શહેરમાંથી નશાના કાળા કારોબારનો ખાતમો કરવા માટે એક્શન પ્લાનઃ સ્થાનિક પોલીસ-એનસીબી સહિતની એજન્સીઓ ડ્રગ્સ કે દારૂની પાર્ટી કરનારા યુવાનો પર ‘બાજનજર’ રાખશે
નશાનો કાળા કારોબારનો ખાત્મો બોલાવવા ગુજરાત પોલીસ એક્શનમાં
નબીરાઓની પાર્ટી પર રાખશે બાજ નજર
ડ્રગ્સ માફિયા પર સર્વેલન્સ કરાયું શરૂ
ગુજરાત સહિત દેશમાં સૌથી મોટો ચિંતાનો વિષય ડ્રગ્સ ટેરરનો થઇ ગયો છે, જેને રોકવા માટે સુરક્ષા એજન્સીઓ રાત-દિવસ એક કરી રહી છે. પાકિસ્તાન સહિત અલગ અલગ જગ્યા પરથી ડ્રગ્સ દરિયાઇ રસ્તે ગુજરાતમાં ઘૂસે છે. આ સિવાય દારૂબંધી હોવા છતાંય ઠેરઠેર દારૂ આસાનીથી મળી રહે છે. ડ્રગ્સ હોય કે પછી દારૂ હોય, તેને નશાના વેપારીઓમાં ડિસ્ટ્રિબ્યૂટ કરી દેવામાં આવે છે. ત્યાર બાદ પ્રતિિષ્ઠત એજ્યુકેશન ઇન્સ્ટિટ્યૂટના વિદ્યાર્થીઓને સોફ્ટ ટાર્ગેટ કરવામાં આવે છે. વિદ્યાર્થીઓ મોટા ભાગે અન્ય રાજ્યના હોવાથી તેમજ માતા-પિતાથી અલગ રહેતા હોવાના કારણે તેમને ટાર્ગેટ કરવા સહેલા સાિબત થાય છે.
ડ્રગ્સ માફિયા પર સર્વેલન્સ કરાયું શરૂ
નાર્કોિટક્સ કંટ્રોલ બ્યૂરો (એનસીબી)ના ડાયરેક્ટર સદાકાંત િમશ્રાએ જણાવ્યું છે કે કોરોના વાઇરસના કારણે મોટા ભાગના ઇન્સ્ટિટ્યૂટ બંધ હતા, જોકે કોરોનાનો કહેર ઓછો થતાંની સાથે જ હવે ધીમે ધીમે ઇન્સ્ટિટ્યૂટ ખૂલી રહ્યા છે, જેના કારણે એનસીબી એક્શન મોડમાં આવી ગયું છે અને તમામ ઇન્સ્ટિટ્યૂટ તેમજ ડ્રગ્સ માફિયા પર સર્વેલન્સ શરૂ કરી દીધું છે. અમદાવાદમાં સંખ્યાબંધ એજ્યુકેશન ઇન્સ્ટિટ્યૂટ છે, જેમાં હજારો પરપ્રાંતીય વિદ્યાર્થીઓ ભણવા માટે આવે છે. કેટલાક વિદ્યાર્થીઓ ઇન્સ્ટિટ્યૂટની હોસ્ટેલમાં રહે છે તો કેટલાક વિદ્યાર્થીઓ પીજી તરીકે રહેવાનું પસંદ કરે છે.
વિદ્યાર્થીઓને કરાઈ રહ્યા છે ટાર્ગેટ
એજ્યુકેશન માટે આવેલા વિદ્યાર્થીઓ પોતાની દુનિયામાં મસ્ત રહેવા તેમજ મોજશોખ કરવા માટે ડ્રગ્સ તેમજ દારૂના રવાડે ચઢતા હોય છે. નશાની આદત એટલી હદે લાગી જાય છે કે તેઓ કોઇ પણ સંજોગોમાં નશો કરતા હોય છે. નશાના વેપારીઓ પીજીમાં રહેતા અને મોજશોખ ધરાવતા વિદ્યાર્થીઓને ટાર્ગેટ કરે છે અને તેમને ડ્રગ્સના રવાડે ચઢાવે છે.
તાજેતરમાં બોપલમાંથી ઝડપાયું છે ડ્રગ્સ
તાજેતરમાં બોપલમાં હાઇ પ્રોફાઇલ ડ્રગ્સકાંડનો મામલો સામે આવ્યો છે, જેમાં મુખ્ય આરોપી વંદિત પટેલની પૂછપરછમાં ચોંકાવનારા ખુલાસા થયા હતા કે તે ડ્રગ્સ વિદ્યાર્થીઓને વેચતો હતો. તે સ્કૂલ તેમજ ઇન્સ્ટિટ્યૂટના વિદ્યાર્થીઓને સોફ્ટ ટાર્ગેટ કરતો હતો. આ સિવાય ગાંધીનગરના સરગાસણ પાસેના ફ્લેટમાં યુવકો અને યુવતીઓ દારૂની મહેફિલ માણતાં હોવાનું સામે આવ્યું હતું, જેના આધારે દારૂની મહેફિલ માણતી નવ યુવતીઓ અને ચાર યુવકોની ધરપકડ કરવામાં આવી છે. આ તમામ પકડાયેલા આરોપીઓ વલસાડની એક ડેન્ટલ કોલેજમાં અભ્યાસ કરી રહ્યા હોવાનું પણ સામે આવ્યું છે.
ર૦ લાખ રૂપિયાનું ચરસ ઝડપાયું હતું
અમદાવાદના ગીતામંદિરથી પાંચેક વર્ષ પહેલાં નાર્કોિટક્સ કંટ્રોલ બ્યૂરોના અધિકારીઓએ ર૦ લાખ રૂપિયાનું ચરસ કબજે કર્યું હતું, જેમાં જૂનાગઢની ઇકબાલ નામની વ્યક્તિ ત્રણ કિલો ચરસ લઇને અજમેરથી લકઝરી બસ મારફતે આવી હતી અને તેણે અમદાવાદ તથા રાજકોટમાં આ ચરસ સપ્લાય કરવાનું હતું. એનસીબીની પૂછપરછમાં ઇકબાલે ખુલાસો કર્યો છે કે આ ચરસ અમદાવાદની પ્રતિિષ્ઠત ઇન્સ્ટિટ્યૂટ તથા રાજકોટની કોલેજના વિદ્યાર્થીઓને વેચવાનું હતું.
માત્ર મજબૂત રેફરન્સથી ધમધમે છે નશાનું નેટવર્ક
એક વિદ્યાર્થીને ટાર્ગેટ કર્યા પછી બુટલેગર અને પેડલરને ગ્રાહક શોધવા જવાની જરૂર હોતી નથી. એકના મજબૂત રેફરન્સથી બીજો વિદ્યાર્થી તેમની પાસે પહોંચી જાય છે. જ્યારે બીજા વિદ્યાર્થીને દારૂ કે ડ્રગ્સ જોઇએ તો પહેલાં બુટલેગર અને પેડલરને ફોન કરે છે અને જે તે વિદ્યાર્થીનો રેફરન્સ આપે છે. રેફરન્સ આપ્યા બાદ નશાનો વેપારી જે તે વિદ્યાર્થીને કોલ કરાવવાનું પણ કહે છે. વેપારીના મોબાઇલમાં વિદ્યાર્થીનો નંબર સેવ હોવાથી બીજા વિદ્યાર્થી સાથે નશાનો વેપાર ચાલે છે