BIG BREAKING / પહેલી નવેમ્બરે ગુજરાતની ચૂંટણી જાહેર કરવાની તૈયારીમાં EC! જાણો કેટલા તબક્કામાં થઈ શકે છે મતદાન

• ગુજરાત વિધાનસભા ચૂંટણીને લઈ મોટા સમાચાર
• 1 નવેમ્બરે ચૂંટણીની તારીખો જાહેર થઇ શકે છે
• 2 તબક્કામાં વિધાનસભાની ચૂંટણી યોજાઈ શકે છે

તમને જણાવી દઇએ કે, વિધાનસભા ચૂંટણીની તારીખ ટૂંક સમયમાં જાહેર થવા જઇ રહી છે. ત્યારે ચૂંટણી પંચ 1 નવેમ્બરના રોજ પત્રકાર પરિષદ કરી શકે છે. એટલે કે ગુજરાત વિધાનસભાની ચૂંટણીની તારીખ પહેલી નવેમ્બરે જાહેર થઈ શકે છે. 2 તબક્કામાં ગુજરાત વિધાનસભાની ચૂંટણી યોજાઈ શકે છે. જેમાં નવેમ્બરના અંતમાં પ્રથમ તબક્કામાં ચૂંટણી થઈ શકે છે જ્યારે ડિસેમ્બરના પ્રથમ સપ્તાહમાં બીજા તબક્કાની ચૂંટણી યોજાઈ શકે છે.

BIG BREAKING: ગુજરાત વિધાનસભા ચૂંટણીની તારીખ 1 નવેમ્બરે થઈ શકે છે જાહેર, ચૂંટણી 2 તબક્કામાં યોજાઈ શકે છે, મત ગણતરી 8 ડિસેમ્બરના રોજ હિમાચલ પ્રદેશની સાથે યોજાય તેવી શક્યતા#GujaratElections2022

— VTV Gujarati News and Beyond (@VtvGujarati) October 25, 2022

બે તબક્કામાં દ. ગુજરાત અને સૌરાષ્ટ્રમાં પ્રથમ તબક્કામાં ચૂંટણી થઈ શકે છે

રાજ્યમાં બે તબક્કામાં દક્ષિણ ગુજરાત અને સૌરાષ્ટ્રમાં પ્રથમ તબક્કામાં ચૂંટણી થઈ શકે છે. બીજા તબક્કામાં ઉત્તર ગુજરાત અને મધ્ય ગુજરાતમાં ચૂંટણી થઈ શકે છે. જ્યારે મત ગણતરી 8 ડિસેમ્બરના રોજ હિમાચલ પ્રદેશની સાથે યોજાય તેવી શક્યતા સેવવામાં આવી રહી છે. મતદાનનો સમય સવારના 8થી સાંજના 6 વાગ્યા સુધી કરવામાં આવી શકે છે.

ભાજપ આ વખતે 25 ટકા 'નો રિપીટ થિયરી' અપનાવશે!

ગુજરાતમાં વિધાનસભાની ચૂંટણી જાહેરાતનું કાઉન્ટ ડાઉન શરૂ થઈ ગયો છે ગમે ત્યારે ચૂંટણી પંચ જાહેરાત કરી શકે છે. ભાજપ, કોંગ્રેસ અને આમ આદમી પાર્ટી ત્રણય પક્ષ અત્યારે પૂર જોશમાં તૈયારીઓ કરી રહ્યાં છે. બેઠકોથી લઈ જાહેરસભા અને રોડ શૉ સહિતની તમામ કામગીરી કરી રહ્યાં છે. ગુજરાત ભારતીય જનતા પાર્ટીનો ગઢ ગણાય છે અને અહીં સતત ભાજપ જીતતી આવી છે ત્યારે આ વખતે ચૂંટણીમાં વિજય મેળવવા માટે શું સ્ટ્રેટેજી અપનાવે છે તે મહત્વનું રહેશે. ભાજપ ટિકિટ વહેચણી મુદ્દે પણ મોટા સમાચાર સામે આવી રહ્યાં છે કે ભાજપ આ વખતે 25 ટકા નો રિપીટ થિયરી અપનાવશે.

શું ભાજપ નો-રિપીટ થિયરી અપનાવશે?

ભાજપમાં ટિકિટ વહેંચણી મુદ્દે પણ મોટા સમાચાર સામે આવ્યા છે. સૂત્રો દ્વારા મળતી માહિતી કે ભારતીય જનતા પાર્ટી 25 ટકા ધારાસભ્યોમાં નો-રિપીટ થિયરી અપનાવશે. જેમાં ભાજપ 25 ધારાસભ્યોને ટિકિટ નહીં આપે એવું જાણવા મળી રહ્યું છે.