Wednesday, August 21, 2019
સબસ્ક્રાઈબ કરો VTVGujarati ન્યુઝ Whatsapp

પરિણામ / ગુજરાત કોંગ્રેસનું લોકસભા ચૂંટણીમાં હારનું આત્મચિંતન, સામે આવ્યા આ 10 કારણો

ગુજરાત કોંગ્રેસનું લોકસભા ચૂંટણીમાં હારનું આત્મચિંતન, સામે આવ્યા આ 10 કારણો

કોંગ્રેસે લોકસભા ચૂંટણીમાં હાર કેમ થઈ તે માટે આત્મચિંતન આદર્યું છે. લોકસભાની ચૂંટણીમાં ગુજરાતની તમામ 26 બેઠકો પર કોંગ્રેસ હારી ગઈ હતી. હાર માટે આત્મચિંતન કરવા ભેગા થયેલા કોંગ્રેસના નેતાઓમાં પણ બે મત જોવા મળ્યા હતા. હાર માટે એક જૂથ કોંગ્રેસના મોટા સંગઠન માળખાને જવાબદાર ગણે છે. 

આ જૂથ એવું પણ માને છે કે, પક્ષનું માળખું મોટું હોવાના કારણે કાર્યક્રમો અટવાય છે અને મોટા માળખામાં કામ કરનારા ઓછા અને માત્ર સ્થિતિને જોનારા વધુ હોય છે. કોંગ્રેસમાં હાર માટે બીજો મત એવો પણ ઉભરી આવ્યો છે કે, EVMને કારણે કોંગ્રેસ ખરાબ રીતે હારે છે. 

જો કે તેની સામે કેટલાક નેતાઓ એવું પણ માને છે કે સતત EVMને દોષ આપવાના સ્થાને મહેનત કરવી જોઈએ, EVMને દોષ આપવાથી કોંગ્રેસના કાર્યકરોમાં નિરાશા આવે છે અને પોતાની મહેનતથી જીત્યા નહી પરંતુ તેમની મહેનત પર EVM કોંગ્રેસને હરાવે છે.

કોંગ્રેસના આત્મચિંતનમાં 10 બોધ સામે આવ્યા:

  • એક જૂથ માને છે કે સંગઠનના મોટા માળખાને કારણે પક્ષને નુકસાન થઈ રહ્યું છે.
  • સંગઠનમાં વધારે લોકો હોવાથી પણ કોંગ્રેસ સતત હારતી રહી છે તેવું એક જૂથ માને છે.
  • મોટા સંગઠનને કારણે કામ કરનારા લોકો ઓછા અને સ્થિતિને જોનારા લોકો વધુ હોય છે.
  • કેટલાક નેતાઓ માને છે કે સંગઠનને દોષ આપવા કરતા, જે નેતાઓ કાર્યકરો પાસેથી કામ કરાવે છે તેમની ક્ષમતા વિશે પણ સવાલ કરવો જોઈએ.
  • કોંગ્રેસનું એક જૂથ એવું પણ માને છે કે EVMને કારણે કોંગ્રેસની ગુજરાતમાં સતત હાર થાય છે.
  • બીજા જૂથની દલીલ છે કે  EVMને દોષ આપવા કરતા કોંગ્રેસે મહેનત કરવી વધારે યોગ્ય તર્ક છે.
  • EVMને દોષ આપવાથી હજુ પણ ગુજરાતની જનતા કોંગ્રેસને મત નહી આપે તેવો નેતાઓનો મત છે.
  • વારંવાર EVMને દોષ આપવાના કારણે કાર્યકરો પણ નિરાશ થાય છે.
  • તેમની મહેનત EVMને કારણે દેખાતી ન હોવાનો મત સર્વવ્યાપક બને તો કાર્યકર નિરાશ થાય છે.
  • EVMને કારણ માનતું ગ્રુપ એવું પણ માને છે કે EVMમાં ગરબડની સર્વસંતોષી તપાસ થવી જોઈએ.

આ 10 બોધ છે જે કોંગ્રેસની ગુજરાતમાં હાર પછી આત્મચિંતનના ભાગરૂપે સામે આવ્યા છે.

જોવા જેવું વધુ જુઓ

બ્રેકિંગ ન્યૂઝ