કાર્યવાહી / વડોદરામાં બની એવી ઘટના કે DGPએ એક ઝાટકે આ PI અને PSIને સસ્પેન્ડ કરી દીધા

• વડોદરામાં સ્ટેટ મોનીટરીંગ સેલના દરોડાનો મામલો
• ગોત્રી પોલીસ સ્ટેશનના PI અને PSI સસ્પેન્ડ કરાયા
• ગઈકાલે ગાંધીનગર સ્ટેટ મોનિટરિંગ સેલે કર્યાં હતા દરોડા

રવિવારે વડોદરા શહેરમાં અકોટા વિસ્તારમાં ધમધમતા વિદેશી દારૂના અડ્ડા પર ગાંધીનગર સ્ટેટ મોનિટરિંગ સેલ દરોડો પાડ્યા હતા. બુટલેગર યોગેશ પાટીલના મકાનમાંથી ઝડપાયો દારૂ હતો. ટીમે 2.68 લાખ રૂપિયાની કિંમતના વિદેશી દારૂના જથ્થા સાથે 2 શખ્સની ધરપકડ કરી હતી. જ્યારે મુખ્ય આરોપી યોગેશ પાટીલ અને દારૂનો જથ્થો મોકલનાર લાલુ સિંધી સહિત ત્રણ શખ્સને વોન્ટેડ જાહેર કરીને તેની ધરપકડ માટે ચક્રો ગતિમાન કર્યાં છે. તેવામાં હવે ગાંધીનગર સ્ટેટ મોનિટરિંગ સેલના દરોડા બાદ હવે ગુજરાતના DGP આશિષ ભાટિયાએ કાર્યવાહી છે. ફરજમાં બેદરકારી બદલ DGPએ કાર્યવાહી કરતા ગોત્રી પોલીસ સ્ટેશનના PI એ.બી. ગોહિલ અને PSI એચ.જી. ગોહિલને DGPએ સસ્પેન્ડ કર્યા છે. 

સ્ટેટ વિજિલન્સનો વડોદરાના અકોટા વિસ્તારમાં દરોડો પાડ્યો હતો

રવિવારે સાંજે ગાંધીનગરની સ્ટેટ મોનીટરીંગ સેલે વડોદરા શહેરના અકોટા વિસ્તારમાં આવેલ ગુજરાત હાઉસિંગ બોર્ડના મકાનમાં દરોડા પાડ્યા હતો. ગાંધીનગર સ્ટેટ મોનીટરીંગ સેલને ચોક્કસ બાતમી મળી હતી કે શહેરના અકોટા ગુજરાત હાઉસિંગ બોર્ડના મકાનમાં યોગેશ પટેલ નામનો વ્યક્તિ મોટા પ્રમાણમાં વિદેશી દારૂનો જથ્થો લાલુ સિંધી પાસેથી મંગાવી કારમાં વેચાણ કરે છે. જેના આધારે પોલીસે દરોડા પાડ્યા હતા. દરોડા દરમિયાન સ્થળ પર નાસભાગના દ્રશ્યો સર્જાયા હતા.

દારૂના મુદ્દામાલ સાથે 2 શખ્સોની ધરપકડ, બુટલેગર લાલુ સિંધી સહિત 3 વોન્ટેડ

મકાનમાં દરોડા દરમિયાન વિદેશી દારૂનો જથ્થો મળી આવ્યો હતો. જ્યારે જીતેન્દ્ર પાટીલ અને અનિલ ઉતેકર પોલીસના હાથે ઝડપાઇ ગયા હતા. સાથે મારૂતિ વાનમાંથી ભારતીય બનાવટનો વિદેશી દારૂની નાની-મોટી બોટલો, પાઉચ અને બીયરના ટીન સહિત 1557 નંગ જેની કિંમત રૂ. 2,68,185 મળી આવ્યા હતા.