રાજીનામા / ગુજરાતના કોંગ્રેસના આ બે ધારાસભ્યોએ અડધી રાતે આપ્યા રાજીનામા, રાજ્યસભામાં ખેલ બગડશે

• કોંગ્રેસના 2 MLAએ રાજીનામા આપ્યા છે
• સોમા પટેલ અને જે. વી. કાકડિયાએ રાજીનામુ આપ્યું
• રાજસ્થાનના શિવ વિલા રિસોર્ટમાં ધારાસભ્યો રોકાયા છે

કોંગ્રેસના વધુ 3 ધારાસભ્યો રાજીનામા આપી શકે છે

સોમા પટેલ અને જે. વી. કાકડિયા હજુ પણ સંપર્ક વિહોણા છે. મોડી રાત્રે 12.30 આસપાસ રાજીનામા આપ્યા હોવાનું બહાર આવ્યું છે. લીંબડીના MLA સોમા પટેલે તેમજ ધારીના જે.વી કાકડિયાએ રાજીનામાં આપ્યા છે. ઉલ્લેખનીય છે કે  અબડાસાના MLA પ્રદ્યુમન સિંહ જાડેજા પણ સંપર્કવિહોણા છે.  કોંગ્રેસના વધુ 3 ધારાસભ્યો રાજીનામા આપી શકે છે. 

હજુ બીજા 36 ધારાસભ્યોને જયપુર લઈ જવાશે

કોંગ્રેસનું ટેન્શન વધી રહ્યું છે કેમ કે રાજ્યસભામાં ભાજપનો ત્રીજો ઉમેદવાર ઉતરશે. ગુજરાત કોંગ્રેસને પોતાના ધારાસભ્યોને તૂટવાનો ડર છે. જેથી કોંગ્રેસે તેમના 14 ધારાસભ્યોને રાજસ્થાન શિફ્ટ કર્યા છે. હજુ બીજા 36 ધારાસભ્યોને જયપુર લઈ જવાશે.

રાજસ્થાનના શિવ વિલા રિસોર્ટમાં ધારાસભ્યો રોકાયા છે

ભાજપ દ્વારા તોડફોડના ભયે કોંગ્રેસના MLAએ ગુજરાત છોડ્યું છે. 73માંથી 50 ધારાસભ્યોને રાજસ્થાન લઈ જવાશે. કોંગ્રેસના 15 થી 18 જેટલા ધારાસભ્યો ગુજરાતમાં રહેશે. ધારાસભ્યોને મોબાઈલ સાથે નહી રાખવા  સૂચના અપાય શકે છે. રાજસ્થાનના શિવ વિલા રિસોર્ટમાં ધારાસભ્યો રોકાયા છે.

અબડાસાના ધારાસભ્ય રાજસ્થાન જવા તૈયાર નથી

ધારાસભ્યોને શક્તિસિંહ-ભરતસિંહ એમ 2 અલગ ગ્રુપમાં વહેચવામાં આવ્યા છે. કોંગ્રેસનાં બીજા ગ્રુપને ઉદયપુર લઈ જવાઈ શકે છે.  કોંગ્રેસના 3 ધારાસભ્યોએ પ્રદેશ કોંગ્રેસની ઉંઘ હરામ કરી. રાજુલાના ધારાસભ્ય અમરિશ ડેરનો કોઈ સંપર્ક થયો નથી . અબડાસાના ધારાસભ્ય રાજસ્થાન જવા તૈયાર નથી 

કોણ કોણ પહોંચ્યું જયપુર?

1-અજીતસિંહ ચૌહાણ(બાલાસિનોર)
2-રાજેશ ગોહિલ(ધંધુકા)
3-રૂત્વિજ મકવાણા(ચોટીલા)
4-પુનમભાઈ પરમાર(સોજીત્રા)
5-હર્ષદ રિબડીયા(વિસાવદર)
6- બળદેવજી ઠાકોર(કલોલ)
7-ઈન્દ્રજીતસિંહ(મહુધા)
8- લાખાભાઈ ભરવાડ(વિરમગામ)
9- ચંદનજી ઠાકોર(સિદ્ધપુર)
10- નાથાભાઈ પટેલ(ધાનેરા)
11- ચિરાગ કાલરિયા(જામજોધપુર)
12- હિંમતસિંહ પટેલ(બાપુનગર)
13-ગેનીબેન ઠાકોર(વાવ)
14-કાંતિ પરમાર(ઠાસરા)

ચૂંટણી સુધી ધારાસભ્યોને જયપુર રખાશે

જયપુર લઇ જવાયેલા તમામ ધારાસભ્યો ગુજરાત રાજ્યસભાની ચૂંટણી સુધી રોકાણ કરવાના છે. ત્યારે ગુજરાત કોંગ્રેસના ધારાસભ્યોની મહેમાનગતિ માટે રાજસ્થાન કોંગ્રેસના મંત્રીઓને ખાસ જવાબદારી સોંપવામાં આવી છે. આરોગ્ય મંત્રી રઘુ શર્મા, ચીફ વ્હીપ મહેશ જોષી, મહેન્દ્ર ચૌધરી અને મંત્રી સુભાષ ગર્ગને ગુજરાતના ધારાસભ્યોની સેવા કરવાની જવાબદારી આપવામાં આવી છે. મહત્વનું છે કે, રાજ્યસભાના મતદાનના એક દિવસ પહેલા ધારાસભ્યોને ગાંધીનગર લવાશે.