અમદાવાદમાં સતત કોરોના કેસમાં વધારો થઈ રહ્યો છે ત્યારે હોસ્પિટલમાં દાખલ થનારા દર્દીઓની સંખ્યામાં પણ અચાનક ઉછાળો જોવા મળ્યો છે. હાલ શહેરમાં એક્ટિવ કેસનો આંકડો 43 હજારને પાર થઈ ગયો છે.. એવામાં શહેરની અલગ અલગ હોસ્પિટલમાં દાખલ થનાર દર્દીની સંખ્યા 550એ પહોંચી ગઈ છે.જેમાંથી 50 દર્દીઓ ICUમાં સારવાર હેઠળ છે.550 દર્દીમાંથી 100 જેટલા કોરોના દર્દી છેલ્લા 2 દિવસમાં હોસ્પિટલમાં દાખલ થયાનુ સામે આવ્યુ છે.
અમદાવાદમાં સતત વધતો કોરોના ગ્રાફ
શહેર
કોરોના કેસ
શહેર
કોરોના કેસ
06 જાન્યુઆરી
1835
14 જાન્યુઆરી
3090
07 જાન્યુઆરી
2281
15 જાન્યુઆરી
2621
08 જાન્યુઆરી
2521
16 જાન્યુઆરી
3264
09 જાન્યુઆરી
2487
17 જાન્યુઆરી
4340
10 જાન્યુઆરી
1893
18 જાન્યુઆરી
5998
11 જાન્યુઆરી
2861
19 જાન્યુઆરી
8391
12 જાન્યુઆરી
3843
20 જાન્યુઆરી
9957
13 જાન્યુઆરી
3673
21 જાન્યુઆરી
8804
છેલ્લા 16 દિવસના કેસોની વાત કરીએ તો 06 જાન્યુઆરી અમદાવાદમાં માત્ર 1835 કેસ સામે આવ્યા હતા જે બાદ સંક્રમણ સાથે ટેસ્ટિંગ પણ વધતા 20 જાન્યુઆરી એક સમય એવો આવી ગયો હતો કે અમદાવાદમાં જ કોરોના કેસોની સંખ્યા 10 હજાર નજીક પહોંચી ગઈ હતી. ગઈ કાલે શુક્રવારે 8804 કેસ સામે આવતા થોડી રાહત થઈ છે.
અમદાવાદમાં કઈ તારીખે કેટલા દર્દી થયા દાખલ?
પણ હવે ચિંતાનો વિષય એ છે કે હોસ્પિટલમાં એડમિટ થતાં દર્દીઓની સંખ્યા વધી રહી છે. 18 જાન્યુઆરીએ કોરોનાના 31 દર્દી દાખલ થયા. જે સાથે 260 દર્દી ખાનગી હોસ્પિટલમાં સારવાર હેઠળ દાખલ હતા. 19 જાન્યુઆરીએ ખાનગી હોસ્પિટલમા 7 દર્દી વેન્ટિલેટર પર હતા. જ્યારે 20 જાન્યુઆરીએ 16 દર્દીને વેન્ટિલેટર પર રખાયા હતા. શહેરની તમામ હોસ્પિટલમાં કુલ 450 દર્દી સારવાર હેઠળ દાખલ હતા જે બાદ 21 અને 22 જાન્યુઆરીએ અન્ય 100 દર્દીઑને કોરોનાની વધુ અસર થતાં હોસ્પિટલમાં દાખલ થવાનો વારો આવ્યો છે. ધીમે ધીમે હોસ્પિટલના ખાટલા ભરાઇ રહ્યા હોવાથી ફરી બીજી લહેરની સ્થિતિ આંખ સામે તરી રહી છે. આ તો ફક્ત અમદાવાદના આંકડા છે સમગ્ર ગુજરાતમાં પણ કેસો વધવાની સાથે સાથે હોસ્પિટલાઈઝેસન પણ વધી રહ્યું છે જે ચિંતાનો વિષય છે.
ટેસ્ટિંગ ડોમ પર લોકોની લાંબી કતારો
કોરોના હવે ઘર-ઘર સુધી પહોંચી ગયો છે.કારણ કે, દરેક ઘરમાં શરદી-ઉધરસ અને તાવના લક્ષણો લોકોમાં જોવા મળી રહ્યા છે.તેમાં પણ અમદાવાદની વાત કરવામાં આવે તો અહીં હવે કોરોના રોજ નવા-નવા રેકોર્ડ બનાવી રહ્યો છે.કારણ કે, સૌથી વધું સંક્રમણ અમદાવાદમાં ફેલાયું છે.પરંતુ આ ત્રીજી લહેર નવાઈની વાત એ છે કે, પૂર્વ વિસ્તાર કરતા સૌથી વધું કોરોનાનું સંક્રમણ પશ્ચિમ અને અન્ય વિસ્તારોમાં જોવા મળી રહ્યું છે.ટેસ્ટિંગ ડોમ પર લોકોની લાંબી કતારો જોવા મળી રહી છે અનેક ટેસ્ટિંગ બુથમાં કોરોના કીટ પણ ખૂટી પડી હોય તેવી પણ ઘટનાઑ બની છે.