સત્કાર્ય / આ માણસ લઈને બેઠો છે રાષ્ટ્રીય પક્ષી મોરને બચાવવાનો ભેખ

• ઈંડાને પણ ઉછેરે છે આ યુવાન 
• 107 જેટલા રાષ્ટ્રીય મોરના બચ્ચા બચાવ્યા છે
• મોર જ નહી પરંતુ પોપટ અને કબૂતરને પણ બચાવે છે

એક યુવાન જેનું નામ છે કિશન વાઢીયા જે દ્વારકા જિલ્લામાં આવેલા નાના એવા ગણેશગઢ ગામે રહે છે પક્ષીઓ માટે સાક્ષાત ભગવાન સમાન નામ કહી શકાય કારણ એની પક્ષીઓ પ્રત્યેની અનન્ય સેવા છે તેઓ ગણેશગઢ ગામે જીવ દયા કેન્દ્ર  ચલાવી અબોલ પક્ષીઓની સેવા કરે છે 

દેવભૂમિ દ્વારકા જિલ્લા ના કલ્યાણપુર તાલુકા ના નાના એવા ગણેશગઢ ગામે ખેડૂત પરિવાર માં જન્મેલા કિશન ને નાનપણ થી જ પક્ષી ઓ પત્યએ પ્રેમ ની લાગણી હતી કિશન વાઢીયા કોઈ યુનિવર્સીટી કે હોલટીક્લચર માં અભ્યાસ કરેલ નથી પણ પોતા ની કોઠાસુઝથી પક્ષીઓના મોટા કહી શકાય એવા ઓપરેશન કરતા જોવા મળે કિશન વાઢીયા અત્યાર સુધી માં હજારો પક્ષીઓના આ રીતે જીવ બચાવી ને કુદરત ના સાનિધ્ય માં છોડી મુક્યા છે 

ઈંડાને પણ ઉછેરે છે આ યુવાન 
આ ઉંમરમાં નાના એવા યુવાન કિશન ની  એક ઐતિહાસિક કહી શકાય એવી સિદ્ધિ ને કારણે હાલ કિશનભાઈ એ સોશિયલ સાઈડ પર ભારે ખ્યાતિ મેળવી છે કોઈ પણ પક્ષી પોતાના ઈંડા છોડીને જતું રહે અથવા પક્ષીનું મુત્યુ થાય તો કિશન એ ઈંડા ને પોતાના આગવી કોઠાસૂઝ થી 37 ડિગ્રી તાપમાન આપીને બચ્ચાને બચાવે છે 

107 જેટલા રાષ્ટ્રીય મોરના બચ્ચા બચાવ્યા છે
એકપ્રકારે ઈંડા સેવીને પણ બચ્ચાને બચાવી લે છે.  થોડા મોટા થયા બાદ એ બચ્ચાઓ ને કુદરતી પ્રકૃતિના ગોદમાં ફરી મૂકી દે છે અત્યાર સુધી માં કિશન ભાઈ અંદાજિત 107 જેટલા રાષ્ટ્રીય પક્ષી મોરના બચ્ચા બચાવી ને પ્રકૃતિને આપ્યા છે

ગણેશગઢ ખાતે ધારાસભ્યની ગ્રાન્ટમાંથી પક્ષીઓ માટે રૂમ બનાવ્યા
હાલ કિશન ભાઈ આર્થિક રીતે વધારે સધ્ધર ના હોવા ના લીધે તે 50 કિલો મીટર સુધી જ આવી સેવા આપી શકે છે  કિશન ભાઈ આવનારા દિવસો માં પક્ષીઓ માટે એક એમ્બ્યુલન્સ લેવા નું વિચારી ને આ સેવા ને સૌરાષ્ટ્ર વ્યાપી બનાવવા માંગે છે ત્યારે ગણેશગઢ ખાતે ધારાસભ્ય ની ગ્રાન્ટમાંથી તેઓએ પક્ષીઓ માટે રૂમ રાખ્યા છે જ્યાં તેઓ આ ઘાયલ પક્ષીઓને સારવાર આપે છે અને ઘાયલ પક્ષીઓ સંપૂર્ણ સ્વસ્થ થયા બાદ તેને ફરી કુદરતના ખોળે છોડી મૂકે છે અને ફરી આ પક્ષીઓ કલરવ કરતા કુદરતના સાનિધ્યમાં વિહરતા નજરે પડે છે 

મોર જ નહી પરંતુ પોપટ અને કબૂતરને પણ બચાવે છે
મોર સાથે  રંગ બેરંગી પોપટ સહિત ચકલા તેમજ કબૂતરોની પ્રજાતી પણ અહીં તેમના કેન્દ્રમાં જોવા મળે છે ખૂબ સુંદર આ પક્ષીઓ સાથે કિશન નામનો આ યુવાન પોતાની સેવા આપતો રહે છે અને આસપાસના ગામો ખેતરોમાં ઘાયલ પક્ષીઓના સમાચાર મળે કે તુરંત તેઓ ત્યાં પહોંચી જાય છે અને ત્યાંથી તેમને પોતાના કેન્દ્ર પર લાવી તેઓ તેમની સારવાર કરે છે  

આસપાસના ગામ પણ આપે છે સારવાર
આસપાસના ગામો ખેતરોમાં ઘાયલ પક્ષીઓના સમાચાર મળે કે તુરંત તેઓ ત્યાં પહોંચી જાય છે અને ત્યાંથી તેમને પોતાના કેન્દ્ર પર લાવી તેઓ તેમની સારવાર કરે છે આઆ યુવાને ખૂબ નાની ઉંમરમાં લુપ્ત થતી પ્રજાતિઓને પણ સારવાર આપી ફરી પ્રકૃતિના ખોળે છોડી મુક્યાં છે ત્યારે સાચા અર્થમાં આ અનોખા માનવીની સેવા કાબિલે તારીફ છે