તમારા કામનું / વોટ નાંખવા જાઓ તે પહેલા જોઈ લેજો આ લિસ્ટમાં નામ છે કે નહીં, પોલિંગ બૂથ પણ ખબર પડી જશે

• આજે ગુજરાતનું પ્રથમ તબક્કાનું મતદાન શરુ 
• મતદાન યાદીમાં નામ શોધવા માટેની રીત 
• મતદાન મથક કયું લાગુ પડશે અહી જાણો 

ગુજરાત વિધાનસભા ચૂંટણીના પ્રથમ તબક્કાનું મતદાન આજે સવારે 7 વાગ્યાથી શરૂ થઇ ચુક્યું છે. પ્રથમ તબક્કામાં દક્ષિણ ગુજરાતના 19 જિલ્લાઓ અને કચ્છ-સૌરાષ્ટ્રની 89 બેઠકો માટે 788 ઉમેદવારો મેદાનમાં છે. રાજ્યમાં પરંપરાગત રીતે સત્તાધારી ભારતીય જનતા પાર્ટી (BJP) અને કોંગ્રેસ વચ્ચે સ્પર્ધા રહી છે, પરંતુ આ વખતે અરવિંદ કેજરીવાલની આમ આદમી પાર્ટી (AAP)ના રૂપમાં ત્રીજો પક્ષ મેદાનમાં છે, જેણે કુલ 182 બેઠકો પર ચુંટણી લડી છે. વિધાનસભાની બેઠકોમાંથી 181 ઉમેદવારોએ ઉમેદવારી નોંધાવી છે.

મતદાન યાદીમાં નામ છે કે નહી ?
મત આપતા પહેલા, મતદારો માટે તેમનું નામ મતદાર યાદીમાં છે કે નહીં તે જાણવું ખૂબ જ મહત્વપૂર્ણ છે. અને તેની પદ્ધતિ પણ ખૂબ જ સરળ છે. તો ચાલો જાણીએ, તમે કેવી રીતે મિનિટોમાં મતદાર યાદીમાં તમારું નામ ચેક કરી શકો છો:

1. સૌ પ્રથમ તમારે https://nvsp.in/ વેબસાઇટ પર જવું પડશે.
2. અહીં ઘણા વિકલ્પો દેખાશે, જેમાંથી ઇલેક્ટોરલ રોલ પર ક્લિક કરો.
3. ત્યારબાદ એક નવું વેબપેજ https://electoralsearch.in/ ખુલશે.
4. અહીં તમારે નામ, ઉંમર, જન્મ તારીખ, લિંગ, રાજ્ય, જિલ્લો જેવી મતદાર IDની વિગતો આપવાની રહેશે.
5. બધી વિગતો આપ્યા પછી, નીચે આપેલ કેપ્ચા કોડ પણ દાખલ કરવો પડશે અને પછી સર્ચ પર ક્લિક કરો.

મતદાર યાદીમાં નામ દ્વારા સર્ચ કરવાની બીજી રીત પણ છે. https://electoralsearch.in/ પેજ પર જ, તમે વોટર આઈડી કાર્ડ સીરીયલ નંબર દ્વારા તમારું નામ શોધી શકો છો. મતદાર ID વડે નામ શોધવું વધુ સરળ છે કારણ કે અગાઉની પદ્ધતિની સરખામણીમાં માત્ર EPIC નંબર, રાજ્ય અને કેપ્ચા કોડ દાખલ કરવાનો રહેશે.

SMS દ્વારા મતદાર યાદીમાં તમારું નામ કેવી રીતે તપાસવું

• તમારે તમારા ફોનમાંથી એક ટેક્સ્ટ સંદેશ મોકલવો પડશે,
• સંદેશમાં EPIC લખવો પડશે અને તેની સાથે તમારો મતદાર ઓળખ કાર્ડ નંબર દાખલ કરવો પડશે.
• ત્યારબાદ 9211728082 અથવા 1950 પર મેસેજ મોકલો.
• આ પછી, તમારા મોબાઇલ નંબર પર એક સંદેશ આવશે, જેમાં તમારો મતદાન નંબર અને નામ હશે.
• મહત્વની વાત, જો તમારું નામ મતદાર યાદીમાં નથી તો તમને કોઈ માહિતી મળશે નહીં.

