IPLIN
 

રાજનીતિ / રાજ્યસભાની ચૂંટણી પહેલા કોંગ્રેસે પોતાના ધારાસભ્યોને જયપુર ખસેડવાની તજવીજ હાથ ધરી

Team VTV 06:40 PM, 14 Mar 20 | Updated: 08:20 PM, 14 Mar 20
Follow us
Gujarat Congress master plan MLA jaipur rajya sabha elections

રાજ્યસભાની ચૂંટણીમાં કોંગ્રેસને ધારાસભ્યો તૂટવાનો ડર છે. ત્યારે હવે કોંગ્રેસે ધારાસભ્યને ગુજરાત બહાર લઇ જઇ રહી છે. ત્યારે કોંગ્રેસના કેટલાક ધારાસભ્યો એરપોર્ટ જવા માટે રવાના થઇ ચૂક્યા છે. તો કેટલાક ધારાસભ્યો સીધા જયપુર પહોંચી ચૂક્યા છે. રાજ્યસભાની બે સીટ બચાવવા માટે કોંગ્રેસે આ નિર્ણય કર્યો છે. 

  • રાજ્યસભાની ચૂંટણીમાં કોંગ્રેસને ક્રોસ વોટિંગનો ડર
  • ધારાસભ્યોને ગુજરાત બહાર લઇ જવાની તાજવીજ
  • કોંગ્રેસે પોતાના ધારાસભ્યોના બે ગૃપ પાડ્યા

રાજ્યસભાની ચૂંટણીમાં કોંગ્રેસને ક્રોસ વોટિંગનો ડર સતાવી રહ્યો છે. કોંગ્રેસના ધારાસભ્યો ગુજરાત બહાર જવા રવાના થઇ ચૂક્યા છે. અંદાજિત 14 જેટલા ધારાસભ્યોને કોંગ્રેસે જયપુર ખસેડ્યા છે. કોંગ્રેસના ધારાસભ્ય હર્ષદ રિબડિયા, ગેનીબેન ઠાકોર, ઋત્વિજ મકવાણા એરપોર્ટ જવા રવાના થયા છે. તેઓ MLA કવાર્ટસથી એરપોર્ટ જવા રવાના થયા છે. તો કપરાડાના જીતુ ચૌધરી સીધા જયપુર પહોંચી ચૂક્યા છે. મતદાનના એક દિવસ પહેલા ધારાસભ્યોને ગાંધીનગર લવાશે.

કયા ધારાસભ્યને જયપુર લઇ જવાયા?

  1. લાખા ભરવાડ
  2. ચિરાગ કાલરિયા
  3. ચંદનજી ઠાકોર
  4. ગેનીબેન ઠાકોર 
  5. હિંમતસિંહ પટેલ 
  6. બળદેવજી ઠાકોર
  7. પુનમ પરમાર
  8. અજીત ચૌહાણ
  9. ઇન્દ્રજીતસિંહ પરમાર
  10. કાંતિ પરમાર
  11. રાજેશ ગોહિલ
  12. હર્ષદ રિબડિયા
  13. નાથાભાઇ પટેલ
  14. ઋત્વીજ મકવાણા

ગેનીબેન ઠાકોરે કોંગ્રેસની જીતનો વ્યક્ત કર્યો વિશ્વાસ  

ગેનીબેને ગુજરાત બહાર જતા પહેલા ઘરેથી નિકળતા ગાયને રોટલી આપી શુકન લીધા હતા. તેમણે કહ્યું હતું કે, રાજ્યસભાની ચૂંટણીમાં કોંગ્રેસ 2 બેઠક જીતશે.

ભાજપ ચિંતામાં મુકાયું

ધારાસભ્યોને રાજ્ય બહાર મોકલતા ભાજપ ચિંતામાં મુકાયું છે. ભાજપ કોંગ્રેસના ધારાસભ્યોને તોડવાના ફિરાકમાં હતી. કોંગ્રેસના ધારાસભ્યો રાજ્ય બહાર જતા મુશ્કેલી વધી છે. કોંગ્રેસના ધારાસભ્યોના પરિવારનો ભાજપ સંપર્ક કરી શકે છે. પરિવારના સભ્યો મારફતે MLA સુધી પહોંચવાની ભાજપની રણનીતિ છે. 

ત્યારે કોંગ્રેસે પોતાના ધારાસભ્યોના બે ગૃપ પાડ્યા

શક્તિસિંહ ગોહિલ અને ભરતસિંહ માટે બે ગૃપ પાડ્યા હોવાનું ચર્ચાઇ રહ્યું છે. ઉત્તર અને મધ્ય ગુજરાતના ધારાસભ્ય ભરતસિંહ સાથે રહેશે. જ્યારે દક્ષિણ અને સૌરાષ્ટ્રના ધારાસભ્ય શક્તિસિંહ સાથે રહેશે. ભરતસિંહ સમર્થક ધારાસભ્યને ઉદયપુર લઇ જવાશે. તો શક્તિસિંહ સમર્થક ધારાસભ્યને જયપુર લઇ જવાશે. આમ, કોંગ્રેસના ધારાસભ્યોને ગુજરાત બહાર લઇ જવાની તૈયારી શરૂ થઇ ચૂકી છે. મહત્વનું છે કે સાંજે તમામ ધારાસભ્યને એરપોર્ટ પર પહોંચવા આદેશ અપાયો છે. તો બીજી તરફ કેટલાક કોંગ્રેસના ધારાસભ્યો એરપોર્ટ પર પહોંચી રહ્યાં છે. તો કેટલાક ધારાસભ્યો સીધા જયપુર પહોંચી ચૂક્યા છે.

મહત્વનું છે કે, કોંગ્રેસના ધારાસભ્યોને રાજ્યની બહાર લઇ જવાનો અંતિમ નિર્ણય અહેમદ પટેલ દ્વારા કરવામાં આવ્યો હોવાનું ચર્ચાઇ રહ્યું છે. તો પાટીદાર ધારાસભ્યોને સાચવવાની જવાબદારી હાઈકમાન્ડ દ્વારા પરેશ ધાનાણીને સોંપવામાં આવી છે.

 

congress RAJYA SABHA ELECTIONS 2020 gujarat ગુજરાત કોંગ્રેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