કોંગ્રેસ બંધબેસતા જ્ઞાતિ સમીકરણો નક્કી ન કરી શકતા કોંગ્રેસ માટે પરફેક્ટમેન કોણ છે તે અંગે હજુ પણ ચર્ચા ચાલી રહી છે, ગુજરાત કોંગ્રેસના અધ્યક્ષ અંગે હજુ પણ અનિશ્ચિતતા
કોંગ્રેસ માટે પરફેક્ટ મેન કોણ તેને લઈ હજુ પણ ચર્ચા
ગુજરાત કોંગ્રેસના અધ્યક્ષ અંગે હજુ પણ અનિશ્ચિતતા
આગામી 72 કલાકમાં ગુજરાત કોંગ્રેસને મળી શકે અધ્યક્ષ
ગુજરાત કોંગ્રેસના પ્રદેશ પ્રમુખ મુદ્દે કોંગ્રેસમાં હજુ પણ અનિશ્ચિતતાની સ્થિતિ જોવા મળી રહી છે. પ્રદેશ અધ્યક્ષ તરીકે અમિત ચાવડાના રાજીનામાના આઠ મહિના બાદ પણ કોંગ્રેસમાં પ્રદેશ પ્રમુખની પસંદગી કરવામાં નથી આવી. ગુજરાતના નવા નિમાયેલા પ્રભારી પણ જલદીથી પ્રદેશ પ્રમુખ મુદ્દે નિર્ણય લઇ શક્યા નથી કોંગ્રેસ બંધબેસતા જ્ઞાતિ સમીકરણો નક્કી ન કરી શકતા કોંગ્રેસ માટે પરફેક્ટમેન કોણ છે તે અંગે હજુ પણ ચર્ચા ચાલી રહી છે.
ગુજરાત કોંગ્રેસના અધ્યક્ષ અંગે હજુ પણ અનિશ્ચિતતા
ગુજરાત કોંગ્રેસ પ્રદેશ પ્રમુખ માટે કોંગ્રેસે ઓપન અને અનામત એમ બે વિભાગમાં નામ નક્કી કર્યા છે. ઓપનમાં શક્તિસિંહ ગોહિલનું નામ કોંગ્રેસે નક્કી કર્યું છે પરંતુ શક્તિસિંહ ગોહિલ પ્રદેશ પ્રમુખની રેસમાં ન હોવાનું નિવેદન આપી ચૂક્યા છે. કોંગ્રેસે અનામત વર્ગમાંથી જગદીશ ઠાકોર અને પૂજાભાઈ વંશના નામ નક્કી કર્યા છે ત્યારે આગામી 72 કલાકમાં કોંગ્રેસ નામ નક્કી કરે એવી શક્યતાઓ દેખાઇ રહી છે
અમિત ચાવડા અને પરેશ ધાનાણીએ માર્ચ મહિનામાં આપ્યું રાજીનામું
મહત્વનું છે કે સ્થાનિક સ્વરાજ્યની ચૂંટણીમાં કોંગ્રેસ સારો દેખાવ ન કરી શકતા કોંગ્રેસ નેતા અમિત ચાવડા પ્રદેશ પ્રમુખ પદેથી અને પરેશ ધાનાણીએ વિરોધ પક્ષના નેતા તરીકે 4 માર્ચે રાજીનામા આપ્યા હતા. જે બાદ કોંગ્રેસમાં પ્રદેશ પ્રમુખ અને વિપક્ષના નેતાનું પદ ખાલી પડ્યું છે ત્યારે હવે આગામી સમયમાં કોના નામ સામે આવે છે તેના પર સૌની નજર જોવા મળી રહી છે.
આગામી 72 કલાકમાં ગુજરાત કોંગ્રેસને મળી શકે છે અધ્યક્ષ
ગુજરાતમાં કોંગ્રેસ પોતાની છબી સુધારવાના પ્રયાસમાં છે એકબાદ એક પછડાટ મળ્યા બાદ હવે કોંગ્રેસ માટે કપરા ચઢાણ છે, તો બીજી તરફ ગુજરાત વિધાનસભાની ચૂંટણીને લઈને પણ કોંગ્રેસ દ્વારા અત્યારથી જ તૈયારીઓ આરંભી દેવામાં આવી છે. દિલ્હીમાં વિપક્ષ નેતા અને કોંગ્રેસ પ્રદેશ પ્રમુખ માટેની ચર્ચા બાદ હવે ગુજરાત કોંગ્રેસને નવા પ્રદેશ પ્રમુખ મળી શકે છે તેવું મનાઈ રહ્યું છે
કોંગ્રેસ માટે પરફેક્ટ મેન કોણ તેને લઈ હજુ પણ ચર્ચા
અગાઉ કોંગ્રેસ પ્રભારી રઘુ શર્મા પણ રાહુલ ગાંધી સાથે મુલાકાત કરી ચુક્યા છે કોંગ્રેસ પ્રદેશ પ્રમુખ માટે હાર્દિક પટેલનું નામ આગળ આવ્યુ પરતું હાર્દિક પટેલે અધ્યક્ષ પદ માટે પોતે દાવેદાર હોવાનો ઈન્કાર કરી દીધો હતો, બીજી તરફ શક્તિસિંહ ગોહિલે પણ પ્રદેશ પ્રમુખનું પદ સ્વીકારવાનો ઈન્કાર કર્યો હતો, હવે પ્રદેશ અધ્યક્ષ માટે કોના નામ પર આખરી મહોર વાગે છે તે જોવાનું રહ્યું ?