ગાંધીનગરઃ ગુજરાતમાં હાલમાં 2017ની ચૂંટણી જીતનારા 182 ધારાસભ્યોમાંથી 47ના ક્રિમિનલ રેકોર્ડ છે. જ્યારે 2012માં ક્રિમિનલ રેકોર્ડ વાળા 57 ધારાસભ્યો હતા. 33 ધારાસભ્યો વિરૂદ્ધ હત્યા હત્યાના પ્રયાસ અને રેપ જેવા ગંભીર આરોપ છે. 2012ની સરખામણીએ ગુનાહિત રેકોર્ડ અને ગંભીર ગુનાઓના રેકોર્ડ ધરાવનાર ધારાસભ્યોની સંખ્યામાં ઘટાડો નોંધાયો છે.
જ્યારે કરોડપતિ ધારાસભ્યોની સંખ્યામાં વધારો નોંધાયો છે. જીતનાર 182 ઉમેદવારોના સોગંદનામાનું એસોસિએશન ફોર ડેમોક્રેટિક રિફોર્મ(ADR) અને બીજા ઓર્ગેનાઇઝેશનનું એનાલિસિસ કર્યું છે.
પસંદ કરાયેલ 182 ધારાસભ્યોમાંથી 47 પર ગંભીર ગુનાના આરોપ
- બે વિજેતા ધારાસભ્યો પર હત્યાના કેસ છે. કેટલાક ધારાસભ્યો પર હત્યા કરવાના પ્રયાસોના કેસ છે. જ્યારે કેટલાક ધારાસભ્યો પર બળાત્કાર જેવા ગંભીર આરોપ છે.
- ભાજપના 99માંથી 18 કોંગ્રેસના 77 માંથી 25 બીટીપીના બેમાંથી એક એનસીપીના એક અને 3 અપક્ષમાંથી બે વિરૂદ્ધ ગંભીર આરોપ છે.
પસંદ કરાયેલ 182 ધારાસભ્યોમાંથી 141 કરોડપતિ
- 182માંથી 141 ધારાસભ્યો કરોડપતિ છે. 2012માં 134 કરોડપતિ હતા. જેમાં ભાજપના 99માંથી 84 કોંગ્રેસના 77માંથી 54 બીટીપીના 2 એનસીપીના 1ની પાસે એક કરોડથી વધુની સંપત્તિ છે.
- 182માંથી 13 MLAએ પોતાની આવકનો સ્ત્રોત દર્શાવ્યો નથી. 20 MLAએ ઇન્કમ ટેક્સની માહિતી નથી આપી.
- 2012માં ધારાસભ્યોની સંપત્તિ 7.41 કરોડ હતી. જે 2017માં 10.71 કરોડ થઇ ગઇ. 2012ની સરખામણીએ 2017માં 3.30 કરોડ સંપત્તિમાં વધારો નોંધાયો.
પસંદ કરાયેલ 182 ધારાસભ્યોમાંથી 96 ધારાસભ્યોની શૈક્ષણિક લાયકાતઃ 5માં ધોરણથી 12મી સુધી
- 96 ધારાસભ્યો પાંચમાં ધોરણથી 12માં સુધી ભણ્યા છે. 67 ધારાસભ્યો ગ્રેજ્યુએટ અને તેથી વધુ છે. 7 ધારાસભ્યો ભણેલ-ગણેલ છે અને 1 અભણ છે.
- 21 ધારાસભ્યોની ઉંમર 25થી 40 વર્ષ છે. 121ની ઉંમર 41થી 60 અને 40ની ઉંમર 61થી 80 વર્ષ છે.
- 182માંથી 13 મહિલા ધારાસભ્ય છે. 2012માં 16 મહિલાઓ હતી. જેમાં ભાજપમાંથી 9 અને કોંગ્રેસમાંથી 4 મહિલા ધારાસભ્ય હતા.