પાટણ જિલ્લામાં ગત ચુંટણીની સરખામણીએ ભાજપ સારુ પ્રદર્શન કરવા અને કોંગ્રેસ પોતાનું પ્રદર્શન જાળવી રાખવા મેદાનમા હોવાથી કાંટે કી ટક્કર જામી છે.
પાટણ જિલ્લાના ચુંટણી સમરાંગણ
ભાજપ સારુ પ્રદર્શન કરવા અને કોંગ્રેસ પ્રદર્શન જાળવી રાખવા મેદાને
રાધનપુર બેઠક પર કોંગ્રેસમાંથી જીત્યા હતા અલ્પેશ ઠાકોર
પ્રભુતા માટે પ્રખ્યાત પાટણ જિલ્લાના ચુંટણી સમરાંગણમાં પાટણ જિલ્લામાં ભાજપે સારુ પ્રદર્શન કરવાનું છે તો કોંગ્રેસે સારુ પ્રદર્શન યથાવત રાખવા જરૂરી બન્યું છે. 2017માં જે સ્થિતિ હતી તેના કરતા 2022ની સ્થિતિ અલગ છે. કારણ કે અહીના સમિકરણો અને સમસ્યા બદલાઇ છે. જે અલ્પેશ ઠાકોર કોંગ્રેસ તરફથી રાધનપુર બેઠક જીત્યા હતા તે હવે ભાજપમાં છે અને ગાંધીનગર દક્ષિણના ઉમેદવાર છે.
ગત ચુંટણીમાં રાધનપુર બેઠક પરથી કોંગ્રેસના અલ્પેશ ઠાકોરની જીત થઇ હતી તો પાટણ બેઠક પરતથી કોંગ્રેસના કિરીટ પટેલનો વિજય થયો હતો. વધુમાં ચાણસ્મા સીટ પર ભાજપના ઉમેદવાર દિલીપ ઠાકોરએ બાજી મારી હતી એજ રીતે સિદ્ધપુર બેઠક કોંગ્રેસના ચંદનજી ઠાકોરએ કબજે કરી લીધી હતી. પાટણ જિલ્લામાં 604694 પુરૂષ મતદારો અને 567932 સ્ત્રી મતદારો તેમજ 27 થર્ડ જેન્ડર મળી કુલ 1172653 મતદારો છે.ત્યારે આ ચુંટણીમાં મતદારોનો ઝુકાવ કોની તરફ રહેશે. તે આવનાર સમય જ બતાવશે.