છેલ્લા 24 કલાકમાં 416 લોકો કોરોના પોઝિટિવ, અમદાવાદમાં સૌથી વધુ 182 કેસ, એક્ટિવ કેસની સંખ્યા 1927, 230 લોકો ડિસ્ચાર્જ તો 4 વેન્ટિલેટર પર
ગુજરાતમાં કોરોના વિસ્ફોટ
છેલ્લા 24 કલાકમાં 416 નવા કેસ
ગુજરાતમાં છેલ્લા 24 કલાકમાં કોરોનાના ચોંકાવનારા આંકડા સામે આવ્યા છે. આજે નવા કોરોનાના વધુ 416 કેસ નોંધાતા હડકંપ મચ્યો છે. 230 દર્દીઓ સાજા થઈ હેમખેમ ઘરે પરત ફર્યા છે. કેસમાં વધારો આવતા એક્ટિવ કેસની સંખ્યા પણ 1927 પહોચી ગઈ છે. કોરોનાથી ગંભીર અસરગ્રસ્ત 4 દર્દીઓની વેન્ટિલેટર પર સારવાર ચાલી રહી છે. આપને જણાવી દઈએ કે મંગળવારે રાજ્યમાં 226 કેસ નોંધાયા હતા જે બાદ બુધવારે 407 કેસ અને આજે ગરૂવારે વધી આંકડો 416 પહોંચતા ચોથી લહેરના ભણકારા વાગી રહ્યા છે. રાહતની વાત એ છે કે આજે કોરોનાને લીધે કોઈ દર્દીનું મૃત્યુ થયું નથી.