ગાયક કલાકાર જીગ્નેશ કવિરાજનું ફેક ફેસબુક આઈડી બનાવનારની સાયબર ક્રાઈમે ધરપકડ કરી છે. ફેક આઈડી બનાવનાર આરોપી પ્રકાશ વ્યાસની પોલીસે ધરપકડ કરી છે. આરોપી પ્રકાશ છેલ્લા ઘણા સમયથી મહિલાઓ સાથે સંપર્ક કરીને દાગીના પડાવતો હતો. કવિરાજના નામે જન્મદિવસની ગીફ્ટ માગીને દાગીના પડાવતો હોવાનું સામે આવ્યુ છે. આરોપીએ અગાઉ કવિરાજ સાથે અનેક કાર્યક્રમ કર્યા છે. અને હવે ફેસબુકમાં કવિરાજના નામે ફેક આઈડી બનાવ્યુ હતુ. આ આઈડીથી આરોપી મહિલાઓને મેસેજ કરતો હતો. જેની જાણ થતા કવિરાજે સાયબર ક્રાઈમમાં ફરિયાદ કરી હતી.
ફેસબુક એકાઉન્ટમાં તેની મંજૂરી વગર તેનો ફોટો મૂકીએ અને અલગ-અલગ સ્ટેટસ મૂકતો
ટેકનોલોજીનો વ્યાપ વધતાં જ લોકો બેફામ રીતે સોશિયલ મીડિયાનો ઉપયોગ કરી રહ્યા છે. જોકે આ સોશિયલ મીડિયા ક્યારે તેઓને નુકસાન પહોંચાડી બેસે છે તેઓને ક્યારેય અંદાજ રહેતો નથી. બનાવટી ફેસબુક એકાઉન્ટ બનાવીને અનેક લોકો તેનો ગેરલાભ ઉઠાવી રહ્યા હોય તેવી ફરિયાદો સાયબર ક્રાઇમમાં જોવા મળી રહી છે. આવી જ વધુ એક ફરિયાદ આ વકતે ગુજરાતી સિંગર જીગ્નેશ કવીરાજ દ્વારા આપવામાં આવી છે.
શું નોંધાવી ફરિયાદ
લોકગાયક જીગ્નેશ કવિરાજની પણ આવો એક કડવો અનુભવ થયો છે જીગ્નેશ કવિરાજ અમદાવાદ સાયબર ક્રાઇમમાં ફરિયાદ નોંધાવી છે કે નવેમ્બર મહિના પહેલાં કોઈપણ સમયે કોઈ અજાણી વ્યક્તિએ તેના નામનું ફેસબુક એકાઉન્ટ બનાવ્યું હતું.
એસએમએસથી મંગાવતો ફોટા, અને પડાવતો દાગીના
આ બનાવટી ફેસબુક એકાઉન્ટમાં તેની મંજૂરી વગર તેનો ફોટો મૂકીએ અને અલગ-અલગ સ્ટેટસ મૂકતો હતો. જેમ કે મારે નવા સોંગ માટે સારી હિરોઈન જોઈએ છે જેને પણ મારી સાથે હીરોઈન તરીકે કામ કરવું હોય તેમને એફબીમાં એસએમએસ કરે ને ફોટા મોકલો, તથા મારી જોડે કોને કામ કરવું છે જેને કરવું હોય તે મને એસએમએસ કરે. આ પ્રકારના સ્ટેટસ મૂકી આ અજાણ્યો શખસ જીગ્નેશ કવિરાજના નામે તેના ચાહકો અને સ્ત્રી મિત્રો સાથે મેસેન્જર પર વાતચીત કરતો હતો.
કેવી રીતે થઈ જાણ
જીગ્નેશ કવિરાજ અને તેના મિત્રો સર્કલ તરફથી આ બાબતની જાણ થતાં તેણે તરત જ અમદાવાદ સાયબર ક્રાઇમમાં ફરિયાદ નોંધાવી છે. આધારે સાયબર ક્રાઈમને ફરિયાદ નથી વધુ તપાસ શરૂ કરી છે.