ગુજરાતમાં કોરોનાની રસી માટે પુરજોશ તૈયારીઓ ચાલી રહી છે. જેને લઇને રાજ્યમાં તમામ જિલ્લાઓમાં આજે ફરી ડ્રાય રન યોજાશે. અગાઉ જે વિસ્તારમાં ડ્રાયર રન ન થયો હોય ત્યાં આયોજન થશે.
રાજ્યભરમાં કોરોનાની રસી માટે તૈયારીઓ પુરજોશમાં
તમામ જિલ્લામાં આજે ફરી ડ્રાય રન યોજાશે
ડ્રાય રન ન થયો હોય ત્યાં થશે આયોજન
ગુજરાતમાં કોરોનાની રસી માટે પુરજોશમાં તૈયારીઓ ચાલી રહી છે. રાજ્યના તમામ જિલ્લાઓમાં કોરોનાની રસીને લઇને ફરી ડ્રાય રન યોજાશે. આ અગાઉ જે વિસ્તારમાં ડ્રાય રન ન થયો હોય ત્યાં આયોજન થશે.
ઉલ્લેખનીય છે કે આ અગાઉ કેટલાક વિસ્તારોમાં ડ્રાય રન દરમિયાન કેટલીક અડચણો સામે આવી હતી. જેમાં પીન કોડ, ડેટા અપલોડ, મેસેજ મોકલવાની સમસ્યાઓ સર્જાઇ હતી. આમ તમામ સુધારાઓ સાથે ફરી ડ્રાય રન યોજાશે.
ગાંધીનગર જિલ્લામાં વેક્સિનેશન માટે 1500 સાઇટ તૈયાર
ગાંધીનગર જિલ્લામાં વેક્સિનેશન માટે 1500 સાઇટ તૈયાર કરવામાં આવી છે. વેક્સિનેશન કામગીરીમાં 8 હજાર કર્મચારીઓ સ્ટેન્ડ બાય રાખવામાં આવ્યાં છે. આરોગ્ય કર્મી, શિક્ષક, OCDCના કર્મચારીઓને સ્ટેન્ડ બાય રાખવામાં આવશે. મનપા વિસ્તારમાં અર્બન હેલ્થ સેન્ટરમાં વેક્સિનેશન માટે સેન્ટર તૈયાર કરવામાં આ્યાં છે. ગ્રામ્યમાં 30 PHC, 9CHC, 172 સબ સેન્ટર પર વેક્સિનેશનનું આયોજન કરાયું છે.
વડોદરામાં આજે વેક્સિનેશન માટે ડ્રાય રન
વડોદરામાં વેક્સિનેશન માટે ડ્રાય રનનું આયોજન કરાયું છે. શહેરના 100 હેલ્થ વર્કરને ડ્રાય રનમાં રસી અપાશે. રસીકરણ પહેલા વ્યવસ્થામાં સંભવિત ખામીઓ શોધવા ડ્રાય રનનું આયોજન કરાયું છે. રસી આપ્યા બાદ અડધો કલાક ઓબ્ઝર્વેશનમાં રખાશે.
રાજકોટમાં કોરોનાના વેક્સિનેશન માટે ડ્રાય રન
રાજકોટમાં કોરોનાના વેક્સિનેશન માટે ડ્રાય રનનું આયોજન કરાયું છે. વેક્સિનેશન માટે 174 ટીમ તૈયાર કરાઇ છે. એક ટીમ દૈનિક 100 લોકોને રસી આપશે. જેમાં પ્રથમ તબક્કામાં હેલ્થ વર્કસને રસી અપાશે, બીજા તબક્કામાં 50થી વધુ વયના લોકોને રસી અપાશે.