ગુજરાતમાં ચાલુ સિઝનનો 65 ટકા વરસાદ, સૌરાષ્ટ્રમાં 94 ટકા, આજે સાંજે 6 વાગ્યા સુધીમાં 144 તાલુકામાં વરસાદ નોંધાયો
ગુજરાતમાં મેઘો ઓળઘોળ
નદીઓ ઉફાન પર, ડેમ થયા ઓવરફ્લો
રાજ્યમાં આગામી 3 દિવસ 13 થી 15 જુલાઇ સુધી ભારેથી અતિભારે વરસાદની આગાહી કરવામાં આવી છે. તેમાં પણ ખાસ કરીને આગામી 2 દિવસ સૌરાષ્ટ્ર અને કચ્છમાં વધુ વરસાદની પડ્યો છે.અમદાવાદમાં પણ આગામી 48 કલાક સુધી ભારે વરસાદની શક્યતા છે. દ્વારકા, દાહોદ, પંચમહાલ, સાબરકાંઠા, બનાસકાંઠા, ગાંધીનગરમાં ભારે વરસાદની આગાહી કરવામાં આવી છે. રાહતની વાત એ છે કે ગુજરાતમાં ચાલુ સિઝનનો 65 ટકા વરસાદ નોંધાઈ ચૂક્યો છે. જેમાં સૌરાષ્ટ્રમાં 94 ટકા 12 જુલાઇ સુધી પડી ગયો છે. આ સિવાય મહેસાણા, ગાંધીનગર, દાહોદમાં પણ સારા વરસાદના વરતારા છે.
144 તાલુકાઓ વરસાદ ( 6 વાગ્યા સુધીનો ડેટા)
ગુજરાતમાં હજુ 15 તારીખ સુધી ભારે થી અતિભારે વરસાદની આગાહી છે. ત્યારે રાજ્યમાં આજે કુલ 144 તાલુકાઓમાં નોંધપાત્ર વરસાદ થયો છે. વાગરામાં સૌથી વધુ 9.5 ઈંચ વરસાદ જ્યારે અંજારમાં 8.5 ઈંચ, ભુજમાં 8 ઈંચ, ગાંધીધામમાં 7 ઈંચ, વઘઈ અને નખત્રાણામાં 6 ઈંચ વરસાદ, આહવા,રાજકોટ,કરજણમાં 5.5 ઇંચ વરસ્યો વરસાદ, વ્યારામાં 5 ઈંચ વરસાદ, ભરૂચમાં 4.75 ઈંચ, ડોલવણ અને વાંસદામાં 4.5 ઇંચ વરસાદ, જોડીયા અને માંડવીમાં 4.5 ઈંચ વરસાદ, સોનગઢ અને ઉમરપાડામાં 4.25 ઇંચ, ઝઘડીયા,મહુવા,પાદરા અને સુબીર,અબડાસા અને વાલોદમાં 4 ઇંચ વરસાદ, ભાભર,કચ્છના માંડવીમાં અને અંકલેશ્વરમાં 3.5-3.5 ઈંચ વરસાદ વરસાદ પડ્યો છે.
ગુજરાતના ડેમ થયા ઓવરફ્લો
ભારે વરસાદને લીધે ગુજરાતના ઘણખરા ડેમ સપાટી વટાવી ચૂક્યા છે. ડેમ ઓવરફ્લો થતાં તેના દરવાજા ખોલી નાખવામાં આવ્યા, તેમજ આસપાસના વિસ્તારોને તંત્ર દ્વારા એલર્ટ કરી દેવામાં આવ્યા છે. પ્રાંત અધિકારી અને મામલતદારોને સ્થળનું નિરીક્ષણ કરવા અને જરૂર પડ્યે ગ્રામજનોને સુરક્ષિત સ્થળે ખસેડવા સૂચના આપવમાં આવી છે. જુઓ કયા જિલ્લામાં કયા ડેમની શું છે સ્થિતિ
ગુજરાતની જીવાદોરી સમાન સરદાર સરોવર ડેમની સપાટીમાં વધારો થયો છે. ઉપરવાસમાં સારા વરસાદેન કારણે ડેમમાં 8 હજાર 558 કયુસેક કરતાં વધુ પાણીની આવક થવા પામી છે. જેને કારણે ડેમની સપાટી 114.38 મીટરને વટાવી ચૂકી છે. CHPHના 2 પાવર હાઉસ ચાલુ કરાયા છે. ટોટલ આઉટફ્લો 8 હજાર 409 ક્યુસેક કરતાં વધુ નોંધાયો છે.