બેદરકારી / Video: શું આવી રીતે ભણશે ગુજરાત? પેપર કસોટી પહેલા જ થઈ જાય છે લીક

• શિક્ષણ વિભાગ દ્વારા લેવાતી એકમ કસોટીમાં ગંભીર છબરડા
• પરીક્ષા પહેલા જ એકમ કસોટીનું પેપર લીક થઈ જાય છે
• યુ-ટયુબ ચેનલ પર અગાઉથી જ પેપર અપલોડ થઈ જાય છે

ગુજરાતમાં શિક્ષણ વિભાગમાં ફરીથી છબરડા સામે આવ્યા છે. ગુજરાતમાં વિદ્યાર્થીઓને મહામારીને કારણે આ વર્ષે ઘણો ફટકો પડ્યો છે. ઓનલાઈન શિક્ષણમાં વિદ્યાર્થીઓને પડી રહેલી મુશ્કેલીઓ પડી રહી છે એવામાં ઓર એક છબરડો શિક્ષણ વિભાગની બેજવાબદારી દર્શાવે છે. 

25 ગુણની એકમ કસોટી લેવાય છે

શિક્ષણ વિભાગ દ્વારા લેવાતી એકમ કસોટીમાં ગંભીર છબરડા સામે આવ્યા છે. પરીક્ષા પહેલા જ એકમ કસોટીનું પેપર લીક થઈ જાય છે. યુ-ટયુબ ચેનલ પર અગાઉથી જ પેપર અપલોડ થઈ જાય છે. ધોરણ 3 થી 12ના વર્ગમાં 25 ગુણની એકમ કસોટી લેવાય છે

ક્યાંથી લીક થાય છે પેપર

પેપર કયાંથી લીક થાય છે તે તપાસનો વિષય છે. GCERT દ્વારા પેપર તૈયાર કરાય છે. ત્યારબાદ પેપરને શાળા વિકાસ સંકુલ ગૃપમાં મોકલાય છે. પેપર પ્રિન્સીપાલ મારફતે શાળાના શિક્ષકોને આપવામાં આવે છે. પરીક્ષાના દિવસે શિક્ષકો પેપર વિદ્યાર્થીઓને મોકલે છે.