તૌક્તેની ગતિએ તારાજી સર્જવાનું શરૂ કરી દીધું છે. અહીં વીડિયોમાં તમે જોઈ શકો છો કે કઈ રીતે સ્ટેચ્યૂ ઓફ યૂનિટી પાસે બનેલા કેવડિયા રેલ્વે સ્ટેશનની છત હવામાં ઉડી છે.
જુઓ વાયરલ વીડિયો
તૌક્તેની ગતિએ તારાજી સર્જી
કેવડિયા રેલ્વે સ્ટેશનની છત હવામાં ઉડી
કેવડિયા રેલ્વે સ્ટેશનની છત અનેક જગ્યાએથી તૂટી છે. કેવડિયા દેશનું પહેલું ગ્રીન બિલ્ડિંગ સર્ટિફિકેટ વાળું રેલ્વે સ્ટેશન છે. તેને અનેક આધુનિક સુવિધાઓથી સજ્જ બનાવાયું છે. ગુજરાતમાં તૌક્તે વાવાઝોડાની દસ્તક પહેલા જ અહીં તેની અસર જોવા મળી છે. ઝડપી હવાની સાથે નર્મદાના કેવડિયા રેલ્વે સ્ટેશનની છત હવામાં ઉડતી જોવા મળી હતી. સ્ટેશન ડેમેજ થયું હોવાનો વીડિયો પણ વાયરલ થઈ રહ્યો છે.
કેવડિયા દેશનું પહેલું ગ્રીન બિલ્ડિંગ સર્ટિફિકેટ વાળું રેલ્વે સ્ટેશન
આ સ્ટેશન આધુનિક સુવિધાઓથી સજ્જ બનાવાયું હતું. ગુજરાતના કેવડિયામાં સ્ટેચ્યૂ ઓફ યૂનિટી આવેલું છે. પર્યટનને વધારો મળે તે માટે આ સ્ટેશનની શરૂઆત કરાઈ હતી. હવે વાવાઝોડાના કારણે તેની મજબૂતીને લઈને પ્રશ્નો ઉઠી રહ્યા છે.
ગુજરાતમાં પ્રશાસન એલર્ટ પર
ગુજરાતના કચ્છમાં વાવાઝોડાના કારણે તારાજીની આશંકાને લઈને પ્રશાસન એલર્ટ પર છે. સાથે જ તટીય વિસ્તારોના માછીમારોને સુરક્ષિત જગ્યાઓએ શિફ્ટ કરાયા છે. હવામાન વિભાગના અનુસાર ગુજરાતમાં આવેલા વાવાઝોડાથી 155-160 કિમી /કલાકની હવાઓ ચાલી શકે છે. તોફાનના કારણે સુરત એરપોર્ટ પણ બંધ કરાયું છે.