માસ્ક પહેરો / ગુજરાતમાં કોરોનાની ગૂગલી યથાવત, ગઈકાલ કરતાં સંક્રમણ ઘટ્યું  પણ એક્ટિવ કેસની તેજ ગતિ, અમદાવાદમાં ડબલ સેન્ચ્યુરી

• રાજ્યમાં કોરોનાના કેસોમાં સતત વધારો
• 24 કલાકમાં રાજ્યમાં કોરોનાના 456 કેસ

ગુજરાતમાં ધીમે ધીમે કોરોના ફરી પાછો વળી રહ્યો છે. આજે નવા  કોરોનાના વધુ 456 કેસ નોંધાતા હડકંપ મચ્યો છે. 386  દર્દીઓ સાજા થઈ હેમખેમ ઘરે પરત ફર્યા છે. કેસમાં વધારો આવતા એક્ટિવ કેસની સંખ્યા પણ  3548 પહોચી ગઈ છે. કોરોનાથી ગંભીર અસરગ્રસ્ત 3દર્દીઓની વેન્ટિલેટર પર સારવાર ચાલી રહી છે. રાહતની વાત એ છે કે આજે કોરોનાને લીધે કોઈ દર્દીનું મૃત્યુ થયું નથી.

શહેરોમાં કોરોના કેસ વધ્યા
જો જિલ્લા પ્રમાણે કોરોના કેસની વાત કરીએ તો અમદાવાદમાં 203 કેસ, સુરતમાં 97 કેસ, વડોદરામાં 41, મહેસાણામાં 13, વલસાડમાં 12 કેસ, ગાંધીનગરમાં 14, કચ્છમાં 13, નવસારીમાં 13 કેસ, ભાવનગરમાં 15, જામનગરમાં 1, પાટણમાં 5 કેસ, મોરબીમાં 2, રાજકોટમાં 2, આણંદમાં 4 કેસ, સુરેન્દ્રનગરમાં 2, અમરેલીમાં 1, ભરૂચમાં 4 કેસ, અરવલ્લીમાં 2, પોરબંદરમાં 3, ગીર સોમનાથમાં 1 કેસ બહાર આવ્યો છે.

13 દિવસમાં 5843 કેસ નોંધાયા
ચિંતાની વાત એ છે કે 19 જુનથી 2 જુલાઇ સુધીમાં 5843 કેસ કોરોનાના ગુજરાતમાં નોંધાયા છે જ્યારે જ્યારે છેલ્લા 7 દિવસની સરખામણીએ એવરેજ 505  કેસ રાજ્યમાં બહાર આવી રહ્યા છે.

સાજા થવાનો દર 98.83 ટકા
અત્યાર સુધી રાજ્યમાં કોરોનાના કુલ 10947 મૃત્યુ થયા છે, ગુજરાતભરમાં આજે કુલ 12,372 નાગરિકોનું રસીકરણ સાથે  રાજ્યમાં રસીના કુલ 11.15 કરોડથી વધુ ડોઝ અપાઈ ચૂક્યા છે. ગુજરાતમાં કોરોના સામે સાજા થવાનો દર 98.83 ટકા પહોચ્યો છે.