કોરોનાનો કહેર / ગુજરાતમાં પોઝિટિવ કેસની વધતી સંખ્યા સામે રિકવરી રેટમાં જોવા મળ્યો ચોંકાવનારો તફાવત

• રાજ્યમાં કોરોના સંક્રમણ બન્યુ ચિંતાજનક 
• પોઝિટિવ કેસ અને રિકવર સંખ્યામાં તફાવત વધ્યો
• એક્ટિવ કેસની સંખ્યામાં થઇ રહ્યો છે વધારો 

ગુજરાતમાં હાલ કોરોનાનું સંક્રમણ ચિંતાજનક હદ સુધી વધી રહેલું જોવા મળી રહ્યું છે. ત્યારે રાજ્યમાં પોઝિટિવ કેસની સંખ્યા સામે રિકવર દર્દીની સંખ્યા ઘટી રહી છે. તો બીજી તરફ એક્ટિવ કેસોની સંખ્યામાં સતત ચિંતાજનક સ્થિતિએ વધારો જોવા મળી રહ્યો છે. 
 

છેલ્લા પાંચ દિવસના આંકડાઓ

રાજ્યના છેલ્લા પાંચ દિવસના આંકડાઓ પર નજર નાંખીએ તો 7547 પોઝિટિવ કેસ નોંધાયા છે જેની સામે 6241 દર્દીઓ રિકવર થયા. જો કે રાજ્યમાં કુલ 2,01,949 કોરોના પોઝિટિવ કેસ હાલમાં છે ત્યારે 14,287 એક્ટિવ કેસ નોંધાયા છે. 

• 25 નવેમ્બરે 1540 કેસ નોંધાયા, 1283 ડિસ્ચાર્જ કરાયાં
• 24 નવેમ્બરે 1510 કેસ નોંધાયા, 1286 ડિસ્ચાર્જ કરાયાં
• 23 નવેમ્બરે 1487 કેસ નોધાયા, 1234 ડિસ્ચાર્જ કરાયાં
• 22 નવેમ્બરે 1495 કેસ નોંધાયા, 1167 ડિસ્ચાર્જ કરાયાં
• 21 નવેમ્બરે 1515 કેસ નોંધાયા, 1271 ડિસ્ચાર્જ કરાયાં 

ગુજરાતમાં આજે સૌથી વધુ 1540 કોરોનાના નવા કેસ નોંધાયા 

દિવાળીના તહેવારો બાદ ગુજરાતમાં કોરોનાના કેસમાં મોટા પાયે ઉછાળો જોવા મળી રહ્યો છે. ખાસ કરીને સ્થિતિ પશ્ચિમ વિસ્તારમાં વધુ વણસી છે કારણ કે, શહેરના મોટાભાગના કેસ અહીં નોંધાયા છે. ત્યારે  આજરોજ રાજ્ય સરકારના આરોગ્ય વિભાગ દ્વારા જાહેર કરવામાં આવેલ કોરોનાના આંકડા પ્રમાણે છેલ્લા 24 કલાક દરમિયાન રાજ્યમાં 1540 કેસ નોંધાયા છે.

14 લોકોના સારવાર દરમિયાન થયાં મોત 

નોંધનીય છે કે, કોરોના વાયરસના નવા કેસની સામે આજે 1283 દર્દીઓ સાજા થતા કુલ સાજા થયેલા દર્દીઓનો આંકડો 2,01,949 પર પહોંચ્યો છે. આજે 14 દર્દીઓના કોરોનાને કારણે મોત થતાં કુલ મૃત્યુઆંક 3906 પર પહોંચ્યો છે. 

રાજ્યમાં હાલમાં 14287 એક્ટિવ કેસ

ઉલ્લેખનીય છે કે, રાજ્યમાં હાલમાં 14287 એક્ટિવ કેસ છે. રાજ્યમાં રિકવરી રેટ  99.99 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 91,469 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 7,480,789 પર પહોંચ્યો છે. 

અમદાવાદ જિલ્લામાં 349 કેસ આવતા ચિંતા વધી 

આજે અમદાવાદ શહેરમાં 326, અમદાવાદ જિલ્લામાં 23, સુરત શહેરમાં 221, સુરત જિલ્લામાં 56, વડોદરા શહેરમાં 128, વડોદરા જિલ્લામાં 41 , રાજકોટ શહેરમાં 69, રાજકોટ જિલ્લામાં 58,ગાંધીનગર શહેરમાં 42, ગાંધીનગર જિલ્લામાં 39 કોરોનાના કેસ નોંધાયા છે.