મેનેજમેન્ટ / ગુજરાતમાં ચૂંટણી માટે અશોક ગેહલોતની હાજરમાં ઘડાઈ રણનીતિ, આજથી જ તાલુકા પ્રમુખોને અપાયા આદેશ

• ચૂંટણીને લઇ એક્શનમાં કોંગ્રેસ
• બુથ મેનેજમેન્ટ માટે નક્કી કરાઇ રણનીતિ
• કોંગ્રેસ બુથ મેનેજમેન્ટને કરશે મજબૂત

રાજ્યમાં ચૂંટણી માહોલ જામ્યો છે. દર વખતે રહી રહીને જાગતી કોંગ્રેસ પણ હવે પહેલાથી જ એક્શન મોડમાં આવી ગઇ છે. કોંગ્રેસના નિરીક્ષક અશોક ગેહલોત હાલ ગુજરાત પ્રવાસ ખેડી રહ્યા છે ત્યારે ચૂંટણીક્ષણી વ્યૂહરચનાને લઈ ખાસ પ્લાન તૈયાર કરવામાં આવ્યો છે. હવે કોંગ્રેસ પણ ભાજપના રસ્તે જઈ સંગઠન વધુ મજબૂત કરવા તરફ ધ્યાન આપશે. તેને લઈને બુથ મેનેજમેન્ટ માટે પ્રદેશ કોંગ્રેસે વ્યૂહરચના ઘડી છે. 'મારું બુથ મારું ગૌરવ' કેમ્પેઇન હેઠળ બુથોને મજબૂત કરવામાં આવશે. ઓગસ્ટ મહિનાના અંત સુધીમાં 52 હજાર બુથની વિગતો એકત્રિત કરાશે. તાલુકા પ્રમુખોને આજથી જ ચૂંટણી પ્રચારમાં લાગી જવા જરૂરી સૂચનાઓ આપી દેવામાં આવી છે.

ભાજપના પેજ પ્રમુખ સામે કોંગ્રેસે ગ્રામ સેવક અને જન મિત્ર બનાવ્યા
એક તરફ ગુજરાત કોંગ્રેસ ચૂંટણી પ્રચારમાં નબળી પડતી હોઈ તેવુ કોંગ્રેસના કાર્યકર્તાઓ અને નેતાઓ માની રહ્યાં છે. આમ આદમી પાર્ટીને મુખ્ય વિપક્ષની ભૂમિકામાં લોકો જોઈ રહ્યા છે.. સુસુપ્ત અવસ્થામા દેખાતી કોંગ્રેસે 125 સીટ જીતવાનો પ્લાન ધડ્યો છે. ટૂંક સમય પહેલા કોંગ્રેસની રાજસ્થાનના ઉદયપુર ખાતે મહત્વની ચિંતન શિબિર મળી હતી. ત્યારે ઉદયપુરમાં મળેલી કોંગ્રેસની ચિંતન શિબિરમાં ગયેલા ગુજરાત કોંગ્રેસના નેતાઓએ રાહુલ ગાંધી અને અન્ય નેતાઓ સાથે મળીને ગુજરાત વિધાનસભાની આવનારી ચૂંટણી અંગે પણ ચર્ચા કરી હતી. આ ચર્ચાના આધારે કોંગ્રેસનીમિશન 2022ની રણનીતિ માટેનું આયોજન કરવામાં આવ્યું છે અને સાથે ચૂંટણી પ્રચાર અંગે પણ ચર્ચા કરવામાં આવી છે.  ચિંતન શિબિરમાથી પરત ફરેલા નેતાઓએ તેમના ચૂંટણીલક્ષી આયોજન અંગે વાત કરી અને તેમનો માસ્ટર પ્લાન જણાવ્યો હતો. જેમાં ભાજપના પેજ પ્રમુખ સામે કોંગ્રેસે ગ્રામ સેવક અને જન મિત્ર બનાવ્યા છે.

આજ રોજ રાજસ્થાનના યશસ્વી મુખ્યમંત્રી શ્રી અશોક ગેહલોતજીની અધ્યક્ષતામાં વડોદરા ખાતે મધ્ય ગુજરાતના આગેવાનો સાથે સાથે મારું બુથ મારું ગૌરવ કાર્યક્રમ અંતર્ગત અગત્યની બેઠક યોજાઇ.@ashokgehlot51@jagdishthakormp @AmitChavdaINC@BharatSolankee #Mission2022 #CongressforGujarat pic.twitter.com/QKVQsHRFnR

— Gujarat Congress (@INCGujarat) August 17, 2022

કોંગ્રેસનો ચૂંટણી પ્રચારનો પ્લાન

• ગુજરાત કોંગ્રેસે વિધાનસભાની ચુંટણીને લઈને ધડી રણનીતી
• 2017ના કોંગ્રેસના તત્કાલીન પ્રભારી અને રાજસ્થાનના મુખ્યમંત્રી અશોક ગેહલોતને સોપાઈ જવાબદારી
• યુવા લીડરશિપ ને તક આપવા માટે મિલીંન્દ દેવરાને જવાબદારી સોપાઇ
• આદિવાસી વોટ બેન્ક કબ્જે કરવા આદિવાસી સત્યાગ્રહની શરૂઆત
• રાજ્યના સામાજીક સમીકરણોને આઘારે સાત કાર્યકારી પ્રમુખોની નીમણુંક
• 182 વિધાનસભા દિઠ પ્રભારીની નિમણૂક
• સાથે લોકસભા દિઠ સિનીયર ઓબોઝર્વર તરીકે કોંગ્રેસ શાસિત રાજ્યોના મંત્રી અને સિનિયર નેતાઓની નિમણૂક
• પ્રચાર પ્રસાર માટે 5 થી વધુ ખાનગી એજન્સીઓ કાર્યરત

ગુજરાત કોંગ્રેસ 2007ની પેટર્નથી જ 2022ની ચૂંટણી લડવા માંગે છે. કોંગ્રેસ શાસિત રાજ્યોના મુખ્યમંત્રી અને કેબિનેટ મંત્રીઓ પણ મીશન 2022 માટે ગુજરાતમાં પ્રચાર કરશે.  2017ની ચૂંટણીમાં રાહુલ ગાંધીએ જે પ્રમાણે ગુજરાતમાં પ્રચાર કર્યો હતો તે પ્રમાણે સોનિયા ગાંધી, પ્રિયંકા ગાંધી અને રાહુલ ગાંધી 2022માં ચૂંટણી પ્રચાર કરશે. રાષ્ટ્રીય કોંગ્રેસના મોટા નેતાઓ અને રાજ્યોના કોંગ્રેસ પ્રમુખની ફોજ પણ ગુજરાતમાં પ્રચાર તો કરશે પરંતુ તેમને જિલ્લાવાર જવાબદારી પણ સોંપવામાં આવી છે.. હાલ તો કોંગ્રેસ, ભાજપ અને આપ ત્રણેય પાર્ટી એ ગુજરાતમાં સત્તા મેળવવા એડીચોટીનું જોર લગાવી રહ્યા છે. ત્યારે કોંગ્રેસ ઉપરોક્ત આયોજન મુજબ કેટલી હદે બુથ મેનેજમેન્ટ મજબૂત કરી શકે છે તે જોવું રહ્યું