સોશિયલ મીડિયા / ધર્મ કે જાતિ વિરૂદ્ધ હવે પોસ્ટ કરી તો આવી બન્યું સમજો! ગુજરાત સાયબર સેલે જાહેર કર્યો વોટ્સએપ નંબર

• ગુજરાત સાયબર ક્રાઇમ સેલે વોટસએપ નંબર જાહેર કર્યો
• સોશિયલ મીડિયામાં વાંધાજનક ટિપ્પણી મુદ્દે થશે કાર્યવાહી
• 6359627142 વોટસએપ નંબર પર માહિતી મોકલી શકાશે

જેમ જેમ વિશ્વમાં ટેક્નોલોજીનો ઉપયોગ વધી રહ્યો છે.તેમ હેકિંગ, સાયબર એટેક, અને સાયબર ફ્રોડ જેવા સાયબર ક્રાઈમોનું પ્રમાણ સતત વધી રહ્યું છે. આ સાથે સૌથી મોટી ચિંતાનો વિષય છે  સોશિયલ મીડિયામાં વાંધાજનક ટીપ્પણી કરી કોઈ સમાજ કે ધર્મ કે વ્યક્તિને ટાર્ગેટ કરી હિંસા ભડકાવી. ત્યારે ગુજરાત સાયબર સેલ હવે સક્રિય થયું છે. અને સોશિયલ મીડિયામાં વાંધાજનક ટિપ્પણી પર કાર્યવાહી કરવાના આદેશ આપતા 6359627142 વોટસએપ નંબર પણ જાહેર કર્યો છે. કોઈ પણ વ્યક્તિ પોતાના ધર્મ કે જાતિ વિરુદ્વ પોસ્ટ મુદ્દે વોટસએપ પર માહિતી આપી શકે છે તેવુ સૂચિત પણ કરવામાં આવ્યું છે.

વાંધાજનક, ધર્મ કે જાતિ વિરૂદ્ધ પોસ્ટ અંગેની માહિતી હવે આપ ગુજરાત સાયબર ક્રાઇમ સેલના વ્હોટ્સએપ નંબર “૬૩૫૯૬૨૭૧૪૨” પર મોકલી શકો છો. @GujaratPolice @AhmedabadPolice @SP_WR_Amd @CMOGuj @sanghaviharsh @InfoGujarat @narendramodi @AmitShah @Cyberdost @HMOIndia @Shamsher_IPS pic.twitter.com/esYuntgfUh

— State Cyber Crime Cell, Gujarat. (@CyberGujarat) May 27, 2022

કેન્દ્ર સરકારે નવો સાઈબર હેલ્પલાઈન નંબર 1930 પણ જાહેર કરેલો છે
છેલ્લા કેટલાય વર્ષોમાં દેશમાં ડિજીટલ તથા ઓનલાઈન બેંકીંગનું ચલણ વધી રહ્યું છે. તો દરરોજ સાઈબર ક્રાઈમ સાથે જોડાયેલી ઘટનાઓ પણ ઘટી રહી છે. જો કે, જ્યારે આપણી સાથે ક્યારેય આવું બને છે, તો જાણકારીના અભાવે આપણે છેતરપીંડી કરતા લોકો વિરુદ્ધ એક્શન લઈ શકતા નથી. ત્યારે આવા સમયે અમુક એવી રીત છે, જેમાં આપ મીનિટોમાં ફરિયાદ નોંધાવી શકો છો. તેના માટે સૌથી પહેલા સાઈબર પોર્ટલ પર ફરિયાદ નોંધાવી શકે છે. તેના માટે સત્તાવાર પોર્ટલ (https://cybercrime.gov.in/)  પર જવાનું રહેશે.જેવું કોઈની સાથે સાઈબર ફ્રોડ થયો છે, તો 1930 નંબર પર ફોન લગાવો, તો આપની સાથે જે ફ્રોડ થયું છે, તેના વિશે માહિતી લેવામાં આવશે. જેમ કે, ક્યાં અકાઉન્ટમાંથી રકમ કપાઈ છે, ફ્રોડ કેવી રીતે થયું. કેટલી રકમ કપાઈ, ત્યાંથી તેની તપાસ થશે અને સંબંધિત પોલીસ સ્ટેશનને પણ સૂચના આપવામાં આવશે. આમ આવી રીતે આપની રકમ આપી આવી શકે છે. 

