બનાસકાંઠા / સવા શેર સૂંઠ ખાધુ હોય તો કોંગ્રેસનો મત વેચાંતો લેજો,જાણો જગદીશ ઠાકોર કેમ થયા આકરા પાણીએ?  

• જગદીશ ઠાકોરે મત વેચાતો લેવા મામલે ભાજપને પડકાર્યુ
• સવા શેર સૂંઠ ખાધુ હોય તો કોંગ્રેસનો મત વેચાંતો લેજો
• રૂપિયા નથી પણ પ્રેમથી કહેશો તો માથા આપી દેશું

ધાનેરા મત વિસ્તારમાં આવેલ પાંથાવાડા ખાતે ઉમેદવાર નથાભાઈ પટેલના સમર્થનમાં આજે કોંગ્રેસની જાહેર સભાનું આયોજન કરવામાં આવ્યું હતું. જેમાં કોંગ્રેસના પ્રદેશ પ્રમુખ જગદીશ ઠાકોરે ભાજપ સામે આખરી ફટકાબાજી કરી હતી. ગાંધીનગરમાં એક પીઆઇએ કોંગ્રેસના જિલ્લા પ્રમુખને ધમકી આપવા મામલે આકરા પાણીએ થઇ જણાવ્યું હતું કે ગુજરાતમાં એક પણ કોંગ્રેસ કાર્યકરને ધમકી આપી છે તો તેમને છઠ્ઠીનું ધાવણ યાદ કરાવી દઈશું.
 
અમે ગરીબ છીએ પણ ખુમારીવાળા છીએ
હજારોની જન મેદની વચ્ચે વડગામના ઉમેદવાર જીગ્નેશ મેવાણીએ પણ ભાજપ સરકાર સામે આકરા પ્રહારો કર્યા હતા. તેમણે પણ મોદી અને ભાજપ સરકાર સામે બીલકીશ બાનુ કેસ મામલે ગંભીર આક્ષેપો કર્યા હતા.  વધુમાં તેમણે જણાવ્યું હતું કે  ચૂંટણીમાં લાલ નોટો વાળુ બંડલ આપી મત મેળવવા માટે આવશે પરંતુ તેમની સરકાર આવ્યા બાદ 100 નુ પેટ્રોલ 120 રૂપિયામાં લેવું પડશે માટે કોંગ્રેસ સરકારને જીતાડવા માટે અપીલ કરી હતી. 

સવા શેર સૂંઠ ખાધુ હોય તો કોંગ્રેસનો મત વેચાંતો લેજો
અમીરગઢના ઇકબાલગઢમાં જગદીશ ઠાકોરના વિવાદિત બોલ સામે આવ્યા છે. વધુમાં જગદીશ ઠાકોરે મત વેચાતો લેવા મામલે ભાજપને પડકાર્યુ હતું. તેમણે કહ્યું હતું કે સવા શેર સૂંઠ ખાધુ હોય તો કોંગ્રેસનો મત વેચાંતો લેજો. વધુમાં અમે ગરીબ છીએ પણ ખુમારીવાળા છીએઅને રૂપિયા નથી પણ પ્રેમથી કહેશો તો માથા આપી દેશું. તેવો હુંકાર કાયો હતો.