ગુજરાતમાં આજે ગઇકાલ કરતા કોરોનાના કેસમાં સામાન્ય ઘટાડો થયો છે. 24 કલાકમાં નવા 580 કોરોના કેસ નોંધાયા છે.
ગુજરાતમાં 580 નવા કોરોના કેસ
અમદાવાદમાં સૌથી વધુ સંક્રમણ
રાજ્યમાં 98.83 રિકવરી રેટ
ગુજરાતમાં કોરોનાના કેસ વધવાની ગતિ ધીમી છે પરંતુ અઠવાડિયામાં જ 100 જેટલા કોરોનાના કેસનો વધારો થઇ રહ્યો છે. આજરોજ નવા કોરોનાના કેસ 580 નોંધાયા છે. જ્યારે 391 દર્દીઓ સાજા થઇ ચૂક્યા છે. ત્યારે હાલ 3478 એક્ટિવ કેસ છે, જેમાંથી 3 દર્દી વેન્ટીલેટર પર છે અને બાકીના તમામ સ્ટેબલ છે. સારી વાત એ છે કે કોરોનાથી એકપણ દર્દીનું મૃત્યુ થયું નથી. 98.83 રિકવરી રેટ થયો છે.
દર વખતની જેમ આ વખતે પણ રાજ્યમાં સૌથી વધુ કોરોનાના કેસ અમદાવાદમાં નોંધાઈ રહ્યા છે, તો બીજા નંબરે સુરત અને વડોદરા છે. આજે અમદાવાદ શહેરમાં 229 અને ગ્રામ્યમાં 7 કેસ નોંધાયા છે. તો સુરત શહેરમાં 87 અને ગ્રામ્યમાં 19, વડોદરા શહેરમાં 33 અને ગ્રામ્યમાં 3 કેસ નોંધાયા છે. મહેસાણામાં 29, વલસાડમાં 23, ગાંધીનગર શહેરમાં 20, કચ્છમાં 19, નવસારીમાં 19, સુરતમાં 19, ભાવનગર શહેરમાં 11, ગાંધીનગરમાં 11, જામનગર શહેરમાં 11, પાટણમાં 8, મોરબીમાં 7, રાજકોટ શહેરમાં 7, બનાસકાંઠામાં 6, સાબરકાંઠામાં 6, આણંદમાં 4, ખેડામાં 4, સુરેન્દ્રનગરમાં 4, અમરેલીમાં 3, ભરૂચમાં 3, વડોદરામાં 3, અરવલ્લીમાં 2, પોરબંદરમાં 2, ભાવનગરમાં 1, ગીર સોમનાથમાં 1 અને રાજકોટ ગ્રામ્યમાં 1 કેસ નોંધાયો છે.
જ્યારે આજે બોટાદ, છોટા ઉદેપુર, દાહોદ, ડાંગ, દેવભૂમિ દ્વારકા, જામનગર ગ્રામ્ય, જૂનાગઢ શહેર અને ગ્રામ્ય, મહીસાગર, નર્મદા, પંચમહાલ અને તાપીમાં એક પણ કોરોનાનો કેસ નોંધાયો નથી.