આંબાવાડીમાં ધોળે દહાડે તીક્ષ્ણ હથિયારથી યુવતીને મોતને ઘાટ ઉતારનાર હત્યારો પોતાની બહેનના ઘેરથી ઝડપાઈ ગયો છે. અમદાવાદ ક્રાઈમ બ્રાન્ચે તેની આમલિયારાથી ધરપકડ કરી છે.
આંબાવાડી વિસ્તારમાં ધોળે દહાડે ખૂની ખેલ ખેલનારને ક્રાઈમબ્રાન્ચે બાયડના આંબલિયારાથી ઝડપી પાડ્યો છે. યુવતીનું ગળુ કાપી નીર્મમ હત્યા બાદ હત્યારો બહેનના ઘરે પહોંચ્યો હતો પરંતુ ક્રાઈબ્રાન્ચે તેને પકડી લીધો હતો. આરોપી નરેશ સોઢાની પોલીસે ધરપકડ કરી હતી.
શું છે કિસ્સો
અમદાવાદના આંબાવાડી વિસ્તારમાં એડવોકેટની ઓફિસમાં કામ કરતી એક યુવતીની હત્યા થઈ જતાં ચકચાર મચી જવા પામી છે. આંબાવાડીના અમૂલ્ય કૉમ્પ્લેક્સના ત્રીજા માળે આવેલી 310 નંબરની એડવોકેટ અને ફાઈનાન્સની ઓફિસમાં નડિયાદની 27 વર્ષની યુવતી ઇશાની પરમારની ગળુ કાપીને હત્યા કરાવામાં આવી હતી. ઈશાની છેલ્લા છ મહિનાથી ડેટા એન્ટ્રીનું કામ કરતી હતી અને નડિયાદથી અમદાવાદ અપ-ડાઉન કરતી હતી.
પોલીસે ત્વરીત કરી કાર્યવાહી
CCTVમાં એક શંકાસ્પદ યુવક પણ જોવા મળ્યો છે. પોલીસે CCTV ફૂટેજના આધારે તપાસ શરૂ કરી છે. આ ઘટનાને પગલે એલિસબ્રિજ પોલીસ અને ક્રાઈમ બ્રાન્ચનો કાફલો ઘટના સ્થળે પહોંચીને તપાસ શરૂ કરી હતી. પ્રાથમિક દ્રષ્ટિએ પ્રેમ પ્રકરણમાં હત્યા કરવામાં આવી હોવાનું જાણવામાં મળ્યુ હતુ જો કે હજુ સુધી આ અંગે કોઈ ખુલાસો થયો નથી. ઓફિસના સીસીટીવીમાં એક શંકાસ્પદ યુવક દેખાયો છે. પોલીસે સીસીટીવીના આધારે હત્યારાને ઝડપી પાડવા તપાસ અભિયાન તેજ કર્યુ હતુ.
આખરે અમદાવાદ ક્રાઈમ બ્રાન્ચે હત્યારાને ઝડપી પાડ્યો
અમદાવાદ ક્રાઈમબ્રાન્ચે તુરંત જ પોતાની તપાસ આગળ વધારી હતી અને હત્યા કરીને બહેનના ઘેર આંબલિયારા ભાગી ગયેલા આરોપીની ધરપકડ કરી હતી. આમલિયારાથી આરોપી ઝડપાયો