ્યો છે. તેવામાં ખેડૂતોને પુરતી વીજળી મળે તેવી તીવ્ર માગ ઉઠી હતી અને મોટા પાયે જિલ્લે ખેડૂતોએ વીજકાપને લઈ સરકાર સામે બાયો ચડાવી હતી અને રસ્તા પર ઉતરી ગયા હતા. જેણે લઈ  ઉદ્યોગોના વીજકાપ કરવાની માગણી પણ વિપક્ષ અને ખેડૂતો દ્વારા કરવામાં આવી હતી. આથી સરકારે હવે આયોજન બધ્ધ રીતે વીજળી સંકટને પહોંચી વળવા આયોજન કર્યું છે. 

GUVNLએ શું કરી સ્પષ્ટતા?
ઉદ્યોગોમાં વીજકાપને લઇ ગુજરાત ઉર્જા વિકાસ લિમિટેડે (GUVNL)એ  સ્પષ્ટતા કરી છે કે ઔધોગિક એકમોમાં કોઇ પણ વીજકાપ મુકાયો નથી ઔધોગિક એકમોમાં રવિવારે રજા પાળવામાં આવે છે જેથી રવિવારે વીજ લોડ ઓછો રહે છે પણ તે એક સામટો હોય છે જેથી હવે GUVNLએ નક્કી કર્યું છે કે ઔધોગિક એકમો અલગ-અલગ દિવસે રજા પાડે તો ગ્રીડ સંતુલન જળવાઇ રહે એ માટે કાલે થયેલી જાહેરાત વીજકાપ નહીં પણ વાર પ્રમાણે ઉદ્યોગોને વીજળી નહીં મળે તેની જાહેરાત હતી. એટલે કે ઉદ્યોગો પર વીજકાપ મૂકવામાં આવ્યો નથી ફક્ત વાર પ્રમાણે આયોજન કરી તેને મેન્ટેઈન કરવામાં આવી છે.

ઔધોગિક એકમો અલગ-અલગ દિવસે રજા પાડશે જેથી ગ્રીડ સંતુલન જળવાઇ રહે તે માટે નીચે મુજબના વાર પ્રમાણે ઉદ્યોગોને વીજળી નહીં મળે આનો સીધો અર્થે એ થાય છે કે આયોજન કરી સપ્તાહના વાર પ્રમાણે ઉદ્યોગો જાતે જ રજા પાડશે જેથી તે વીજળી બચી શકે..

• સોમવાર= ગાંધીનગર, નવસારી, વલસાડ
• મંગળવાર= અમદાવાદ, સાબરકાંઠા, પંચમહાલ, દાહોદ, મહીસાગર, અરવલ્લી
• બુધવાર= રાજકોટ અને મોરબી
• ગુરુવાર= મહેસાણા, બનાસકાંઠા, અમરેલી, સુરેન્દ્રનગર અને ડાંગ
• શુક્રવાર= ખેડા, ભરૂચ, નર્મદા, પોરબંદર, ભાવનગર, જામનગર, જૂનાગઢ, ગીર સોમનાથ, બોટાદ, દેવભૂમિ દ્વારકા
• શનિવાર= કચ્છ
• રવિવાર= પાટણ, વડોદરા, આણંદ, સુરત, તાપી, છોટાઉદેપુર

ગુજરાત ઊર્જા વિકાસ નિગમના નિર્ણય મુજબ આવતીકાલ રવિવારે વડોદરા શહેર-જિલ્લાના ઉદ્યોગોમાં રજા પાડવામાં આવશે. જેથી  ઉદ્યોગો એક દિવસ બંધ રાખવામાં આવશે. 70 હજાર ઉદ્યોગોની વીજળી બચાવી ખેડૂતોને પડતી વીજ મુશ્કેલી હાલ પૂરતી નિવારમાં આવશે.આવતીકાલે રવિવારે પાટણ, વડોદરા, આણંદ, સુરત, તાપી, છોટાઉદેપુરમાં ઉદ્યોગોમાં રજા રહેશે.