સાયબર ક્રાઇમ કોને કહી શકાય?
મોબાઇલ, કોમ્પ્યુટર, લેપટોપ, ટેબલેટ દ્વારા ઇન્ટરનેટના માધ્યમ વડે કોઇપણ પ્રકારની લાલચ, છેતરપીંડી, ધાક-ધમકી, નાણાકીય ફ્રોડ, અપમાનજનક ભાષાનો પ્રયોગ, પાસવર્ડ કે અન્ય ડિજિટલ ડેટાની ચોરી કરવી જેવા ગુના એટલે સાયબર ક્રાઇમ.

સજા અને કલમ

કલમ - 66 કોમ્પ્યુટર સિસ્ટમ્સ હેકિંગ, ડેટા ફેરફાર

સજા : 3 વર્ષ કેદ અથવા 5,00,000 રૂપિયા દંડ

કલમ – 66 બી

કલમ – 66 B કોઈ વ્યક્તિ કમ્પ્યુટર સ્રોત અથવા સંચાર સાધન જે ચોરી કરવામાં  આવેલ  હોય તે મેળવે અથવા જાળવી રાખે

સજા : 3 વર્ષ કેદ અથવા  1,00,000 રૂપિયા દંડ

કલમ – 66 સી
કલમ – 66 C કોઈ વ્યક્તિ અન્ય વ્યક્તિ નો પાસવર્ડ, ડિજિટલ હસ્તાક્ષર અથવા અન્ય યુનિક આઇડેન્ટિફિકેશનનો  ઉપયોગ કરે

સજા : 3 વર્ષ કેદ અથવા  1,00,000 રૂપિયા દંડ

કલમ – 66 ડી
કલમ – 66 D કોઈ વ્યક્તિ એક કોમ્પ્યુટર સંસાધન અથવા કમ્યુનિકેશન સાધનની મદદથી કોઈને છેતરે

સજા : 3 વર્ષ કેદ અથવા 1,00,000 રૂપિયા દંડ

કલમ – 66 ઈ
કલમ – 66 E કોઈ વ્યક્તિ અન્ય કોઈ વ્યક્તિની  છબીઓ તેના / તેણીના સંમતિ અથવા જ્ઞાન વિના મેળવે છે, અને પ્રસારણ અથવા પ્રકાશિત કરે

સજા : 3 વર્ષ કેદ અથવા  2,00,000 રૂપિયા દંડ

કલમ – 66 એફ
કલમ – 66 F સાયબર આતંકવાદ

ભારતની એકતા, અખંડિતતા, સાર્વભૌમત્વને નુકશાન કરવાના હેતુ સાથે ધમકી આપે અથવા સુરક્ષાને નુકશાનકર્તા કૃત્ય આદરે

સજા : આજીવન કેદ

કલમ – ૬૭
કલમ – 67 અશ્લીલ માહિતી ઇલેક્ટ્રોનિક સ્વરૂપમાં પ્રકાશિત કરવી

સજા : 5 વર્ષ કેદ અથવા 10,00,000 રૂપિયા દંડ

કલમ – 67 એ
કલમ – 67 A કોઈ વ્યક્તિ જાતીય કૃત્ય અથવા આચરણ ધરાવતી છબીઓ પ્રકાશિત અથવા પ્રસારણ કરે

સજા : 7 વર્ષ કેદ અથવા 10,00,000 રૂપિયા દંડ

કલમ – 67 બી
કલમ – 67 B બાળ પોર્ન પ્રકાશન અથવા બાળકો ની અશ્લીલ માહિતી ઇલેક્ટ્રોનિક સ્વરૂપમાં પ્રકાશિત કરવી

સજા : 5 વર્ષ કેદ અથવા 10,00,000 રૂપિયા દંડ