ગુનાખોરી / ગુનાખોરીમાં ડૂબતું ગુજરાત, પત્નીએ બાળક માટે બિસ્કિટના રૂપિયા માગ્યા તો પતિએ હત્યા કરી નાખી

• ખેડામાં ઠાસરાના કાલસર ગામની ઘટના 
• પૈસા માગતા પતિએ પત્નીને માર માર્યો 
• પતિએ માર મારતા પત્નીનું નિપજ્યું મોત

ખેડા જિલ્લાના ઠાસરા તાલુકામાં એવો કિસ્સો સામે આવ્યો છે જે સાંભળીને તમારા રુવાંટા ઉભા થઈ જશે.જાણો શું છે સમગ્ર કિસ્સો અને શું છે સમગ્ર હકિકત 

ખેડામાં પતિએ માર મારતા પત્નીનું મોત
સમાજમાં સદીઓથી પૂરુષોનું વર્ચસ્વ રહ્યું છે. હવે સ્ત્રીઓ સાક્ષર થઈ છે એટલે પુરુષોના વર્સસ્વ ઘટી રહ્યું હોય તે અહમને ઠેસ પહોંચી રહી છે હવે સમય બદલાયો છે પરતું હજુ પણ ગામડાઓમાં સ્થિતિ એમની એમ જ જોવા મળે છે મહિલાઓએ પુરુષોના રોષનો ભોગ બનવું પડે છે. પતિ પત્ની વચ્ચે ઝગડો થવા સામાન્ય બાબત છે પરતું એ ઝગડામાં આવેશમાં આવી પત્ની પર હુમલો કરવો એના ગંભીર પરિણામો આવી શકે છે. એવું જ બન્યું છે કાલસર ગામે જ્યારે પતિના ગુસ્સાના આવીને નિર્મમ હત્યા કરી દેવાતા ચકચાર મચી ગઈ છે. 

બાળકોને અનાથ અને નિરાધાર થવાનો વારો આવ્યો

પતિએ આવેશમાં આવીને પત્નીની હત્યા કરી દેતા બાળકોને અનાથ થવાનો વારો આવ્યો છે.પત્નીએ પોતાના બાળકો માટે બિસ્કીટ લેવા માટે પૈસા માંગ્યા તો પતિએ ગુસ્સા અને આવેશમાં આવી પત્ની સાથે મારઝુંડ કરી હતી જેમાં પત્નીને ગંભીર ઈજા થતા પત્નીને સારવાર અર્થે અમદાવાદ હોસ્પિટલ ખસેડાઈ હતી પરતું કમનસીબે પત્નીનું સારવાર દરમિયાન મોત નિપજ્યું હતું.સમગ્ર ઘટનાની જાણ થતા પોલીસે આરોપી પતિની ધરપકડ કરી લીધી છે એક તરફ માતાનું મોત થયું તો બીજી તરફ પત્ની હત્યામાં બાળકોએ જેલમાં જવાનો વારો આવ્યો છે. હવે બાળકોને અનાથ અને નિરાધાર થવાનો વારો આવ્યો છે.