સંક્રમણ / ગુજરાતમાં કોરોનાના કેસ કરતા સાજા થવાની સંખ્યા વધુ, એક દર્દીનું મોત, 3512 એક્વિટ કેસ, જાણો આજની કોવિડ અપડેટ

• ગુજરાતમાં કોરોનાના કેસ ધીમી ગતિએ આગળ વધ્યા
• છેલ્લા 24 કલાકમાં રાજ્યમાં કોરોનાના 419 કેસ નોંધાયા

ગુજરાતમાં ધીમે ધીમે કોરોના દેખાડો કરી રહ્યો છે. ત્યારે આજે નવા  કોરોનાના વધુ 419 કેસ પોઝિટિવ આવ્યા છે. જેની સામે 454 દર્દીઓ સાજા થઈ હેમખેમ ઘરે પરત ફર્યા છે. કેસમાં વધારો આવતા એક્ટિવ કેસની સંખ્યા પણ  3511 પહોચી ગઈ છે. કોરોનાથી ગંભીર અસરગ્રસ્ત 1 દર્દીની વેન્ટિલેટર પર સારવાર ચાલી રહી છે. આજે કોરોનાને લીધે 1 દર્દીનું મૃત્યુ થયું છે.  છેલ્લા 3 મહિનામાં 10 એપ્રિલના રોજ 1, 7 મેના રોજ 1, 10 મેના રોજ 1 દર્દીનું મોત થયું હતું જે બાદ આજે મહેસાણા જિલ્લાના દર્દીનું મોત થયું છે.

જો જિલ્લા પ્રમાણે કોરોના કેસની વાત કરીએ તો અમદાવાદમાં ગત દિવસોની સરખામણીએ કોરોના કેસની સંખ્યામાં મોટો ઘટાડો આવ્યો છે. પણ ગુજરાતમાં સૌથી વધુ કે આજે અમદાવાદમાં 155 જેટલા નોંધાય છે. તે ઉપરાંત સુરતમાં 96, વડોદરામાં 40 કેસ, મહેસાણામાં 19 કેસ, ભાવનગર 17 કેસ, મોરબી 12 વલસાડ 11 ગાંધીનગર 17 કેસ નોધાયા, રાજકોટ 12 ભરૂચ 7 કચ્છ 7 નવસારી 7 જામનગર 6, સુરેન્દ્ગનગર 3 આણંદ 2 પાટણ 2 પોરબંદર 2 કેસ, સાબરકાંઠા 1 ભાવનગર 1 કેસ દાહોદ 1 કેસ, તાપી 01 કેસ બહાર આવ્યો છે.

14 દિવસમાં 6055 કેસ નોંધાયા
ચિંતાની વાત એ છે કે 20 જુનથી 3 જુલાઇ સુધીમાં 6055 કેસ કોરોનાના ગુજરાતમાં નોંધાયા છે જ્યારે જ્યારે છેલ્લા 7 દિવસની સરખામણીએ એવરેજ 510 કેસ રાજ્યમાં બહાર આવી રહ્યા છે.

સાજા થવાનો દર 98.83 ટકા
અત્યાર સુધી રાજ્યમાં કોરોનાના કુલ 10948 મૃત્યુ થયા છે, ગુજરાતભરમાં આજે કુલ 43,981 નાગરિકોનું રસીકરણ સાથે  રાજ્યમાં રસીના કુલ 11.15 કરોડથી વધુ ડોઝ અપાઈ ચૂક્યા છે. ગુજરાતમાં કોરોના સામે સાજા થવાનો દર 98.83 ટકા પહોચ્યો છે.