મતદાન કરવા તમે ક્યાં જશો 
જો તમારે મતદાન માટેની ઉમર છે અને તમને ખબર નથી કે ક્યાં મારે વોટ કરવા જવાનું છે,  તો તમે ઘરે બેસીને તમારું મતદાન મથક શોધી શકો છો. ઘણી વખત એવું બને છે કે મતદારો તેમના મતદાન મથક વિશે મૂંઝવણમાં હોય છે, જેના કારણે તેઓ મતદાનમાં વિલંબ કરે છે. તેથી જો તમે મતદાન કરવા જઈ રહ્યા છો અને તમારું મતદાન મથક શોધવા માંગો છો, તો તમારે ફક્ત આ કરવાનું છે.

મતદાન મથક આ રીતે શોધો
વાસ્તવમાં વિધાનસભાની ચૂંટણી હોય કે લોકસભાની ચૂંટણી હોય. તમે તમારા મતદાન મથક પર જ તમારો મત આપી શકો છો. મતદાન મથકના સરનામા માટે રાષ્ટ્રીય મતદાતા સેવા પોર્ટલ (https://www.nvsp.in/) પર જાઓ અહીં તમારા વિધાનસભા મતવિસ્તારના વિકલ્પ પર ક્લિક કરો. આ પછી, જ્યારે નવી વિન્ડો ખુલે ત્યારે મતદાર આઈડી કાર્ડ નંબર, રાજ્ય અને કોડ ભરો. આ પછી તમારા મતદાન મથકની વિગતો નીચે દેખાશે. તમે ઇચ્છો તો તેને ડાઉનલોડ પણ કરી શકો છો.

2017ના આંકડા દર્શાવે છે
ગુજરાતના મુખ્ય ચૂંટણી અધિકારી (CEO)ના કાર્યાલયે એક પ્રકાશનમાં જણાવ્યું હતું કે ગુરુવારે 14,382 મતદાન મથકો પર સવારે 8 થી સાંજે 5 વાગ્યા સુધી મતદાન યોજાશે. પ્રથમ તબક્કામાં જે 89 બેઠકો પર મતદાન થશે, તેમાંથી 2017ની વિધાનસભા ચૂંટણીમાં ભાજપે 48 બેઠકો જીતી હતી, જ્યારે કોંગ્રેસે 40 બેઠકો જીતી હતી અને એક બેઠક અપક્ષે જીતી હતી.

પ્રથમ તબક્કાનું મતદાન
પ્રથમ તબક્કામાં ભાજપ અને કોંગ્રેસના 89-89 ઉમેદવારો અને AAPના 88 ઉમેદવારો મેદાનમાં છે. પ્રથમ તબક્કામાં ભાજપે નવ મહિલા, કોંગ્રેસે છ અને AAPએ પાંચ મહિલા ઉમેદવારોને મેદાનમાં ઉતાર્યા છે. પ્રથમ તબક્કાના કુલ 788 ઉમેદવારોમાંથી 718 પુરુષ અને માત્ર 70 મહિલા ઉમેદવારો છે. આ ચૂંટણીમાં, બહુજન સમાજવાદી પાર્ટી (BSP), સમાજવાદી પાર્ટી (SP), કોમ્યુનિસ્ટ પાર્ટી ઓફ ઈન્ડિયા માર્ક્સવાદી (CPI-M), ભારતીય ટ્રાઈબલ પાર્ટી (BTP), અન્ય 36 પક્ષોએ પણ પોતાના ઉમેદવારો ઉભા રાખ્યા છે. ચૂંટણી પંચના જણાવ્યા અનુસાર, પ્રથમ તબક્કા હેઠળ આવરી લેવામાં આવેલા વિસ્તારોમાં કુલ 2,39,76,670 મતદારો નોંધાયેલા છે. જેમાં 1,24,33,362 પુરૂષો, 1,15,42,811 મહિલાઓ અને 497 ત્રીજા લિંગના મતદારોનો સમાવેશ થાય છે. ગુજરાતમાં કુલ 4,91,35,400 નોંધાયેલા મતદારો છે.