એશિયાના સૌથી મોટા મિલ્ક માર્કેટિંગ ફેડરેશનની ચૂંટણી છે. ચેરમેન અને વાઈસ ચેરમેનની ખુરશી માટે મતદાન યોજાવાનું છે. વર્તમાન ચેરમેન રામસિંહ પરમાર અને શંકર ચૌધરી વચ્ચે ચેરમેનના પદ માટે કાંટે કી ટક્કર છે. હાલ GCMMFL ( ગુજરાત કો-ઓપરટિવ મિલ્ક માર્કેટિંગ ફેડરેશન લિમિટેડ )ના વાઈસ ચેરમેન જેઠા ભરવાડ છે. બન્ને ટર્મ પૂર્ણ થતાં ચૂંટણી યોજાઈ રહી છે. ત્યારે GCMMFLમાં કોણ બનશે ચેરમેન અને વાઈસ ચેરમેન તેના પર સૌની નજર છે
ચેરમેન અને વાઈસ ચેરમેનના પદ માટે ટક્કર
રામસિંહ પરમાર અને શંકર ચૌધરી વચ્ચે ટક્કર
હાલ GCMMFLના ચેરમેન છે રામસિંહ પરમાર
ગત ટર્મ માં આવેલ ચૂંટણી દરમિયાન ગાંધીનગર ખાતે ભુપેન્દ્રસિંહ ચુડાસમા ના અઘ્યક્ષ સ્થાને ડેરી સંઘો ના ચેરમેનોની મિટિંગમાં પૂર્વ આરોગ્ય મંત્રી શંકરભાઇ ચૌધરીનું નામ નક્કી કરી દેવામાં આવ્યું હતું. જોકે દિલ્હી હાઇકમાન્ડ દ્વારા છેલ્લી ઘડીએ કોંગ્રેસ માંથી નવાનવા આવેલ અને અમુલ ડેરીનો છેલ્લા 35 વર્ષથી સફળ વહીવટ કરનાર રામસિંહ પરમારને ચેરમેન બનાવ્યા હતા જયારે રિસાયેલા શહેરા ના ધારાસભ્ય અને પંચામૃત ડેરી ના ચેરમેન જેઠાભાઇ ભરવાડને વાઇસ ચેરમેન બનાવ્યા હતા જે બંને દ્વારા સફળ વહીવટ ને લઈ પુનઃ રામસિંહ પરમાર અને જેઠાભાઇ ભરવાડ ને રિપીટ કરવામાં આવશે.
ગઈકાલે ચૂંટણીના 48 કલાક પહેલા જ પૂર્વ આરોગ્ય મંત્રી અને બનાસ ડેરીના ચેરમેન શંકરભાઇ ચૌધરી ફેડરેશનની રેશ માંથી હટી ગયા હતા. જેથી રામસિંહ પરમારનો રસ્તો સાફ થઈ ગયો છે. ફેડરેશનની મોટાભાગના દૂધ સંઘના ચેરમેન ભાજપના જ હોઈ વહીપ્ આપી ચેરમેન નક્કી કરવામાં આવે તો બીજી તરફ તત્કાલીન મુખ્યમંત્રી અને હાલના વડાપ્રધાન નરેન્દ્ર મોદી અને અમિત શાહ ખુદ અમુલની ચૂંટણીમાં રામસિંહ પરમારને હરાવવા મેદાને ઉતર્યા હતા.
2017ની વિધાનસભા ચૂંટણીમાં રામસિંહ પરમાર ભાજપમાં આવ્યા હતા
જોકે આમ છતાં રામસિંહ પરમાર જીત્યા હતા અને અમુલના ચેરમેન બન્યા હતા જોકે 2017ની વિધાનસભા ચૂંટણીમાં રામસિંહ પરમાર ભાજપમાં આવ્યા હતા. જોકે વિધાનસભા ચૂંટણીમાં તેઓ હારી ગયા હતા પણ મોદી રામસિંહના કુશળ વહીવટના દીવાના છે. જેથી ફેડરેશન ના ચેરમેન તરીકે રામસિંહ પરમારને આશ્ચર્યજનક રીતે બેસાડ્યા હતા. આવતીકાલની ચૂંટણીમાં રિપીટ થિયરી લગભગ નક્કી છે. માત્ર જાહેરાતની ઔપચારિકતા જ બાકી છે.
19બોર્ડ ઓફ ડિરેક્ટર અને 18 દૂધ સંઘ
1-અમુલ ડેરી -આણંદ-રામસિંહ પરમાર
2-દૂધ સાગર ડેરી-મહેસાણા -આશાબેન ઠાકોર
3-બનાસડેરી -પાલનપુર-શંકરભાઇ ચૌધરી
4-સાબરડેરી-હિંમતનગર-શામળભાઈ પટેલ
5-પંચામૃત ડેરી -ગોધરા- જેઠાભાઇ ભરવાડ
6 સુમુલ ડેરી -સુરત રાજેશભાઇ પાઠક
7 વસુંધરા ડેરી -વલસાડ -ગમનભાઈ પટેલ
8 મધુર ડેરી-ગાંધીનગર-શંકરભાઇ રાણા
9 ઉત્તમ ડેરી -અમદાવાદ મોહનભાઇ ભરવાડ
10 સુગમ ડેરી -વડોદરા -દિનેશભાઇ પટેલ
11 દૂધ ધારા ડેરી -ભરૂચ -ઘનશ્યામ પટેલ
12 ગોપાલ ડેરી -રાજકોટ-ગોવિંદભાઇ રાણપરિયા
13 સુસાગર ડેરી -સુરેન્દ્રનગર-વિહાભાઈ સભાડ
14 સર્વોત્તમ ડેરી-ભાવનગર -મહેન્દ્રભાઈ પનોત
15 અમર ડેરી -અમરેલી -અશ્વિનભાઈ સાવલિયા
16 સોરઠ ડેરી -જૂનાગઢ-રામસિંહ ભેટડીયા
17 સરહદ ડેરી -કચ્છ-વાલમજીભાઈ હૂંબલ
18 સુદામા ડેરી -પોરબંદર-સુરેશભાઇ આડેદરા
19 સ્ટેટ રજીસ્ટાર-ગાંધીનગર