રાજ્યમાં છેલ્લા 24 કલાકમાં 572 નવા કોરોના કેસ અને 498 દર્દી સાજા થયા, 3595 એક્ટિવ કેસ
ગુજરાતમાં કોરોના કેસ વધ્યા
છેલ્લા 24 કલાકમાં 572 લોકો કોરોનાની ઝપેટમાં
ગુજરાતમાં ગઈકાલ કરતાં કોરોના કેસમાં મોટો ઉછાળો આવ્યો છે. 2 3 દિવસથી શાંત પડેલા કોરોનાએ ફરી ઊથલો માર્યો છે. ત્યારે આજે નવા કોરોનાના વધુ 572 કેસ પોઝિટિવ આવ્યા છે. જેની સામે 498 દર્દીઓ સાજા થઈ હેમખેમ ઘરે પરત ફર્યા છે. કેસમાં વધારો આવતા એક્ટિવ કેસની સંખ્યા પણ 3595 પહોચી ગઈ છે. કોરોનાથી ગંભીર અસરગ્રસ્ત 1 દર્દીની વેન્ટિલેટર પર સારવાર ચાલી રહી છે. રાહતની વાત એ છે કે આજે કોરોનાને લીધે કોઈ પણ દર્દીએ જીવ ગુમાવ્યો નથી. મહત્વનું છે કે ગઈકાલે સોમવારે કોરોનાના 419 કેસ પોઝિટિવ આવ્યા હતા.
15 દિવસમાં 6257 કેસ નોંધાયા
ચિંતાની વાત એ છે કે 20 જુનથી 4 જુલાઇ સુધીમાં 6257 કેસ કોરોનાના ગુજરાતમાં નોંધાયા છે જ્યારે જ્યારે છેલ્લા 7 દિવસની સરખામણીએ એવરેજ 520 કેસ રાજ્યમાં બહાર આવી રહ્યા છે.
સાજા થવાનો દર 98.82 ટકા
અત્યાર સુધી રાજ્યમાં કોરોનાના કુલ 10948 મૃત્યુ થયા છે, ગુજરાતભરમાં આજે કુલ 67,825 નાગરિકોનું રસીકરણ સાથે રાજ્યમાં રસીના કુલ 11.16 કરોડથી વધુ ડોઝ અપાઈ ચૂક્યા છે. ગુજરાતમાં કોરોના સામે સાજા થવાનો દર 98.82 ટકા પહોચ્યો છે.