હુંકાર / કોંગ્રેસના કાર્યકારી અધ્યક્ષ હાર્દિક પટેલે ગુજરાતની પેટાચૂંટણીને લઇને આપ્યું મહત્વનું નિવેદન

• કોંગ્રેસના પ્રદેશ કાર્યકારી અધ્યક્ષ બન્યા બાદ હાર્દિકનો હુંકાર
• વિધાનસભાની 8 બેઠકોની પેટાચૂંટણી જીતીશું
• 2022ની ચૂંટણીમાં રાજ્યમાં કોંગ્રેસની સરકાર બનાવીશું

કોંગ્રેસના પ્રદેશ કાર્યકારી અધ્યક્ષ બન્યા બાદ હાર્દિક પટેલે હુંકાર કર્યો છે. હાર્દિક પટેલે કહ્યું છે કે રાજ્યની આગામી વિધાનસભાની 8 બેઠકોની પેટાચૂંટણી કોંગ્રેસ જીતશે. પેટાચૂંટણીમાં 15 હજાર કરતાં વધુ મતોથી કોંગ્રેસ જીતશે. 

હાર્દિક પટેલે 2022ની વિધાનસભાની ચૂંટણીને લઇને કહ્યું કે 2022ની ચૂંટણીમાં ગુજરાતમાં કોંગ્રેસની સરકાર બનાવીશું. આ તાનાશાહી સરકાર સામે લડીશું. હાર્દિક પટેલે કહ્યું વિકાસનો મતલબ ગુજરાતના 6 કરોડ લોકોનો વિકાસ છે, રાજ્યના એક-એક વ્યક્તિ માટે હું કામ કરીશ. 

હાર્દિક પટેલે કાગવડ  ખોડલધામ મંદિરમાં દર્શન કર્યાં

આ અગાઉ પ્રદેશ કોંગ્રેસના કાર્યકારી અધ્યક્ષ બન્યા બાદ હાર્દિક પટેલ કાગવડ ખોડલધામ પહોંચ્યા હતા. અહીં તેમણે મા ખોડલના દર્શન કરીને નવી જવાબદારી શ્રેષ્ઠ રીતે બજાવી શકવા માટે પ્રાર્થના કરી હતી. તેઓ દર્શન કર્યા બાદ પત્રકાર પરિષદ યોજી છે. હાર્દિક પટેલ સાથે નરેશ પટેલના પુત્ર શિવરાજ પટેલ ખોડલધામ પહોંચ્યાં છે.