ગુજરાતના ઉભરતા ક્રિકેટ ખેલાડીઓ માટે IPLમાં એન્ટ્રી કરવાની ઉત્તમ તક મળી હતી. RCB દ્વારા 16 વર્ષથી વધુ વર્ષના ગુજરાતના ક્રિકેટ ખેલૈયાઓ માટે પેસ અને સ્પિન બોલિંગનો ટેલેન્ટ સ્કાઉટ કેમ્પ સુરતમાં યોજ્યો છે. જેમાં ખેલાડીઓની પસંદગી થશે તેમને સીધા બેંગ્લોર RCB ટ્રેનિંગ કેમ્પમાં ટ્રેનિંગ આપવામાં આવશે અને આવનારા સમયમાં IPL રમવાની તક આપવામવા આવશે.
ગુજરાતના ખેલાડીઓને IPLમાં એન્ટ્રીની ઉત્તમ તક
પેસ અને સ્પિન બોલિંગનો કેમ્પ યોજ્યો
RCBના કેમ્પથી ખેલાડીઓમાં ખુશી
ગુજરાતમાં અનેક ઉભરતા યુવા ક્રિકેટ ખેલાડીઓનું પોતાનું સપનું છે કે તે ભારતીય ક્રિકેટ ટીમમાં કે IPLમાં પોતે રમવા માટે પોતાનું સ્થાન મેળવી શકે. પરંતુ તે એટલું સહેલું નથી હોતું. તેની વચ્ચે રોયલ ચેલન્જર્સ બેંગ્લોર (RCB) ખેલાડીઓ માટે ઉત્તમ પ્લેટફોર્મ બની સામે આવ્યું છે. ઉભરતા ક્રિકેટ ખેલાડીઓને સીધી IPL રમવા માટે ઉત્તમ તક RCB આપી રહ્યું છે. સમગ્ર ગુજરાતમાંથી ક્રિકેટના ખેલાડીઓના ઉભરતા ટેલેન્ટને શોધવાના હેતુથી RCB દ્વારા સુરતમાં સિલેક્શન કેમ્પ યોજાયો છે.
સુરતમાં RCB દ્વારા યોજાયે ટેલેન્ટ સ્કાઉટ કેમ્પ
સુરતના લાલભાઈ કોન્ટ્રાક્ટર સ્ટેડિયમ પર તારીખ 5 અને 6 જાન્યુઆરી પેસ અને સ્પિન બોલિંગનો ટેલેન્ટ સ્કાઉટ કેમ્પ યોજાયો છે. જેમાં સમગ્ર ગુજરાતમાંથી 300 જેટલા બોલરોએ ઓનલાઇન રજીસ્ટ્રેશન કરાવી ભાગ લીધો છે. આ કેમ્પમાં ભાગ લેનાર ખેલાડીઓનું ઓનલાઈન રજીસ્ટ્રેશન કરવામાં આવ્યું છે. આમાં પસંદગી પામનાર ઉભરતી પ્રતિભાશાળી ખેલાડીને RCB તેના ટ્રેનીંગ કેમ્પ બેંગલોર ખાતે બોલાવશે. પ્રથમ વખત ડાયરેકટ IPLની ટીમમાં રમવા માટે ખેલાડીઓની પસંદગી કરવાનું સિલેક્શન શરૂ કરાતા પાયાના ખેલાડીઓમાં ભારે ઉત્સાહ જોવા મળ્યો છે. સાથે પોતાનું સપનું સાકાર થવાની આશા બંધાઈ છે.
16 વર્ષથી ઉપરના ખેલાડીઓને આપવામાં આવી છે તક
જોકે RCB દ્વારા ઉભરતા ક્રિકેટ ખેલાડીઓ માટે જ આ કેમ્પ રાખવામાં આવ્યો છે. તેનું વિડીયો ગ્રાફીથી રેકોર્ડિંગ પણ કરાઈ રહ્યું છે. 16 વર્ષથી ઉપરના સાથે ગુજરાત રાજ્ય તરફથી કોઈ સિનિયર ટીમમાં રમતા કે રમી ચુક્યા ન હોય તેવા ખેલાડીઓ માટે આ તક આપવામાં આવી છે. તેવા ખેલાડીઓનું જ રજીસ્ટ્રેશન કરાયું હતું. હાલ તો ખાસ બોલરની પસંદગી ચાલી રહી છે જેને લઈ દરેક ખેલાડીને 6 લીગલ બોલની ડિલિવરી નેટમાં વગર બેટ્સમેને કરાવી હતી. જેમાં સ્પિનર અને ફાસ્ટ બોલરો પાસે બોલિંગ કરાવી તમામનું વિડીયો રેકીર્ડિંગ કરાયું હતું. જેને આધારે RCB દ્વારા ઉભરતા ખેલાડીઓના સારા ટેલેન્ટને પારખી બેંગ્લોર બોલવામાં આવશે. તેમને વિશેષ ટ્રેનિંગ આપી IPLમાં RCBની ટીમમાં રમવાની તક આપવામાં આવશે. RCBના આ પ્રકારના કેમ્પથી ઉભરતા ક્રિકેટ ખેલાડીઓના સપનાને વેગ મળ્યો છે.