ગુજરાતમાં કોરોના વાયરસ મહામારીનો કહેર જોવા મળી રહ્યો છે. રાજ્યમાં કોરોના પોઝિટિવ કેસોની સંખ્યામાં સતત વધારો થઇ રહ્યો છે. ત્યારે હવે રાજ્યમાં કોરોનાની ઝપેટમાં કોરોના વૉરિયર્સ પણ આવી રહ્યાં છે. રાજકોટમાં સિવિલ હોસ્પિટલના સુપ્રિટેન્ડેન્ટ બાદ હવે ડેન્ટલ વિભાગના અધ્યક્ષ પણ કોરોના પોઝિટિવ જોવા મળ્યાં છે. ત્યારે હવે સિવિલના શંકાસ્પદ ડૉકટરો અને કર્મચારીનો ટેસ્ટ કરવામાં આવશે.
રાજકોટમાં તબીબો પણ કોરોનાની ઝપેટમાં
સિવિલ હોસ્પિટલ સુપરિટેન્ડન્ટ બાદ ડેન્ટલ વડાને કોરોના
ડેન્ટલ વિભાગના વડા જાગૃતિબેન મહેતા કોરોના પોઝિટિવ
રાજકોટમાં તબીબો પણ કોરોનાની ઝપેટમાં આવી રહ્યાં છે. રાજકોટ સિવિલ હોસ્પિટલ સુપરિટેન્ડન્ટ બાદ ડેન્ટલ વડાને કોરોના સંક્રમિત થયા છે. ડેન્ટલ વિભાગના વડા જાગૃતિબેન મહેતાને કોરોના પોઝિટિવ આવ્યો છે.
સિવિલના બે ડોક્ટરને કોરોના થતાં સિવિલના શંકાસ્પદ ડોક્ટરો-કર્મચારીઓનો ટેસ્ટ કરાવાનો નિર્ણય લેવાયો છે. ડેન્ટલ વિભાગના વડાનો કોરોના રિપોર્ટ પોઝિટિવ આવતા ડેન્ટલ વિભાગને સેનેટાઇઝ કરવાની પ્રક્રિયા હાથ ધરાઇ છે. ગઇકાલે સુપરિટેન્ડન્ટનો રિપોર્ટ પોઝિટિવ આવ્યો હતો.
રાજકોટ શહેરમાં કોરોનાના પોઝિટિવ કેસોની સંખ્યામાં સતત વધારો થઇ રહ્યો છે. ત્યારે ગઇકાલે સિવિલ હોસ્પિટલના સુપ્રિટેન્ડેન્ટ ડૉ. મનીષ મહેતાનો રિપોર્ટ પોઝિટિવ આવ્યો હતો. ત્યારે સિવિલ સુપ્રિટેન્ડેન્ટે થોડા દિવસ પૂર્વે જ રાજ્યના આરોગ્ય સચિવ જયંતિ રવિ સાથે બેઠક કરી હતી.