સંક્રમણ / ગુજરાતમાં કોરોનાએ ફરી માથું ઉચક્યું, 1 દર્દીનું મોત, જાણો કયા જિલ્લામાં કેટલા કેસ

• ગુજરાતમાં ફરી કોરોનાએ માથુ ઉચક્યુ 
• આજે રાજ્યમાં કોરોનાના વધુ 45 કેસ નોંધાયા, 1નું મોત
• રાજ્યમાં આજે કોરોનાને માત આપીને 26 દર્દી ડિસ્ચાર્જ

ગુજરાતમાં ધીરે ધીરે કોરોનાના કેસમાં નજીવો વધારો જોવા મળી રહ્યો છે. રાજ્યમાં આજે કોરોનાના 45 કેસ નોંધાયા છે, તો 26 દર્દી સાજા થતા તેમને ડિસ્ચાર્જ કરવામાં આવ્યા છે. આમ રાજ્યમાં કોરોનાના એક્ટિવ કેસની સંખ્યા 293 થઈ છે. તો કોરોનાગ્રસ્ત 8 દર્દી વેન્ટિલેટર પર સારવાર હેઠળ છે. 
આજે કોરોનાથી એક દર્દીનું મોત

જ્યારે આજે આણંદમાં કોરોનાને કારણે વધુ એક દર્દીનું મૃત્યુ થયું છે. આમ રાજ્યભરમાં અત્યાર સુધી 10093 મૃત્યુ થઈ ચૂક્યા છે. અત્યાર સુધી રાજ્યમાં 817134 દર્દીઓ ડિસ્ચાર્જ થયા છે. ગુજરાતમાં કોરોનાથી સાજા થવાનો દર 98.74 ટકા છે.

કયા જિલ્લામાં કેટલા કેસ?

અમદાવાદ શહેરમાં આજે કોરોનાના વધુ 11 કેસ, ભરૂચમાં 7 કેસ, વડોદરામાં 5 કેસ, ગાંધીનગરમાં 4 કેસ, સુરતમાં 4 કેસ, કચ્છમાં 3 કેસ, નવસારીમાં 2 કેસ, રાજકોટમાં 2 કેસ, વલસાડમાં 2 કેસ, આણંદમાં એક કેસ, ભાવનગરમાં 2 કેસ, જામનગર અને ખેડામાં એક-એક કેસ નોંધાયા છે. તો રાજ્યભરમાં આજે 4.26 લાખ નાગરિકોનું રસીકરણ થયુ છે. અત્યાર સુધી રાજ્યમાં રસીના 8.14 કરોડથી વધુ ડોઝ અપાયા છે.

ગુજરાતના તમામ આંતરરાષ્ટ્રીય એરપોર્ટ પર આવતા યાત્રી માટે કેન્દ્રએ ઘડ્યા નિયમો

આંતરરાષ્ટ્રીય એરપોર્ટ પરના મુસાફરો માટે નવી માર્ગદર્શિકા જાહેર કરાઈ છે. ગુજરાતમાં આંતરરાષ્ટ્રીય મુસાફરો માટે કેન્દ્રએ નિયમો બનાવ્યા છે. મુસાફરોનું આરોગ્યકર્મીની હાજરીમાં થર્મલ સ્ક્રિનિંગ ફરજિયાત કરવા આદેશ કરાયો છે. કોરોનાના શંકાસ્પદ લક્ષણો હશો તો મુસાફરોને આઈસોલેટ કરવામાં આવશે. આઈસોલેશન માટે જિલ્લા આરોગ્ય વિભાગને જવાબદારી આપી છે. મુસાફરો આઈસોલેશન માટે ખાનગી સુવિધાઓ મેળવી શકશે. મુસાફર કોરોનાગ્રસ્ત હશે તો નિયમ અનુસાર નોંધણી કરવા સુચન કરાયું છે. કોરોના સંદર્ભે જોખમી 12 દેશોની યાદી જાહેર કરાઈ છે. જેમાં યુરોપિયન દેશો, સાઉથ આફ્રિકા, બ્રાજિલ, બાંગ્લાદેશનો સમાવેશ કરાયો છે. આ ઉપરાંત તમામ બહારથી આવતા મુસાફરોનો રિપોર્ટ કરવાનો રહેશે.

ભારતમાં કોરોનાના દૈનિક કેસમાં ઘટાડો

• એક દિવસમાં દેશમાં કોરોનાના નવા કેસ 6 હજાર 990
• એક દિવસમાં દેશમાં કોરોનાથી 10 હજાર 116 દર્દી સ્વસ્થ
• ભારતમાં કોરોનાથી એક દિવસનો મૃત્યુઆંક પણ ઘટ્યો
• એક દિવસમાં દેશમાં કોરોનાથી 190ના મૃત્યુ
• ભારતમાં કોરોનાના એક્ટીવ કેસ 1 લાખ 543
• ભારતમાં કોરોનાના કુલ કેસ 3 કરોડ 45 લાખ 87 હજાર 822
• દેશમાં કોરોનાથી સ્વસ્થ દર્દીની કુલ સંખ્યા 3 કરોડ 40 લાખ 18 હજાર 299
• દેશમાં કોરોનાથી કુલ મૃત્યુઆંક 4 લાખ 68 હજાર 980

વિશ્વમાં કોરોનાના દૈનિક કેસમાં વધારો

• એક દિવસમાં વિશ્વમાં કોરોનાના નવા કેસ 5 લાખ 76 હજાર 802
• એક દિવસમાં વિશ્વમાં કોરોનાથી 4 લાખ 84 હજાર 603 દર્દી સ્વસ્થ
• વિશ્વમાં એક દિવસમાં કોરોનાથી 7 હજાર 535ના મૃત્યુ
• વૈશ્વિક સ્તરે કોરોનાના એક્ટીવ કેસ 2 કરોડ 29 લાખ 80 હજાર 13
• વૈશ્વિક સ્તરે કોરોનાના કુલ કેસ 26 કરોડ 30 લાખ 11 હજાર 761
• વિશ્વમાં કોરોનાથી સ્વસ્થ દર્દીની કુલ સંખ્યા 23 કરોડ 74 લાખ 81 હજાર 210
• વિશ્વમાં કોરોનાથી કુલ મૃત્યુઆંક 52 લાખ 32 હજાર 538