મંદિર-કથામાં ન જવા અંગે અપીલ કરતો AAP પ્રદેશ પ્રમુખ ગોપાલ ઈટાલિયાનો જૂનો વીડિયો હાલ સોશિયલ મીડિયામાં વાયરલ થયો છે.
ગોપાલ ઈટાલિયાનો વીડિયો વાયરલ
AAP-ભાજપ આમને સામને
વાયરલ વીડિયોમાં રાજકારણ
ગુજરાત વિધાનસભાની ચૂંટણી આવતા જ પક્ષો શાબ્દિક તલવાર કાઢી એકબીજા નેતાઑ પર આકરા પ્રહાર કરતાં નજરે પડી રહ્યા છે. તેવામાં હાલ ગોપાલ ઈટાલિયાનો વિવાદિત નિવેદન વાળો 2018નો વીડિયો સોશિયલ મીડિયા પર ખૂબનો વાયરલ થઈ રહ્યો છે. જેમાં AAP પ્રદેશ પ્રમુખ મંદિર-કથામાં ન જવા અંગે મહિલાઓને અપીલ કરી રહ્યા છે. અને કહી રહ્યા છે કે કથા અને મંદિર શોષણનું ઘર છે તેના કરતાં પુસ્તક વાંચો.
વીડિયોમાં શું કહે છે ગોપાલ ઈટાલિયા
આપને જણાવી દઈએ કે 2018માં ગોપાલ ઈટાલિયાએ હાથમાં એક પુસ્તક રાખી બહેનો અને માતાઓને અપીલ કરતો એક વીડિયો બનાવ્યો હતો. જેમાં તે કહી રહ્યા છે કે હું અને તમે મહિલાઓને વિનંતી કરીએ છીએ કે કથા કે મંદિરોમાં કઈ વળવાનું નથી. એ શોષણના ઘર છે. જો તમારે તમારો અધિકાર લેવો હોય, દેશ ઉપર શાસન કરવું અને સમાન દરજ્જો મેળવવો હોય તો કથાઓમાં જઈ નાચવાને બદલે આ પુસ્તક વાંચો.
દરેક વખતે આપણી આસ્થાને ઠેસ પહોંચાડવા થાય છે પ્રયાસ- હર્ષ સંઘવી
ત્યારે ચૂંટણી સામે ઊભી છે તેવામાં ભાજપ પણ આ વીડિયો મામલે આપ પ્રદેશ પ્રમુખ પર વાક પ્રહાર કરી રહી છે. વાયરલ વીડિયોને લઇ ગૃહ રાજ્યમંત્રી હર્ષ સંઘવીએ પ્રહાર કરતાં કહ્યું કે કથા આપણી માન્યતા અને આપણી સંસ્કૃતિ છે. કથાઓ બાળકના ભવિષ્યને આપણી સંસ્કૃતિ સાથે જોડે છે. ઈટાલિયા પર આડકતરી રીતે વાર કરતાં કહ્યું કે દરેક વખતે આપણી આસ્થાને ઠેસ પહોંચાડવાનો પ્રયાસ થાય છે. મંદિર અને કથામાં ન જવાનું નિવેદન આપનારાને જવાબ આપવાનો સમય આવી ગયો છે.
ભાજપ દર વખતે વીડિયો બતાવી મુખ્ય મુદ્દાથી રહે છે દૂર- ગોપાલ ઈટાલિયા
તો બીજી તરફ વાયરલ વીડિયો અંગે ગોપાલ ઈટાલિયાએ સફાઇ આપી છે. ભાજપ દર વખતે વીડિયો બતાવી મુખ્ય મુદ્દાથી રહેતું હોવાનો આરોપ લગાવી વળતો હર્ષ સંઘવીને જવાબ આપ્યો છે. અને પલટવાર કરતાં કહ્યું કે ચૂંટણી નજીક આવતા ભાજપ નવા નવા ગતકડા કરે છે. જનતા હિસાબ માગે તો ભાજપ કહે વીડિયો જોઈ લો, રાજ્યમાં મોંઘવારી વધવા પર ભાજપ કહે વીડિયો જોઈ લો.
ત્યારે હવે જેમ જેમ ચૂંટણીના દિવસો નજીક આવી રહ્યા છે તેમ તેમ ભાજપ, આપ અને કોંગ્રેસ નવા નવા દાવ ખેલી પ્રજામતને પડખે કરવાના પ્રયાસો કરી રહ્યા છે. ત્યારે આવનારી ચૂંટણીમાં પરિણામમાં જ ખબર પડશે કે આવા નિવેદનનોને જનતા જાકારો આપે છે કે પછી રાજનીતિનો હાથો બનાવનારાને તેનું પરિણામ તે જોવું રહ્યું.