ગુજરાતના બે સહિત ભારતના 8 બીચને બ્લુ ફ્લેગ બીચનો દરજ્જો પ્રાપ્ત થયો છે તેમા દ્વારકા તાલુકાના શિવરાજપુર ગામે આવેલા બીચને પણ બ્લુ ફ્લેગ બીચનો દરજ્જો મળતા યાત્રાધામ દ્વારકા પ્રવાસન ક્ષેત્રને વિકાસની નવી ગતિ મળશે
ગુજરાતના બે બીચને મળ્યો બ્લૂ ફ્લેગ બીચનો દરજ્જો
દીવના ઘોઘલા અને દ્વારકા શિવરાજપુર બીચની પસંદગી
ગુજરાતના બંને બીચ દુનિયાના સૌથી સ્વચ્છ બીચ થયા સાબિત
ભારતે પહેલીવાર દુનિયાના બ્લુ ફ્લેગ બીચ ધરવતા દેશોમાં સ્થાન મેળવી લીધું છે ભારતના 8 બીચને બ્લુ ફ્લેગ બીચનો દરજ્જો પ્રાપ્ત થયો છે જેમાંથી 2 બીચ ગુજરાતના છે એક દિવનો ઘોઘલા બીચ અને બીજો દ્વારકા જિલ્લામાં આવેલ શિવરાજપુર બીચને બ્લુ ફ્લેગ બીચનો દરજ્જો પ્રાપ્ત થયો છે.
દુનિયાના બ્લુ ફ્લેગ બીચો ધરવતા દેશોમાં ભારતે 8 બ્લુ ફ્લેગ બીચ સાથે સ્થાન મેળવી લીધું છે આ બ્લુ ફ્લેગ સર્ટીફીકેશન છે શું અને કેવી રીતે આ સર્ટીફીકેશન મળે તે જાણીએ તો ડેંમાર્કમાં કાર્યરત સંસ્થા દ્વારા આ બ્લુ ફ્લેગ દરજ્જો આપવામાં આવે છે.
બ્લુ ફ્લેગ બીચને દુનિયાના સહુથી સ્વચ્છ બીચ તરીકે માનવામાં આવે છે બ્લુ ફ્લેગ એ વિશ્વનું સૌથી માન્ય વોલન્ટરી ઇકો લેબલ છે બ્લુ ફ્લેગ લેબલ મેળવવા પર્યાવરણીય ,શૈક્ષણિક,સુરક્ષા અને સુગમતાના અનેક કડક માપદંડોમાથી પસાર થવું પડે છે ફાઉન્ડેશન ફોર એન્વાયરોંમેટલ એજ્યુકેશન નામની બિન સરકારી આંતરરાષ્ટ્રીય સંગઠન દ્વારા આ સર્ટીફીકેશન આપવામાં આવે છે ભારતે આ દિશામાં આગળ પગલું ભરતા બ્લુ ફ્લેગ લેબલ જેવા પોતાના ઇકો લેબલ બીમ્સ પણ તૈયાર કર્યા છે.
બીમ્સનું આખું નામ છે બીચ એનવાયરોંમેન્ટલ એન્ડ એસ્થેટિક્સ મેનેજમેન્ટ સર્વિસીઝ દ્વારકા તાલુકાના શિવરાજપુર બીચને બ્લુ ફ્લેગ બીચનો દરજ્જો મળતા સ્થાનિક પ્રશાસન સહિત લોકોમાં પણ ખુશીનો માહોલ છે યાત્રિકો માટે આ બીચ કુદરતનો સુંદર દરિયા કિનારો સાબિત થશે અધભૂત અને રમણીય શિવરાજપુર બીચ લોકોના આકર્ષણનું કેન્દ્ર બની રહેશે હાલ કોરોના મહામારી સમયે અહીં અવરજવર પર કોરોના મહામારીનો લઈ પ્રતિબંધ છે પરંતુ જલ્દી કોરોના નો ખાત્મો થાય અને અહીં યાત્રિકો કુદરતના ખોળે પધારે જેથી સ્થાનિકોને પણ રોજગારીની તકો વધશે તેવું માનવામાં આવી રહ્યું છે.
શિવરાજપુર બીચ ખૂબ સ્વચ્છ અને રમણીય છે સુંદર અને સ્વચ્છ એવા બીચમાં પ્રવાસીઓ માટે ખૂબ સુંદર સુવિધાઓ ઉભી કરવામાં આવી છે અહીં ગાર્ડનથી લઈ નહાવા સુધી ખૂબ સુંદર વ્યવસ્થા ઉભી કરવામાં આવી છે ત્યારે આ બીચને બ્લુ ફ્લેગ બીચનો દરજ્જો મળી જતા લોકોમાં ખુશીનો માહોલ છે